Ɛzoanvolɛma Gyima ne 7:51 - BAEBOLO ANZƐƐ BULUKU NWUANZANWUANZA

⁵¹ Sitivin hɔle zolɛ zele bɛ kɛ, “Bɛdabɛ, bɛ nzo yɛ se kpalɛ! Bɛnlie Nyamenle bɛnli fee; bɛkpɔla bɛ nzo anzi wɔ Nyamenle edwɛkɛ ne anwo! Bɛva bɛ nlenya mɔ agyakɛ, dahuu bɛko bɛtia Sunsum Nwuanzanwuanza ne!

Ɛzoanvolɛma Gyima ne 7:51 ပူးပေါင်းရင်းမြစ်များ

2 Arl 17:14

Noko bɛandie, yɛɛ bɛanli zolɛ. Bɛyɛle anzosesebɛ, kɛmɔ bɛ nlenya mɔ yɛle la; bɛanlie Ɛdɛnkɛma bɛ Nyamenle ne bɛanli.

2 Edk 30:8

Bɛmmayɛ anzosesebɛ kɛmɔ bɛ ze mɔ yɛle la. Bɛva bɛ nwo bɛmaa Ɛdɛnkɛma na bɛrɛla ye Ɛzonlenlɛ Sua ye mɔɔ yede nwolɛ wɔ melɛ mɔɔ ɛnlɛ awieleɛ la anu, na bɛrazonle Ɛdɛnkɛma bɛ Nyamenle ne, na ye ɛya kpole ne avi bɛ nwo zo.

Nihɛmaya Buluku ne 9:16

Noko yɛ mgbanyima yɛle mgbanyizonle nee anzosesebɛ, na bɛkpole kɛ bɛnrɛli wɔ mɛla ne mɔ azo.

Nihɛmaya Buluku ne 9:30

Ɛbɔle bɛ kɔkɔ abotane nu ɛvolɛ biala, ɛluale wɔ Sunsum ne azo ɛmanle wɔ kpɔmanvolɛma dendɛle, na wɔ menli ne yɛle ateakpaso; yemɔti ɛmanle maanle maanle lile bɛ nwo zo konim.

Edwɛndolɛ Buluku ne 75:5

mmaka mgbole ɛmemaa ɛ nwo zo, anzɛɛ mmatwe ɛ kɔme ɛka mgbole’ ”

Edwɛndolɛ Buluku ne 78:8

amaa bɛanyɛ kɛ bɛ nlenya mɔ, bɛanyɛ awolɛndoazo atuadelɛma nee anzosesebɛ; awolɛndoazo mɔɔ ɛnnea ɛleka ko, mɔɔ ɛnli nɔhalɛ ɛmmaa Nyamenle la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:9

Menwu kɛ menli ne le dapele,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:3

Bɛhɔ azɛlɛ ne mɔɔ kye aleɛ la azo; na mame, me nee bɛ ɛnrɛhɔ, anrɛɛ menwɔbɔ bɛ bo zo wɔ adenle nu, ɔluakɛ bɛle menli mɔɔ anzo yɛ se a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:5

Ɔluakɛ ɛnee Ɛdɛnkɛma ɛha ɛhile Mosisi kɛ, “Ka kile Yizilayɛma kɛ, ‘Bɛle menli anzosesebɛma mɔɔ saa me nee bɛ tudu agyakɛ ekyii bɔbɔ a, mebabɔ bɛ bo zo a. Yemɔti bɛyeye bɛ anwoneɛ ne mɔ mɔɔ bɛva bɛziezie bɛ nwo la, amaa meanwu kɛ mesi meayɛ bɛ la.’ ”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:9

Na ɔhanle kɛ, “O Awulae, mebodo wɔ, Awulae, menli ne le dapele bɔbɔ ɛdeɛ, noko mesɛlɛ wɔ, saa me nyunlu ɛra anyia wɔ ɛ nyunlu a, ɛnee ɛ nee yɛ ɛhɔ, fa yɛ munzule nee yɛ ɛtane ne mɔ kyɛ yɛ, na fa yɛ yɛ wɔ menli.”

Ayezaya Buluku ne 48:4

Kɛmɔ meze kɛ bɛnli edwɛkɛ nwo bie, na bɛ kɔme ɛyɛ kahelee kɛ bulalɛ, bɛ nwoma azo ta kɛ ayera la ati,

Ayezaya Buluku ne 63:10

Noko bɛdele ɔ nwo atua na bɛmanle ye Sunsum Nwuanzanwuanza ne lile nyane. Yemɔti ɔhakyile ɔ nwo ɔyɛle bɛ kpɔvolɛ na ɔdaye mumua ne ɔhonle ɔtiale bɛ.

Gyɛlɛmaya Buluku ne 17:23

Noko bɛ ze mɔ andie me ne, bɛampili me. Bɛyɛle anzosesebɛ, amaa bɛandie edwɛkɛ biala na yeayɛ ngilehilelɛ.

Gyɛlɛmaya Buluku ne 4:4

Bɛmɛ Dwudama nee Gyɛlusalɛmma, bɛdu bɛ nwo bɛmaa medame Ɛdɛnkɛma, na bɛde bɛ ahonle nu, anrɛɛ bɛ ninyɛmunli ne mɔ mɔɔ bɛyɛ la ati, me ɛya ne bazɔ kɛ senle, na awie biala ɛnrɛhola ye nua.”

Gyɛlɛmaya Buluku ne 6:10

Membuale kɛ, “Saa meka edwɛkɛ ɛhye mefa mebɔ kɔkɔ a, nwane bɔbɔ a kɛdie me a? Bɛduodua bɛ nzo; ɛka edwɛkɛ a bɛndie. Ɛdɛnkɛma, ɛ nloa edwɛkɛ bɔbɔ yɛ bɛ ɛzelekɛ. Bɛ nye ɛnlie ɛ nloa edwɛkɛ ne anwo fee.

Yizikeɛle Buluku ne 2:4

Eza bɛle menli mɔɔ ɛzua anyetele, yɛɛ bɛmbu me. Mesoa wɔ wɔ bɛ nwo ɛkɛ na wɔahɔze bɛ kɛ, ‘Kɛ medame Awulae Nyamenle mese la ɛne.’

Yizikeɛle Buluku ne 44:7

Bɛgyakyi kɛ bɛkɛmaa nyɛvolɛ mɔɔ ɛsolo na bɛnze Nyamenle la kɛwolo me Ɛleka Nwuanzanwuanza ne bɛkɛhɔgua ɛkɛ ne evinli wɔ mekɛ mɔɔ bɛfa me aleɛ, nane ɛnlome nee mogya ne bɛarɛlɛ me la. Bɛyɛ ɛhye bɛtulu me ngyekyeleɛ ne bɛboka bɛ ninyɛndane bebelebe ne mɔ mɔɔ bɛyɛ la anwo.

Yizikeɛle Buluku ne 44:9

“Yemɔti medame Awulae Nyamenle, mese: Ɛyɛvolɛ biala mɔɔ ɛnze Nyamenle na yesolo, ɛyɛvolɛ biala mɔɔ wɔ Yizilayɛ maanle ne anu la, ɛnle kɛ kɔ me Ɛleka Nwuanzanwuanza ne.”

Sɛlɛ 26:41

mɔɔ yemɔti medame memkpole bɛ na menvale bɛ mengɔle bɛ kpɔvolɛma maanle nu la bɛto gua, na saa akee bɛbɛlɛ bɛ ahonle ne mɔ mɔɔ ɛsolo la aze, na bɛsia bɛ nzi bɛfi bɛ amumuyɛ ne mɔ anwo a,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 27:14

Ɔboalekɛ bɛ mu nwiɔ bɛbulule me mɛla zo wɔ Zen fienemgbole ne anu. Mekɛ mɔɔ menli ne kɔsɔɔti dendɛle tiale me wɔ Mɛleba la, bɛkpole kɛ bɛnrɛmaa menli ne ɛnrɛnwu me tumi nwuanzanwuanza ne.” (Mɛleba le nzubula wɔ Keedɛhye mɔɔ wɔ Zen fienemgbole ne anu la.)

Ɛzoanvolɛma Gyima ne 6:10

Na Sunsum ne manle Sitivin nrɛlɛbɛ dɔɔnwo, yemɔti bɛangola ye fee.

Ɛzoanvolɛma Gyima ne 7:27

Na ko ne mɔɔ ɛnee ɛlɛyɛ ɔ gɔnwo asa la zuhunle Mosisi ziele ahane na ɔzele ye kɛ, ‘Nwane a dule wɔ kɛ ɛrali yɛ nwo zo belemgbunli na ɛyɛ yɛ ndɛnebuavolɛ a?

Ɛzoanvolɛma Gyima ne 7:35

“Mosisi ɛhye mɔɔ bɛkpole ye, na bɛzele ye kɛ, ‘Nwane a yɛle wɔ belemgbunli nee ndɛnebuavolɛ wɔ yɛ nwo zo’ la, yemɔ ala a Nyamenle luale soanvolɛ ne mɔɔ vindele sendɔlɔra ne anu wɔ ɛsɛlɛ ne azo la anwo zo zoanle ye kɛ ɔli bɛ nwo zo belemgbunli na ɔlie bɛ a.

Ɛzoanvolɛma Gyima ne 7:39

“Na yɛ nlenya mɔ kpole kɛ bɛnrɛdie ye; bɛvale ye bɛziele ahane na bɛhulole kɛ anrɛɛ bɛkɛzia bɛkɛhɔ Yigyibiti.

Ɛzoanvolɛma Gyima ne 7:9

“Dwosefi anwo yɛle ɔ mediema ne mɔ ɛya na ɔlua zolɛ bɛdɔnenle ye kɛ kanra bɛmanle bɛ nee ye hɔle Yigyibiti, na Nyamenle lile ɔ nzi,

Wulo 2:25

Saa bɛdi mɛla ne azo a, ɛnee bɛ mrenyanu nzonlɛyɛlɛ ne le nvasoɛ, na saa bɛnli mɛla ne azo a, ɛnee noko anrɛɛ bɛanyɛ bɛ mrenyanu nzonlɛ bɔbɔ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:30

Bɛmmabɔ Nyamenle Sunsum Nwuanzanwuanza ne arɛle, ɔluakɛ Sunsum ne a le Nyamenle nzonlɛ mɔɔ yeyɛ ye bɛ nwo mɔɔ kile kɛ bɛle ye ɛdeɛ a; sɛkɛlɛneɛ ɛhye kile kɛ Kenle ne dwu a Nyamenle bakpɔne bɛ.

Mɛla 10:16

Zɔhane ati, bɛmmayɛ anzosesebɛ bieko na bɛmaa bɛ ahonle nu ɛde.

Mɛla 30:6

Ɛdɛnkɛma bɛ Nyamenle ne bade bɛ ahonle nu, na yeade bɛ bo zo amra ahonle nu, amaa bɛava bɛ ahonle nee bɛ ɛkɛla muala bɛahulo Ɛdɛnkɛma bɛ Nyamenle ne, na bɛanyia ngoane.

Mɛla 31:27

Ɔluakɛ meze kɛ bɛngyɛ na bɛade atua. Mɔɔ medame mumua ne mede aze la, medame me nye zo, bɛdele Ɛdɛnkɛma anwo atua, na akee mɔɔ menwɔwu la!

Mɛla 9:13

“Ɛdɛnkɛma eza zele me kɛ, ‘Menlea menli ɛhye mɔ dedee la, menwu kɛ bɛle menli mɔɔ ɛsolo a.

Mɛla 9:6

Zɔhane ati bɛnwu ye kɛ, tɛ bɛ tenlene ti yɛɛ Ɛdɛnkɛma bɛ Nyamenle ne ɛlɛfa azɛlɛ ne amaa bɛadɛnla zolɛ a, ɔluakɛ bɛle menli mɔɔ bɛ nzo yɛ se kpalɛ a.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:3

Yɛmɛ a yɛnyia nɔhalɛ mrenyanu nzonlɛyɛlɛ ne a, na tɛ bɛmɛ ɔ, ɔluakɛ yɛdua Nyamenle Sunsum ne azo a yɛsonle a, na yɛdi fɛlɛko kɛ yɛnyia Kelaese Gyisɛse wɔ yɛ ɛbɛla nu. Yɛnva yɛ rɛle yɛnwula ewiade amaamuo nu.

Kɔlɔ 2:11

Bɛ nee Kelaese yɛle ko ala la yɛɛ bɛyɛle bɛ mrenyanu nzonlɛ a, tɛ nwonane nu, kɛmɔ menli yɛ la ɔ, ɛhye le Kelaese ɔdaye ye nzonlɛyɛlɛ mɔɔ ɔyɛ yɛ ɔfi nwonane ɛtane ɛhye mɔ tumi ne abo a.