Ɛzoanvolɛma Gyima ne 7:50 - BAEBOLO ANZƐƐ BULUKU NWUANZANWUANZA

⁵⁰ Anzɛɛ tɛ mame medame a menyɛle ɛhye mɔ amuala ɔ?’ ”

Ɛzoanvolɛma Gyima ne 7:50 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:11

Ɔluakɛ medame Ɛdɛnkɛma, menvale kenle nsia a membɔle anwuma nee aze a, nyevile nee nuhua ninyɛne muala, na menliele me ɛnwomenle wɔ kenle nsuu ne azo. Yemɔti medame Ɛdɛnkɛma, menyilale Ɛnwomenlelielɛ Kenle ne na menyɛle ye nwuanzanwuanza.

Ayezaya Buluku ne 40:28

Bɛnze ɔ? Bɛtɛtele ɔ? Ɛdɛnkɛma le damɛnlangoate Nyamenle, ewiade amuala Bɔvolɛ. Ɔnvɛ yɛɛ ɔ nwo ɛmbɛlɛ ye, ye ndelebɛbo ɛnlɛ nvedenvedenu.

Ayezaya Buluku ne 44:24

Ɛdɛnkɛma, bɛ Kpɔnevolɛ ne mɔɔ bɔle bɛ guale bɛ wɔ bɛ nli mɔ akunlu la se, “Medame a mele Ɛdɛnkɛma, mɔɔ bɔle ninyɛne kɔsɔɔti la, me ngome a membɔle anwuma a. Mɔɔ mebɔ azɛlɛ ye la, nwane a gyi me foa a?

Ayezaya Buluku ne 45:12

Medame a membɔle ewiade a, yɛɛ membɔle sonla mendole nu; menvale me tumi a membɔle anwuma a, yɛɛ medame a membɔle anwumaneamra a.

Ayezaya Buluku ne 66:2

Medame a meva me sa mebɔ ninyɛne kɔsɔɔti a, yemɔti debie biala le me ɛdeɛ, medame Ɛdɛnkɛma a mese a. Noko sonla mɔɔ me nye balie ɔ nwo la a le sonla ne mɔɔ le bɛlɛvo, ɔnu ɔ nwo, ɔsulo me na ɔdi me edwɛkɛ zo la.

Gyɛlɛmaya Buluku ne 10:11

(Se bɛ kɛ, “Bɛbazɛkye awozonle ne mɔ mɔɔ tɛ bɛmɛ a bɛbɔle anwuma nee aze la. Bɛnrɛnyia ewiade ye ɛleka biala bɛnrɛdɛnla.”)

Gyɛlɛmaya Buluku ne 32:17

wɔmɔ yɛɛ wɔva wɔ tumi kpole ne nee wɔ anwosesebɛ wɔbɔ anwuma nee aze a!

Ɛzoanvolɛma Gyima ne 14:15

“Ayi mɔ, duzu ati a bɛlɛyɛ ɛhye mɔ ɛ? Yɛdayɛ noko yɛle menli kɛ bɛdabɛ la. Yɛrale kɛ yɛbabɔ Edwɛkpa ne nolo yeahile bɛ, amaa bɛahwe bɛ nwo bɛavi ninyɛne mgbane mgbane ɛhye mɔ mɔɔ anwo ɛnlɛ nvasoɛ la anwo, na bɛazonle tease Nyamenle ne mɔɔ bɔle anwuma, azɛlɛ, nyevile nee mɔɔ wɔ nuhua la amuala la.

Ɛzoanvolɛma Gyima ne 17:24

Nyamenle ne, mɔɔ bɔle ewiade nee mɔɔ wɔ nuhua la amuala la le anwuma nee aze Awulae, na ɔndɛnla sua mɔɔ menli ɛva bɛ sa ɛzi la anu.