Ɛzoanvolɛma Gyima ne 7:5 - BAEBOLO ANZƐƐ BULUKU NWUANZANWUANZA

⁵ Ɛnee Nyamenle ɛtɛfale azɛlɛ ne ɛleka biala ɛtɛmanle Ebileham kɛ ɔle ɔdaye ye ɛdeɛ. Azɛlɛ waa ko bɔbɔ bɔle ye, noko ɛnee Nyamenle ɛva ɛbɔ ye ɛwɔkɛ kɛ ɔbava yeamaa ye nee ɔ bo zo amra, wɔ mekɛ mɔɔ ɛnee Ebileham mumua ne ɛnlɛ ralɛ la.

Ɛzoanvolɛma Gyima ne 7:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:7

Akee Ɛdɛnkɛma yele ɔ nwo hilele Ebilam, na ɔzele ye kɛ, “Mebava azɛlɛ ɛhye meamaa ɛ bo zo amra.” Yemɔti Ebilam zile azukponle wɔ ɛkɛ ne manle Ɛdɛnkɛma, mɔɔ ɛye ɔ nwo ɛhile ye la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 13:15

ɔluakɛ mebava azɛlɛ ne mɔɔ ɛ nye dua ye la amuala meamaa wɔ nee ɛ bo zo amra, meamaa yeayɛ bɛ ɛdeɛ bɔkɔɔ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:18

Na kenle ko ne Ɛdɛnkɛma nee Ebilam yɛle ngyekyeleɛ. Ɛdɛnkɛma zele Ebilam kɛ, “Meva azɛlɛ ɛhye memaa ɛ bo zo amra. Azɛlɛ ne vi Yigyibiti ɛweɛne zo kɔdwu Azukpole Yufileti ne anloa.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 16:2

Na Sɛleeyae hanle hilele Ebilam kɛ, “Nea, Ɛdɛnkɛma ammaa meanwo. Yemɔti ɛ nee me sonvolɛ raalɛ ne ɛhɔla. Wɔannea a ɔkɛyɛ kɛ yemɔ ɔbawo mralɛ yeamaa me.” Na Ebilam diele ɔ ye Sɛleeyae ane.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:8

Na mebava azɛlɛ ne mɔɔ ɛlɛkpɔsakpɔsa zolɛ la meamaa wɔ nee ɛ bo zo amra. Bɛbava Keena azɛlɛ ne kɔsɔɔti bɛayɛ bɛ ɛdeɛ, na mebayɛ bɛ Nyamenle.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 23:4

“Mele ɛyɛvolɛ a mede bɛ avinli ɛke a; bɛmaa me azɛlɛ mendɔ menyɛ me azie menzie me funli wɔ zolɛ.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:3

Duolua azɛlɛ ɛhye azo ala na me nee wɔ balua. Mebayila wɔ, ɔluakɛ ɛdawɔ nee ɛ bo zo amra yɛɛ mebava azɛlɛ ɛhye meamaa bɛ a, na mebali me ɛwɔkɛ ne mɔɔ membɔle ɛ ze Ebileham la azo.

Nihɛmaya Buluku ne 9:8

Ɛnwunle kɛ ɔdi nɔhalɛ ɔmaa wɔ, na ɛ nee ye yɛle ngyekyeleɛ. Ɛbɔle ye ɛwɔkɛ kɛ ɛkɛva Keenama, Hɛtema, yɛɛ Amɔlema, Pɛlɛzema nee Gyibɛsema, yɛɛ Gɛgahyema azɛlɛ ne mɔ ɛkɛmaa ɔ bo zo amra. Ɛlile wɔ ɛwɔkɛ zo, ɔboalekɛ ɛdi nɔhalɛ.

Yizikeɛle Buluku ne 33:24

Ɔse, “Sonla ra, menli mɔɔ wɔ Yizilayɛ azɛlɛ ne mɔ mɔɔ ɛdɔ mgbane la azo la tɛka kɛ, ‘Ebileham ɛnee le sonla kokye, noko ɔholale ɔnyianle azɛlɛ ne, na akee yɛmɛ mɔɔ yɛ nwo zonle la; bɛva azɛlɛ ne bɛmaa yɛ kɛ ɔle yɛ ɛdeɛ bɔkɔɔ.’

Mɛla 10:11

Na Ɛdɛnkɛma zele me kɛ, ‘Dwazo kɔli menli ne ati maa bɛdu bɛ adenle ne na bɛhɔva azɛlɛ ne mɔɔ menvale membɔle bɛ ze mɔ ɛwɔkɛ la.’

Mɛla 11:9

na bɛanyi bɛahyɛ wɔ azɛlɛ kpalɛ ne mɔɔ kye aleɛ mɔɔ Ɛdɛnkɛma bɛ Nyamenle ne vale bɔle bɛ ze mɔ ɛwɔkɛ kɛ ɔfa yeamaa bɛ nee bɛ bo zo amra la azo.

Mɛla 2:5

Bɛmmafa konle biala bɛtoa bɛ, ɔluakɛ menrɛva bɛ azɛlɛ ne bie menrɛmaa bɛ. Bɛ azɛlɛ ne ekyi mɔɔ le kɛ egyakɛ ko abo zo bɔbɔ la, bɛnrɛnyia ye, ɔboalekɛ meva Yidɔm maanle ne memaa Yisɔ nee ɔ bo zo amra kɛ bɛ ɛdeɛ ɔ.

Mɛla 34:4

Na Ɛdɛnkɛma zele ye kɛ, “Azɛlɛ ne mɔɔ menvale membɔle Ebileham, Ayezeke, nee Gyekɔbo ɛwɔkɛ kɛ mebava meamaa bɛ bo zo amra la ɛne. Memaa ɛ nye nwiɔ anwu ye, noko ɛ gyakɛ ba ɛnrɛtia zolɛ.”

Mɛla 9:5

Tɛ bɛ tenleneyɛlɛ anzɛɛ bɛ boɛ mɔɔ bɛdi la ati yɛɛ Ɛdɛnkɛma bɛ Nyamenle ne ɛlɛtu bɛ a, na amaa ye ɛwɔkɛ ne mɔɔ ɔbɔle bɛ ze mɔ Ebileham, Ayezeke, nee Gyekɔbo la ali munli la ati ɔ.