Ɛzoanvolɛma Gyima ne 7:49 - BAEBOLO ANZƐƐ BULUKU NWUANZANWUANZA

⁴⁹ ‘Awulae se, Anwuma le me belemgbunli ebia, yɛɛ azɛlɛ ye le me gyakɛ abo ebia. Duzu sua a bɛsi bɛamaa me a? Nienwu ɛleka a metɛnla mealie me ɛnwomenle a?

Ɛzoanvolɛma Gyima ne 7:49 ပူးပေါင်းရင်းမြစ်များ

1 Arl 22:19

Maekaya buale kɛ, “Zɔhane ati bɛdie mɔɔ Ɛdɛnkɛma se la. Menwu kɛ Ɛdɛnkɛma de ye ebia nu na anwuma soanvolɛma ɛbɔ ɛyia ye; bɛgua ye bɛne nee fema,

1 Arl 8:27

“Na Ɛdɛnkɛma, asoo amgba ɛbaradɛnla azɛlɛ ye azo bie? Wɔmɔ, anwuma nehane bɔbɔ le ekyi maa wɔ na sua ekyi ɛhye mɔɔ mezi la yɛɛ akee ɛkɛzo nu a.

2 Edk 6:18

“Na asoo amgba ɛdawɔ Nyamenle ɛ nee menli badɛnla ewiade ye anu? Anwuma nehane tɛtɛtɛlɛlɛ ne bɔbɔ, ɛnzo lɔ, na akee Ɛzonlenlɛ Sua ekyi ɛhye mɔɔ mezi la yɛɛ ɛbazo nu a?

Edwɛndolɛ Buluku ne 11:4

Ɛdɛnkɛma wɔ ye Ɛzonlenlɛ Sua nwuanzanwuanza ne anu, ye belemgbunli ebia wɔ anwuma; ɔnwu menli kɔsɔɔti, ɔsɔ bɛ ɔnea.

Ayezaya Buluku ne 66:1

Ɛdɛnkɛma se, “Anwuma le me belemgbunli ebia, yɛɛ azɛlɛ ye le me gyakɛ abo ebia. Duzu sua a bɛkɛzi bɛkɛmaa me a, yɛɛ nienwu a medie me ɛnwomenle a?

Gyɛlɛmaya Buluku ne 23:24

Asoo sonla kola fea ɔ nwo mɔɔ mengola mennwu ye a? Medame Ɛdɛnkɛma, mese, mewɔ ɛleka kɔsɔɔti, anwuma o, aze o.

Malakae Buluku ne 1:11

Me duma le kpole wɔ maanle maanle avinli ɔvi sɛnzɛne aduduleɛ kɔdwu adɔleɛ. Ɛleka biala bɛkpu ɛyɛlɛ evuanlɛ na bɛfa azubɔdeɛ mɔɔ anwo te la bɛmaa me, ɔluakɛ me duma ne le kpole wɔ maanle maanle avinli.

Edwɛkpa ne kɛmɔ Mateyu hɛlɛle la 23:22

Saa awie fa anwuma ka ndane a, ɛnee yeva Nyamenle belemgbunli ebia ne nee mɔɔ de zolɛ la amuala yeha ndane ne.

Edwɛkpa ne kɛmɔ Mateyu hɛlɛle la 24:2

Na ɔbizale bɛ kɛ, “Bɛnwu ninyɛne ɛhye mɔ ɔ? Nɔhalɛ, meka meahile bɛ kɛ bolɛ ko bɔbɔ ɛnrɛla bolɛ zo mɔɔ bɛnrɛdwula ye aze a.”

Dw 4:21

Gyisɛse zele ye kɛ, “Ɔmɔ, die me di, mekɛ bara mɔɔ menli ɛnrɛzonle Selɛ ne wɔ boka ye azo anzɛɛ wɔ Gyɛlusalɛm a.

Yekile 3:21

Mɔɔ kɛli konim la, mebamaa ye adenle meamaa yearadɛnla me nwo ɛkɛ ne wɔ me belemgbunli ebia ne azo, kɛmɔ meli konim na mede Egya anwo ɛkɛ ne wɔ ye belemgbunli ebia ne azo la.