Ɛzoanvolɛma Gyima ne 7:42 - BAEBOLO ANZƐƐ BULUKU NWUANZANWUANZA

⁴² Yemɔti Nyamenle hwenle ɔ nwo vile bɛ nwo na ɔyele bɛ ɔmanle kɛ bɛzonle anwomanyunlu ninyɛne, kɛmɔ bɛhɛlɛ ye wɔ Nyamenle kpɔmanvolɛma mbuluku ne mɔ anu la. Ɔse, ‘Yizilayɛma, ɛvolɛ abulanla ne mɔɔ bɛlile wɔ ɛsɛlɛ ne azo la, bɛhunle nane bɛbɔle azu bɛmanle me ɔ?

Ɛzoanvolɛma Gyima ne 7:42 ပူးပေါင်းရင်းမြစ်များ

2 Arl 17:16

Bɛbulule Ɛdɛnkɛma bɛ Nyamenle ne mɛla mɔɔ ɔvale ɔmanle bɛ la kɔsɔɔti azo, na bɛvale ninyɛne bɛholole bɛguale nlankɛ nyinli ananze nwiɔ bɛzonlenle bɛ. Eza bɛyɛle bɛ bozonle raalɛ Ahyela ne ananze, na bɛzonlenle anwomanyunlu ninyɛne nee bozonle Beeyale.

2 Arl 21:3

Ɔziale ɔsisile awozonle azua ne mɔ mɔɔ ɔ ze Hɛzikaya manle bɛbubule bɛ la. Ɔsisile azukponle wɔ azua ne mɔ anu kɛ bɛva bɛzonle bozonle Beeyale ne na ɔyɛle bozonle raalɛ Ahyela ne ananze, kɛmɔ Yizilayɛ Belemgbunli Ehabe yɛle la. Manasɛ eza zonlenle nwɔlɔra ne mɔ.

Edwɛndolɛ Buluku ne 95:10

Mengyile awolɛndoazo zɔhane ɛvolɛ abulanla, na menganle kɛ, “Bɛle menli mɔɔ ɛsolo, na bɛmbu me ndenle ne mɔ bie a.”

Ayezaya Buluku ne 43:23

Bɛtɛfale bɛ mboane bɛtɛbayɛle ɛyelalɛ azubɔdeɛ bɛtɛmanle me, yɛɛ bɛtɛfale azubɔlɛ bɛtɛdile me eni. Metɛfale azubɔlɛ metɛyɛle kpomgbolo metɛkpolole bɛ, yɛɛ metɛgyegyele bɛ wɔ ɛyɛlɛ evuanlɛ nwo.

Ayezaya Buluku ne 63:10

Noko bɛdele ɔ nwo atua na bɛmanle ye Sunsum Nwuanzanwuanza ne lile nyane. Yemɔti ɔhakyile ɔ nwo ɔyɛle bɛ kpɔvolɛ na ɔdaye mumua ne ɔhonle ɔtiale bɛ.

Ayezaya Buluku ne 66:4

Mebamaa bɛanwu amaneɛ, yɛɛ mebamaa amaneɛnwunlɛ ne mɔɔ bɛsulo ye la ara bɛ nwo zo, ɔboalekɛ menvɛlɛle la, awie anlie zolɛ, mendendɛle la, bɛandie; bɛyɛle mɔɔ le ɛtane wɔ me nye zo la, na bɛvale mɔɔ me nye ɛnlie nwolɛ la.”

Gyɛlɛmaya Buluku ne 19:13

Azua mɔɔ wɔ Gyɛlusalɛm, Dwuda arelemgbunli azua, yɛɛ azua mɔɔ bɛkpu ɛyɛlɛ zolɛ bɛmaa anwumaneamra na bɛva nwanye bɛgua bɛbɔ azu bɛmaa nyamenle gyɛne gyɛne la, evinli ɛha bɛ kɛ Tofɛte la.”

Gyɛlɛmaya Buluku ne 8:2

Kɛ bɛkɛhuohua bɛ nloa bɛkɛzie bɛ la, bɛbado mbowule bɛazande azɛlɛ ne anwo. Bɛbagua ɛkɛ, amaa sɛnzɛne ne, siane ne, yɛɛ anwumaneamra kɔsɔɔti mɔɔ bɛhulole bɛ, bɛbɔle bɛ ti aze bɛmanle bɛ, bɛkpondɛle bɛ, bɛlile bɛ nzi na bɛzonlenle bɛ la anwu bɛ.

Yizikeɛle Buluku ne 20:25

“Yemɔti memanle bɛ mɛla mɔɔ ɛnle kpalɛ nee ngyehyɛlɛ mɔɔ bɛdi zolɛ a, bɛnrɛnyia ngoane la.

Yizikeɛle Buluku ne 20:39

Na Awulae Nyamenle ne zele kɛ, “Bɛmɛ Yizilayɛma, bɛhɔ zolɛ. Saa bɛnrɛdie me a, ɛnee awie biala ɛbɔ ɔ bo ɛnɛ nee dahuu ɔzonle ye mmonle ne mɔ. Noko bɛmmafa bɛ ahyɛlɛ ninyɛne nee bɛ mmonle ne mɔ bɛsɛkye me duma.

Yizikeɛle Buluku ne 8:16

Akee ɔvale me ɔhɔle Ɛzonlenlɛ Sua ne alie ne mɔɔ wɔ ɔ kunlu lɔ la anwo. Na menwunle kɛ menli abulanwiɔ nee nnu gyigyi Ɛzonlenlɛ Sua ne anlenkɛ ne anyunlu wɔ azukponle ne nee alie nwo nwolodo ne avinli, bɛhakyi bɛ nzi bɛzi Ɛdɛnkɛma Ɛzonlenlɛ Sua ne, bɛ nye kɔ aduduleɛ na bɛlɛsonle sɛnzɛne ne.

Hozia Buluku ne 4:17

Awozonlezonlenlɛ ɛgya Yizilayɛma; bɛgyakyi bɛ.

Dw 6:45

Nyamenle kpɔmanvolɛma hɛlɛle kɛ, ‘Nyamenle a kilehile menli kɔsɔɔti a.’ Awie biala mɔɔ te Selɛ ne ane na ɔtietia ɔ gyakɛ abo zo la ba me ɛkɛ.

Ɛzoanvolɛma Gyima ne 13:40

Ɛhye ati, bɛnlea boɛ na mɔɔ Nyamenle kpɔmanvolɛma hanle la anzi bɛ nwo zo. Ɔse,

Ɛzoanvolɛma Gyima ne 7:36

Ɔvale ɛvolɛ abulanla ɔyɛle nwanwane ninyɛne nee sɛkɛlɛneɛ wɔ Yigyibiti nee Nyevile Kɔkɔlɛ ne anloa, yɛɛ fienemgbole ne anu na ɔyele menli ne ɔvile Yigyibiti.

Mɛla 17:3

yehɔzonle awozonle na yebɔ ɔ ti aze yemaa bɛ, anzɛɛ sɛnzɛne ne, siane ne anzɛɛ anwumaneamra ne mɔ biala a,

Mɛla 4:19

Eza bɛnlea boɛ, amaa saa bɛmaa bɛ nye zo anwuma na bɛnwu sɛnzɛne ne, siane ne, nee nwɔlɔra ne mɔ nee ninyɛne mɔɔ wɔ anwomanyunlu la a, bɛangakyi bɛangɔnzonle bɛ. Bɛle ninyɛne mɔɔ Ɛdɛnkɛma bɛ Nyamenle ne ɛva ɛziezie ɛkɛ ne wɔ menli mɔɔ wɔ aleɛabo la ati.

Kɛlata mɔɔ bɛhɛlɛle bɛhɔmanle Hibuluma la 3:9

Bɛ nlenya mɔ nwunle gyima kpalɛ mɔɔ menlile memanle bɛ ɛvolɛ abulanla anu la, noko bɛgyegyele me na bɛzɔle me bɛnleanle.

Dwɔhyua Buluku ne 24:20

yemɔti saa bɛgyakyi ye na bɛkɔsonle nyamenle gyɛne biala anzɛɛ awozonle a, ɔbahakyi ɔ nzi yeazi bɛ na yeadea bɛ. Ɔnvane ɔ nwo kɛ yeyɛ kpalɛ yemaa bɛ ɛlɛ, ɔbazɛkye bɛ.”