Ɛzoanvolɛma Gyima ne 7:38 - BAEBOLO ANZƐƐ BULUKU NWUANZANWUANZA

³⁸ Yemɔ yɛɛ mekɛ mɔɔ bɛyiale ɛsɛlɛ ne azo la ɔ nee Nyamenle soanvolɛ ne dendɛle wɔ Boka Saenae azo, na ɔliele Nyamenle nrɛlaleɛ ne mɔɔ ɛnɛ ɛradwu yɛ nwo zo la ɔrɛlɛle yɛ nlenya mɔ a.

Ɛzoanvolɛma Gyima ne 7:38 ပူးပေါင်းရင်းမြစ်များ

Ayezaya Buluku ne 63:9

Bɛ nyanelilɛ kɔsɔɔti yɛle ye nyanelilɛ, na ɔmanle ye soanvolɛ ne mɔɔ nee ye lua la liele bɛ ngoane. Ɔluale ye ɛhulolɛ nee ye anwunvɔnezelɛ zo ɔkpɔnenle bɛ. Ɔvi mɔmoane, ɔdwule bɛ na ɔviale bɛ dahuu.

Dw 1:17

Nyamenle luale Mosisi anwo zo vale mɛla ne rɛlɛle yɛ, na ɛlolɛ nee nɔhalɛ luale Gyisɛse Kelaese anwo zo a rale a.

Dw 6:63

Mɔɔ maa ngoane la a le Nyamenle Sunsum ne; sonla anwosesebɛ ɛngola ɛnyɛ ɛhwee. Edwɛkɛ ne mɔɔ meha mehile bɛ la a le Nyamenle Sunsum mɔɔ maa ngoane la.

Ɛzoanvolɛma Gyima ne 7:30

“Ɛvolɛ abulanla pɛle nu la, Nyamenle soanvolɛ yele ɔ nwo hilele Mosisi wɔ sendɔlɔra nu wɔ fienemgbole ne mɔɔ zua Boka Saenae la anu.

Ɛzoanvolɛma Gyima ne 7:35

“Mosisi ɛhye mɔɔ bɛkpole ye, na bɛzele ye kɛ, ‘Nwane a yɛle wɔ belemgbunli nee ndɛnebuavolɛ wɔ yɛ nwo zo’ la, yemɔ ala a Nyamenle luale soanvolɛ ne mɔɔ vindele sendɔlɔra ne anu wɔ ɛsɛlɛ ne azo la anwo zo zoanle ye kɛ ɔli bɛ nwo zo belemgbunli na ɔlie bɛ a.

Ɛzoanvolɛma Gyima ne 7:53

Bɛmɛ a bɛliele Nyamenle mɛla ne mɔɔ ye soanvolɛma nee ye rale la a; noko bɛanli zolɛ!”

Wulo 3:2

Nɔhalɛ bɔkɔɔ, wɔ adenle biala azo! Ɔboalekɛ alumua ne, bɛmɛ yɛɛ Nyamenle vale ye ngilehilelɛ ne wulale bɛ sa nu a.

Wulo 9:4

Bɛle Yizilayɛma mɔɔ le Nyamenle ɔdaye ye menli mɔɔ yeyɛ bɛ ɔ mra, yeye ye anyunlunyia yehile bɛ, ɔ nee bɛ ɛyɛ ngyekyeleɛ, na yeva ye mɛla yemaa bɛ a; bɛlɛ nɔhalɛ ɛzonlenlɛ kpalɛ ne; bɛnyia Nyamenle ɛwɔkɛ ne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:19

Saa ɔle zɛhae a ɛnee mɛla ne kpɔkɛ mɔɔ gyi zolɛ la a le boni? Nyamenle vale mɛla ne manle, amaa sonla anwu ɛtane deɛ holɛ. Mɛla ne hilehilele yɛ ekyii hɔdwule kɛ Ebileham anlɔnra ne mɔɔ yemɔti bɛbɔle ɛwɔkɛ ne la rale la. Nyamenle manle ye soanvolɛma a vale mɛla ne luale sonla nwo zo rale a.

Mɛla 33:4

Mosisi manle yɛ mɛla kɛ Gyekɔbo abo zo amra agyadeɛ.

Kɛlata mɔɔ bɛhɛlɛle bɛhɔmanle Hibuluma la 2:2

Edwɛkɛ ne mɔɔ Nyamenle soanvolɛma vale rɛlɛle yɛ nlenya mɔ la ɛrayɛ nɔhalɛ, yemɔti mɔɔ anli zo la banyia nwolɛ ndeanlɛ mɔɔ ɔfɛta la.

Kɛlata mɔɔ bɛhɛlɛle bɛhɔmanle Hibuluma la 4:12

Nyamenle Edwɛkɛ ne gyi zo na ɔyɛ se, ɔyɛ nla ɔtɛla dadeɛ anye nwiɔ biala. Ɔpɛ to, ɔdua ɛkɛla nee sunsum ayia zo, ɔgya mbowule agbɔkɛ nee mbowule ɛnlome ɛweɛne na ɔfede adwenle nee ahonle nu ɔnwu bɛ nzuzulɛ muala.

Kɛlata mɔɔ bɛhɛlɛle bɛhɔmanle Hibuluma la 5:12

Ɔluakɛ mekɛ ɛdwu mɔɔ saa bɛle kilehilevolɛma bɔbɔ a anrɛɛ ɔmbɔ nzonle a, noko kɛkala bɛtɛkpondɛ awie mɔɔ bɔ ɔ bo yeahilehile bɛ Nyamenle Edwɛkɛ ne ɛzukoalɛdeɛ ne mɔ mɔɔ lumua la. Bɛngola aleɛ mɔɔ anu yɛ se la di. Ɛhye ati bɛkpondɛ nyɛfonzule bɛanlo.

1 Pit 4:11

Sonla ne mɔɔ ka Nyamenle edwɛkɛ la ɛnlea ɛha Nyamenle edwɛkɛ ne; mɔɔ sonle noko la ɛva ye anwosesebɛ mɔɔ Nyamenle ɛva ɛmaa ye la amuala ɛzonle, amaa debie biala mɔɔ bɛyɛ la anu menli ava ayɛlɛyelɛ alua Gyisɛse Kelaese anwo zo amaa Nyamenle. Yemɔ yɛɛ anyunlunyia nee tumi le ye ɛdeɛ dahuu a. Amen.