Ɛzoanvolɛma Gyima ne 7:36 - BAEBOLO ANZƐƐ BULUKU NWUANZANWUANZA

³⁶ Ɔvale ɛvolɛ abulanla ɔyɛle nwanwane ninyɛne nee sɛkɛlɛneɛ wɔ Yigyibiti nee Nyevile Kɔkɔlɛ ne anloa, yɛɛ fienemgbole ne anu na ɔyele menli ne ɔvile Yigyibiti.

Ɛzoanvolɛma Gyima ne 7:36 ပူးပေါင်းရင်းမြစ်များ

Nihɛmaya Buluku ne 9:10

Ɛyɛle nwanwane ninyɛne ɛhilele Yigyibiti belemgbunli ne, ɛyɛle bie ɛhilele ye mgbanyima nee menli mɔɔ wɔ azɛlɛ ne azo la, ɔboalekɛ ɛze kɛ bɛzile bɛsisile wɔ menli ne la. Na ɛliele duma ne mɔɔ ɛnɛ nee ɛnɛ ɛtɛdɛ la.

Edwɛndolɛ Buluku ne 95:10

Mengyile awolɛndoazo zɔhane ɛvolɛ abulanla, na menganle kɛ, “Bɛle menli mɔɔ ɛsolo, na bɛmbu me ndenle ne mɔ bie a.”

Edwɛndolɛ Buluku ne 95:8

Bɛmmayɛ anzosesebɛ, kɛmɔ bɛyɛle wɔ Mɛleba, kɛmɔ mekɛ ne anu bɛyɛle wɔ Masa fienemgbole ne anu,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:41

Na kenle ko ne mɔɔ tɔ zolɛ a ɔyɛ ɛvolɛ ɛya nna abulasa ne la, kenle ko zɔhane a Yizilayɛma ɛwolaa ne kɔsɔɔti vile Yigyibiti azɛlɛ zo a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:21

Akee Mosisi dendenle ɔ sa nyevile ne anu, na Ɛdɛnkɛma manle aduduleɛ anwoma anu ɛsesebɛ bie bɔle nɔe ne amuala, na ɔhyɛle nyevile ne anu ɔyele azɛlɛ resee ɔdole nyevile ne avinli.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:35

Yizilayɛma lile mana ne ɛvolɛ abulanla hɔkpulale mekɛ mɔɔ bɛradwule azɛlɛ kpalɛ mɔɔ bɛdidi zolɛ a ɔyɛ boɛ la azo la. Bɛlile mana toonwo bɛdwule Keena ɛweɛne zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:20

Yemɔti mebadenrɛ me sa meayɛ nwanwane ninyɛne meadua Yigyibiti kakɛ, na ɛhye anzi, ɔbamaa bɛahɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:1

Ɛdɛnkɛma zele Mosisi kɛ, “Fa menli ne mɔɔ ɛ nee bɛ vi Yigyibiti azɛlɛ zo ɛra la fi ɛke kɔ azɛlɛ ne mɔɔ menganle ndane menvale membɔle Ebileham, Ayezeke, nee Gyekɔbo ɛwɔkɛ kɛ, mebava meamaa bɛ bo zo amra la azo.

Dw 4:48

Gyisɛse zele ye kɛ, “Bɛmɛ, bɛ biala ɛnrɛlie ɛnrɛli ɛlɛ kyesɛ bɛnwu nwanwane sɛkɛlɛneɛ mgbole bie.”

Ɛzoanvolɛma Gyima ne 13:18

na ɔnyianle bɛ nwo abotane ɔnleanle bɛ gyɛlɛɛnye wɔ ɛsɛlɛ ne azo ɛvolɛ abulanla.

Ɛzoanvolɛma Gyima ne 7:42

Yemɔti Nyamenle hwenle ɔ nwo vile bɛ nwo na ɔyele bɛ ɔmanle kɛ bɛzonle anwomanyunlu ninyɛne, kɛmɔ bɛhɛlɛ ye wɔ Nyamenle kpɔmanvolɛma mbuluku ne mɔ anu la. Ɔse, ‘Yizilayɛma, ɛvolɛ abulanla ne mɔɔ bɛlile wɔ ɛsɛlɛ ne azo la, bɛhunle nane bɛbɔle azu bɛmanle me ɔ?

Mɛla 8:4

Ɛvolɛ abulanla ye anu, bɛ adɛladeɛ antete yɛɛ bɛ gyakɛ noko amkpomgba.

Kɛlata mɔɔ bɛhɛlɛle bɛhɔmanle Hibuluma la 3:8

bɛmmayɛ anzosesebɛ, kɛmɔ bɛ nlenya mɔ yɛle na bɛdele Nyamenle anwo atua, na mekɛ ne anu bɛzɔle ye bɛnleanle wɔ ɛsɛlɛ ne azo la.

Kɛlata mɔɔ bɛhɛlɛle bɛhɔmanle Hibuluma la 3:9

Bɛ nlenya mɔ nwunle gyima kpalɛ mɔɔ menlile memanle bɛ ɛvolɛ abulanla anu la, noko bɛgyegyele me na bɛzɔle me bɛnleanle.

Kɛlata mɔɔ bɛhɛlɛle bɛhɔmanle Hibuluma la 8:9

Ɔnrɛyɛ kɛ ngyekyeleɛ ne mɔɔ me nee bɛ nlenya mɔ kyekyele wɔ mekɛ mɔɔ menyele bɛ menvile Yigyibiti azɛlɛ zo la. Bɛanli nɔhalɛ wɔ zɔhane ngyekyeleɛ ne mɔɔ me nee bɛ kyekyele la anwo, yemɔti meandɛne bɛ zo, Medame Awulae a mese a.