Ɛzoanvolɛma Gyima ne 7:32 - BAEBOLO ANZƐƐ BULUKU NWUANZANWUANZA

³² ‘Mame a mele ɛ nlenya mɔ Nyamenle ne, Ebileham, Ayezeke, yɛɛ Gyekɔbo Nyamenle ne a.’ Mosisi ahonle dule kpole na yeangulo kɛ ɔkɛmaa ɔ nye zo ɔkɛnlea deɛ ne bieko.

Ɛzoanvolɛma Gyima ne 7:32 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:24

Na Ɛdɛnkɛma yele ɔ nwo hilele ye wɔ kenle ko ne mɔɔ ɔdwule ɛkɛ ne la nɔe ne, ɔzele ye kɛ, “Mame a mele ɛ ze Ebileham Nyamenle ne a; mmasulo, ɔluakɛ me nee wɔ a lua a. Mebayila wɔ na meamaa ɛ bo zo amra azo ayɛ dɔɔnwo wɔ me sonvolɛ Ebileham ati.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 50:24

Na Dwosefi zele ɔ mediema ne mɔ kɛ, “Ɔka ekyii mewu; Nyamenle banlea bɛ na yeaye bɛ yeavi azɛlɛ ɛhye azo yeahɔ azɛlɛ ne mɔɔ ɔhanle ndane ɔhilele bɛ ze mɔ Ebileham, Ayezeke nee Gyekɔbo kɛ ɔbava yeamaa bɛ la azo.”

1 Arl 19:13

Yilaegya dele ɛnelɛ ne la ɔvale ye aguzo ne ɔkyikyile ɔ nyunlu, na ɔhɔgyinlanle bɔne ne anloa. Ɔdele kɛ ɛnelɛ bie ɛlɛtendɛ ahile ye kɛ, “Yilaegya, duzu yɛɛ ɛyɛ ye ɛke a?”

Dwobu Buluku ne 4:14

Ɛzulolɛ hanle me, me nwo wozole me, na me mbowule nu wozole.

Edwɛndolɛ Buluku ne 89:7

Ɔle Nyamenle mɔɔ nwuanzanwuanzama ayia ne sulo ye a; ɔle kpole, ɔ nwo yɛ ɛzulolɛ tɛla bɛdabɛ mɔɔ bɛbɔ bɛyia ye la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:15

Ka ɛhye kile Yizilayɛma kɛ, ‘Ɛdɛnkɛma, bɛ ze mɔ Nyamenle ne, Ebileham Nyamenle ne, Ayezeke Nyamenle ne, nee Gyekɔbo Nyamenle ne ɛzoa me bɛ nwo ɛke! Ɛhye a le me duma wɔ melɛ mɔɔ ɛnlɛ awieleɛ, na ɛhye yɛɛ ɔwɔ kɛ awolɛndoazo kɔsɔɔti fa fɛlɛ me a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:6

Eza ɔzele kɛ, “Mame a mele ɛ ze mɔ Nyamenle ne, Ebileham Nyamenle ne, Ayezeke Nyamenle ne, nee Gyekɔbo Nyamenle ne.” Na Mosisi hedale ɔ ti zo, ɔluakɛ ɔsulo kɛ ɔkɛnlea Nyamenle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:20

Noko akee ɛnrɛnwu me nyunlu, ɔluakɛ awie biala ɛnrɛnwu me nyunlu na ɔnrɛdɛnla ngoane nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:5

Na Ɛdɛnkɛma zele ye kɛ, “Ɛhye bamaa bɛalie bɛali kɛ Ɛdɛnkɛma, bɛ ze mɔ Nyamenle ne, Ebileham Nyamenle ne, Ayezeke Nyamenle ne, nee Gyekɔbo Nyamenle ne ɛye ɔ nwo ɛhile wɔ.”

Edwɛkpa ne kɛmɔ Mateyu hɛlɛle la 17:6

Mɔɔ ɛdoavolɛma ne dele ɛnelɛ ɛhye la, ɛzulolɛ kpole hanle bɛ na bɛdule bɛguale, bɛbutubutule bɛ nye aze.

Edwɛkpa ne kɛmɔ Mateyu hɛlɛle la 22:32

‘Mame a mele Ebileham Nyamenle ne, Ayezeke Nyamenle ne, nee Gyekɔbo Nyamenle ne a.’ Ɛhye kile kɛ ɔle teasema Nyamenle, na ɔnle mɔwuamra Nyamenle.”

Edwɛkpa ne kɛmɔ Mateyu hɛlɛle la 22:46

Awie biala angola ɔ nloa ye, na ɔvi kenle ko ne awie biala angola anzi ye ɛbolɛ ambiza ye edwɛkɛ bieko.

Edwɛkpa ne kɛmɔ Luku hɛlɛle la 5:8

Mɔɔ Saemɔn Pita nwunle mɔɔ ɛzi la, ɔhotole Gyisɛse anyunlu ɛkɛ ne na ɔzele ye kɛ, “Awulae, twe ɛ nwo fi me nwo kɔ. Mele ɛtanevolɛ!”

Ɛzoanvolɛma Gyima ne 3:13

Ebileham, Ayezeke nee Gyekɔbo bɛ Nyamenle ne, nee yɛ nlenya mɔ Nyamenle ne yɛɛ ɛwula ye Sonvolɛ Gyisɛse anyunlunyia a. Bɛyele ye bɛmanle mgbanyima ne mɔ na bɛkpole ye wɔ Paelɛte anyunlu, wɔ mekɛ mɔɔ ɛnee Paelɛte mumua ne kulo kɛ ɔgyakyi ye la.

Ɛzoanvolɛma Gyima ne 7:31

Mosisi nwunle ɛhye la ɔyɛle ye azibɛnwo na ɔbikyele nwolɛ kɛ ɔkanlea ye boɛ. Na ɔdele Awulae ane, ɔse,

Kɛlata mɔɔ bɛhɛlɛle bɛhɔmanle Hibuluma la 11:16

Ɛleka mɔɔ ɛnee bɛ nwo ɛlɛdɔ ye la a le anwuma maanle kpalɛ ne. Yemɔti noko yeanyɛ Nyamenle nyiane kɛ bɛkɛvɛlɛ ye bɛ Nyamenle, ɔboalekɛ yekyekye suakpole yezie ɛkɛ ne yemaa bɛ.

Yekile 1:17

Menwunle ye la, mempɛle menfinle ɔ gyakɛ anu kɛ asɛɛ mewu la. Na ɔvale ɔ sa fema ne ɔdole me nwo zo na ɔzele me kɛ, “Mmasulo! Mame a mele alumua ne nee awieleɛ ne a.