Saa bɛlua nzule buma nu a, me nee bɛ balua; bɛlua azule ne mɔ anu a, bɛnrɛmonla bɛ; saa bɛlua senle nu a, senle ne ɛnrɛyela bɛ, yɛɛ ye ɛzɔlɛ gbolamgbolam ne ɛnrɛyela bɛ.
Bɛ nyanelilɛ kɔsɔɔti yɛle ye nyanelilɛ, na ɔmanle ye soanvolɛ ne mɔɔ nee ye lua la liele bɛ ngoane. Ɔluale ye ɛhulolɛ nee ye anwunvɔnezelɛ zo ɔkpɔnenle bɛ. Ɔvi mɔmoane, ɔdwule bɛ na ɔviale bɛ dahuu.
Tumivolɛ Ɛdɛnkɛma se, “Nea, mebazoa me ɛbɔfoɔ meamaa yeahɔziezie adenle ne anu yeamaa me. Na arɛlevilɛ nu ala bɛbanwu Awulae ne mɔɔ bɛlɛkpondɛ ye la kɛ ɔlɛkɔ Ɛzonlenlɛ Sua ne anu. Ngyekyeleɛ ne anwo ɛbɔfoɔ ne mɔɔ bɛ nye la ye ade la ɛlɛba.”
Akee mɔɔ fane mɔwuamra ɛdwazolɛ ne, asoo bɛtɛkengale ye Mosisi buluku ne anu kɛ Nyamenle hanle hilele ye wɔ ɛbɔ ne anu kɛ, ‘Mame a mele Ebileham nee Ayezeke nee Gyekɔbo Nyamenle ne a?’
‘Mame a mele ɛ nlenya mɔ Nyamenle ne, Ebileham, Ayezeke, yɛɛ Gyekɔbo Nyamenle ne a.’ Mosisi ahonle dule kpole na yeangulo kɛ ɔkɛmaa ɔ nye zo ɔkɛnlea deɛ ne bieko.
“Mosisi ɛhye mɔɔ bɛkpole ye, na bɛzele ye kɛ, ‘Nwane a yɛle wɔ belemgbunli nee ndɛnebuavolɛ wɔ yɛ nwo zo’ la, yemɔ ala a Nyamenle luale soanvolɛ ne mɔɔ vindele sendɔlɔra ne anu wɔ ɛsɛlɛ ne azo la anwo zo zoanle ye kɛ ɔli bɛ nwo zo belemgbunli na ɔlie bɛ a.
Ɛdɛnkɛma ɛmaa bɛ azɛlɛ ɛhye aleɛ, na ɔzɔ mɔɔ dendɛle kpɔkɛ ne anu senle ne anu la anye. Nyilalɛ ɛhye mɔ amuala ɛyɛ Dwosefi abusua ekpunli ne ɛdeɛ, ɔboalekɛ yemɔ a ɔlile ɔ mediema ne mɔ ati a.