Ɛzoanvolɛma Gyima ne 7:2 - BAEBOLO ANZƐƐ BULUKU NWUANZANWUANZA

² Sitivin buale kɛ, “Mediema mrenya nee egya mɔ, bɛdie me! Anyunlunyia Nyamenle ne yele ɔ nwo hilele yɛ nlenya Ebileham wɔ mekɛ mɔɔ ɛnee ɔwɔ Mɛsɔpɔteemea la, kolaa na yeadu yeahɔdɛnla Hɛlan.

Ɛzoanvolɛma Gyima ne 7:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 11:31

Tilaa vale ɔ ra nrenya Ebilam, ye anlɔnra Lɔɔto, mɔɔ ɔ ze a le Hɛlan la yɛɛ ɔ ra Ebilam aye Sɛleeyae na bɛvile bɛ sua zo Yule, mɔɔ wɔ Babelonia maanle nu la kɛ bɛkɔ Keena azɛlɛ zo. Noko mɔɔ bɛhɔdwule Hɛlan la, bɛhale ɛkɛ ne bɛdɛnlanle.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:1

Ɛdɛnkɛma zele Ebilam kɛ, “Ɛvi wɔ maanle ye anu tu, ye ɛ nwo fi ɛ ze sua nu nee ɛ nwo amra avinli, na kɔ azɛlɛ ne mɔɔ mebahile wɔ la azo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:5

Na ɔvale ɔ ye Sɛleeyae, ɔ diema nrenya ara Lɔɔto, yɛɛ bɛ nwo ninyɛne kɔsɔɔti mɔɔ bɛlɛ, nee menli mɔɔ bɛnyia bɛ wɔ Hɛlan la amuala, na bɛzile nu kɛ bɛkɔ Keena azɛlɛ zo. Bɛhɔdwule Keena azɛlɛ zo la,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:7

Ɛdɛnkɛma zele Ebilam kɛ, “Medame a mele Ɛdɛnkɛma mɔɔ nee wɔ vi Yule mɔɔ wɔ Babelonia la rale kɛ mefa azɛlɛ ɛhye meamaa wɔ kɛ wɔ ɛdeɛ ɔ la.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 29:4

Gyekɔbo bizale bɛ kɛ, “Me mediema, nienwu a bɛvi a?” Bɛbuale ye kɛ, “Yɛvi Hɛlan.”

Nihɛmaya Buluku ne 9:7

Wɔmɔ Ɛdɛnkɛma Nyamenle yɛɛ ɛyele Ebelam, ɛyele ye ɛvile Yule mɔɔ wɔ Babelonia na ɛhakyile ye duma ɛvɛlɛle ye Ebileham.

Edwɛndolɛ Buluku ne 24:10

Nwane a le anyunlunyia Belemgbunli ɛhye? Tumivolɛ Ɛdɛnkɛma ɔ, yemɔ a ɔle anyunlunyia Belemgbunli ne a.

Edwɛndolɛ Buluku ne 24:7

O nlenkɛ mgbole, bɛbukebuke! O tete nlenkɛ, bɛbukebuke! Amaa anyunlunyia Belemgbunli ne awolo nu.

Edwɛndolɛ Buluku ne 29:3

Ɛdɛnkɛma ane dielie azule ne mɔ anye; anyunlunyia Nyamenle ne kuluhulu, Ɛdɛnkɛma ane dielie azule ne mɔ anye.

Ayezaya Buluku ne 37:12

Asoo maanle maanle ne mɔ awozonle holale liele bɛ vile egya mɔ asa anu? Me mgbanyima zɛkyele azuamgbole Gozan, Hɛlan, yɛɛ Rilezɛfe na bɛhunle Bɛtɛdɛn amra mɔɔ de Tɛlasaa la.

Ayezaya Buluku ne 51:2

Bɛnlea bɛ nlenya Ebileham, nee bɛ nla Sɛla mɔɔ zole bɛ; ɔluakɛ mɔɔ ɛnee Ebileham ɛtɛwole ralɛ la, yɛɛ menvɛlɛle ye a. Na menyilale ye memanle ɔ bo zo amra yɛle dɔɔnwo.

Ayezaya Buluku ne 6:3

Na ko vɛlɛle ko na ɔhanle kɛ: “Nwuanzanwuanza, nwuanzanwuanza! Tumivolɛ Ɛdɛnkɛma le nwuanzanwuanza! Ye anyunlunyia ɛyi ewiade amuala tɛkɛɛ!”

Edwɛkpa ne kɛmɔ Mateyu hɛlɛle la 6:13

Mmamaa yɛkɔ ngyegyelɛ nu, Ye yɛ fi munzule nu.’

Edwɛkpa ne kɛmɔ Luku hɛlɛle la 2:14

“Anyunlunyia ɛha Nyamenle wɔ anwuma anwuma, anzonudwolɛ ɛha bɛdabɛ mɔɔ ɔ nye die bɛ nwo wɔ ewiade ye la.”

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Dw 12:41

Ayezaya hanle ɛhye, ɔluakɛ ɔnwunle Gyisɛse anyunlunyia ne dɛba yɛɛ ɔhanle ɔ nwo edwɛkɛ a.

Ɛzoanvolɛma Gyima ne 22:1

“Ayi mɔ, mediema nee egya mɔ, bɛyɛ ɛnzonlɛ bɛdie me bɛmaa menza me ne mengile bɛ!”

Ɛzoanvolɛma Gyima ne 23:7

Ɔhanle ɛhye ala la, Falasiima ne nee Sadusiima ne mɔ bɔle ɔ bo kɛ bɛdi butule, na ɛlɔne ne lile abunwiɔ.

Ɛzoanvolɛma Gyima ne 7:1

Sɛlɛvolɛ Kpanyinli ne bizale Sitivin kɛ, “Asoo ɛhye mɔ le zɔhane?”

1 Kɔl 2:8

Nrɛlɛbɛ ɛhye, bɛdabɛ mɔɔ bɛsie ewiade la annwu ye, ɔluakɛ saa bɛnwunle ye a, anrɛɛ bɛambɔ anyunlunyia Awulae ne meanubaka nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:17

na mesɛlɛ yɛ Awulae Gyisɛse Kelaese Nyamenle ne mɔɔ le anyunlunyia Selɛ ne kɛ ɔmaa bɛ Sunsum nu nrɛlɛbɛ nee ndelebɛbo mɔɔ kɛmaa bɛkɛnwu ɔdaye Nyamenle kpalɛ la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:13

yɛva yɛhendɛ saleɛ Kenle ne mɔɔ yɛ nye la ye adenle wɔ melɛ mɔɔ yɛ Nyamenle bedevinli ne nee Ngoanedievolɛ Gyisɛse Kelaese bɛ anyunlunyia ne kɛra la.

Kɛlata mɔɔ bɛhɛlɛle bɛhɔmanle Hibuluma la 1:3

Gyisɛse kile kɛ Nyamenle anyunlunyia ne wienyi kpole si de la. Ɔle Nyamenle ɛsaso bɔkɔɔ, yɛɛ ɔfa ye tumi edwɛkɛ ne a ɔsɔ ewiade a. Ɔliele ɛtanefakyɛ ɔmanle sonla na ɔwiele la, ɔhɔle anwuma ɔhɔdɛnlanle Tumivolɛ Nyamenle Bedevinli ne asa fema zo.

Kɛlata mɔɔ bɛhɛlɛle bɛhɔmanle Hibuluma la 11:8

Diedi zo yɛɛ ɔlua mɔɔ Ebileham diele Nyamenle ɛvɛlɛlɛ ne na ɔdule ɔhɔle maanle mɔɔ Nyamenle hilele ye kɛ ɔle ye ɛdeɛ la anu a. Ɔvi ye maanle ne anu ɔdule la, ɛnee ɔdaye mumua ne ɔnze ɛleka mɔɔ ɔlɛkɔ la.

Gyemise Kɛlata ne 2:1

Me mediema, kɛmɔ bɛlɛ diedi wɔ yɛ Awulae Gyisɛse Kelaese, mɔɔ le anyunlunyia Awulae ne la anu la ati, bɛmmanea sonla nyunlu na bɛabu ye bie.

Dwɔhyua Buluku ne 24:2

Dwɔhyua zele menli ne amuala kɛ, “Kɛ Ɛdɛnkɛma, Yizilayɛ Nyamenle ne se la ɛne: ‘Mekɛ bie mɔɔ ɛraze ɛhɔ la bɛ nlenya mɔ dɛnlanle Azule Yufileti anzi lɔ na bɛzonlenle awozonle. Bɛ nlenya mɔ zɔhane anu ko a le Ebileham nee Neehɔ bɛ ze Tilaa.

Yekile 4:11

“Yɛ Awulae nee yɛ Nyamenle! Ɛfɛta anyunlunyia, enililɛ, nee tumi. Ɔluakɛ ɛdawɔ a ɛbɔle ninyɛne kɔsɔɔti a. Wɔ ɛhulolɛ zo yɛɛ ɛbɔle bɛ a. Wɔ ɛhulolɛ zo yɛɛ bɛwɔ ɛkɛ a.”