Ɛzoanvolɛma Gyima ne 7:15 - BAEBOLO ANZƐƐ BULUKU NWUANZANWUANZA

¹⁵ Yemɔti Gyekɔbo hɔle Yigyibiti, na ɛkɛ ne yɛɛ ɔwule na yɛ nlenya mɔ noko wule a.

Ɛzoanvolɛma Gyima ne 7:15 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 46:1

Yemɔti Yizilayɛ vale mɔɔ ɔlɛ la amuala na ɔzile nu kɛ ɔkɔ. Ɔhɔdwule Biyɛhyiba la, ɔbɔle azu ɔmanle ɔ ze Ayezeke Nyamenle ne.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 47:30

mekpondɛ kɛ ɛfa me ɛkɔ ɛleka mɔɔ egya mɔ wɔ la. Saa mewu a, ye me funli ne fi Yigyibiti ɛke na kɔzie me ɛleka mɔɔ bɛziele egya mɔ la.” Dwosefi buale kɛ, “Mebayɛ, kɛmɔ wɔha la.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:33

Gyekɔbo wiele tendɛ kile ɔ mra mrenya ne mɔ la, ɔnyenyanle ɔ nwo ɔlale, na ɔgule ye ɛnwomenle mɔɔ li amozi la, na ɔwule.

Edwɛndolɛ Buluku ne 105:23

Akee Yizilayɛ rale Yigyibiti, Gyekɔbo hɔdɛnlanle Yigyibiti azɛlɛ zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 1:6

Mekɛ ne hɔle bie la Dwosefi, ɔ mediema mrenya ne mɔ nee awolɛndoazo zɔhane anu amra kɔsɔɔti wule.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:19

Na Mosisi zale Dwosefi mbowule ne hɔle, ɔluakɛ ɛnee Dwosefi ɛha ndane ɛdo Yizilayɛma anwo na yeze bɛ kɛ, “Nyamenle baralie bɛ, na saa bɛlɛkɔ a bɛmmagyakyi me mbowule ne ɛke.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 20:15

kɛ ɔzile mɔɔ yɛ mgbanyima ne mɔ hɔle Yigyibiti, na yɛdɛnlanle Yigyibiti ɛvolɛ dɔɔnwo la. Yigyibitima hilele yɛ mgbanyima nee yɛdayɛ nyane kpalɛ.

Mɛla 10:22

Bɛ nlenya mɔ kɔ Yigyibiti la, bɛlua menli abulasuu. Na ɛnɛ noko ɛ? Ɛdɛnkɛma bɛ Nyamenle ne ɛmaa bɛ nwo ɛzo bɛyɛ dɔɔnwo kɛ anwomanyunlu nwɔlɔra.

Mɛla 26:5

Akee wɔ Ɛdɛnkɛma bɛ Nyamenle ne anyunlu ɛkɛ ne, bɛbaha edwɛkɛ ɛhye: ‘Ɛnee egya le Arelamenli adendulɛnli, na ɔhɔdɛnlanle Yigyibiti. Bɛkɔ la ɛnee bɛ nwo anzo; na wɔ Yigyibiti ɛkɛ ne, akee bɛyɛle maanle mumua na bɛ nwo yɛle ɛzulolɛ.

Dwɔhyua Buluku ne 24:32

Yizilayɛma vale Dwosefi mbowule vile Yigyibiti rale, na bɛraziele ye wɔ Hyikɛm wɔ azɛlɛ ne mɔɔ Gyekɔbo dɔle wɔ Heemɔ amra mrenya ne mɔ lɔ la azo. Heemɔ le Hyikɛm ɔ ze, na bɛdɔle azɛlɛ ne dwɛtɛ fufule ɛya. Azɛlɛ zɔhane, Dwosefi abo zo amra a vale a.

Dwɔhyua Buluku ne 24:4

na Ayezeke wole Gyekɔbo nee Yisɔ. Menvale Yidɔm azɛlɛ ne mɔɔ la awoka ne mɔ azo lɔ la memanle Yisɔ kɛ ɔva ɔdɛnla zolɛ, na bɛ nlenya Gyekɔbo nee ɔ mra ne mɔ hɔle Yigyibiti.