Ɛzoanvolɛma Gyima ne 6:7 - BAEBOLO ANZƐƐ BULUKU NWUANZANWUANZA

⁷ Na Nyamenle edwɛkɛ ne akee nyinle kpole manle menli somaa rabokale bɛ nwo, na bɛyɛle dɔɔnwo wɔ Gyɛlusalɛm, yɛɛ eza sɛlɛvolɛma dɔɔnwo liele Edwɛkpa ne lile.

Ɛzoanvolɛma Gyima ne 6:7 ပူးပေါင်းရင်းမြစ်များ

2 Edk 29:34

Na kɛmɔ sɛlɛvolɛma ne anwo anzo la ati, ɛnee bɛngola ɛyelalɛ azubɔlɛ ninyɛne ne mɔ anwo gyima di. Yemɔti bɛmanle Livaema ne boale bɛ toonwo ɔhɔdwule kɛ gyima ne wiele na sɛlɛvolɛma mɔɔ ɛha la noko nluanle bɛ nwo la; nɔhalɛ, ɛnee Livaema ne ahonle nu te wɔ bɛ nwo ɛnluanlɛ ne anu tɛla sɛlɛvolɛma ne.

2 Edk 30:24

Dwuda Belemgbunli Hɛzikaya manle ɛlɔne ne nlankɛ nyinli apenle ko yɛɛ mboane apenle nsuu kɛ bɛva bɛbɔ azu, yɛɛ mgbanyima ne mɔ noko manle ɛlɔne ne nlankɛ nyinli apenle ko yɛɛ mboane apenle bulu. Na sɛlɛvolɛma ne anu dɔɔnwo kpalɛ akee nluanle bɛ nwo.

Edwɛndolɛ Buluku ne 132:16

Mebamaa ye sɛlɛvolɛma anyia ngoanelielɛ, na meamaa me menli ne mɔɔ wɔ zo la ava anyelielɛ adeɛdea nu.

Edwɛndolɛ Buluku ne 132:9

Maa wɔ sɛlɛvolɛma ɛbɔ ɛbɛla mɔɔ tenrɛ, na maa wɔ menli ne ɛva anyelielɛ ɛdea nu.

Edwɛkpa ne kɛmɔ Mateyu hɛlɛle la 19:30

Noko akee bɛdabɛ dɔɔnwo mɔɔ kɛkala bɛlumua la bali amozi na bɛdabɛ dɔɔnwo mɔɔ kɛkala bɛli amozi la araze alumua.”

Edwɛkpa ne kɛmɔ Luku hɛlɛle la 2:34

Semɛyɔn yilale bɛ na ɔzele ɔ nli Mɛle kɛ, “Nyamenle ɛye kakula ɛhye ɛzie ɛkɛ. Yizilayɛma dɔɔnwo balua ɔ nwo zo adu koti, na dɔɔnwo noko alua ɔ nwo zo anyia ngoane; ɔbayɛ Nyamenle sɛkɛlɛneɛ mɔɔ menli dɔɔnwo ɛnrɛlie ɛnrɛdo nu,

Dw 12:42

Noko bɔbɔ, Dwuu mgbanyima ne mɔ anu dɔɔnwo liele Gyisɛse lile; na Falasiima ati bɛangola nwolɛ edwɛkɛ ka bagua nu anrɛɛ bɛkɛye bɛ ali bɛkɛvi nyianu sua ne anu.

Ɛzoanvolɛma Gyima ne 12:24

Nyamenle edwɛkɛ ne hɔle zolɛ dɛlɛle.

Ɛzoanvolɛma Gyima ne 13:8

Na Ɛlemase (Ngonyianli ne duma wɔ Giliki nu ɛne) ammaa bɛ adenle, na ɔyɛle kɛ ɔkakyi Amɛnlado ne adwenle, amaa yeanlie ɛzonlenlɛ fofolɛ ɛhye yeanli.

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

Ɛzoanvolɛma Gyima ne 19:20

Na ɔlua zɛhae adenle zo Awulae edwɛkɛ ne dɛlɛle na ɔlile konim dɔɔnwo.

Ɛzoanvolɛma Gyima ne 2:47

na bɛye Nyamenle ayɛlɛ. Bɛnyianle bɛ nyunlu wɔ menli kɔsɔɔti avinli, na dahuu Awulae fa menli mɔɔ bɛlɛdie bɛ ngoane la baboka bɛ nwo.

Ɛzoanvolɛma Gyima ne 21:20

Mɔɔ bɛdiele ye bɛwiele la, bɛyɛle Nyamenle mo na bɛzele Pɔɔlo kɛ, “Adiema Pɔɔlo, tie yɛ ɛ! Yɛlɛ Dwuuma apenle apenle mɔɔ ɛlie Edwɛkpa ne ɛli, noko bɛli Mosisi mɛla ne anzi kpalɛ kpalɛ a.

Ɛzoanvolɛma Gyima ne 6:1

Nzinlii, mɔɔ ɛnee akee ɛdoavolɛma ne anwo ɛlɛso la, ɛdendɛlɛ radɔle Dwuuma mɔɔ ka Giliki nee Dwuuma mɔɔ wɔ maanle ne anu la avinli. Dwuuma mɔɔ ka Giliki la se bɛbu bɛ nye bɛgua bɛ ahunlanvolɛ mraalɛ ne mɔ anwo zo wɔ dahuu ndɔnielilɛ nu.

Wulo 1:5

Ɔ nwo zo yɛɛ ɔlua mɔɔ Nyamenle ɛlo yɛ ɛmaa merayɛ ɛzoanvolɛ a, amaa menli kɔsɔɔti alie ye duma ne ali na bɛadie ye.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:23

Mɔɔ ɛnee bɛze la a le mɔɔ awie mɔ ɛha na bɛde wɔ me nwo la kɛ, “Sonla ne mɔɔ yɛle yɛ kpɔdekpɔde kɛ ɔsɛkye Keleseɛn ɛzonlenlɛ ne la a ɛnɛ ɛlɛbɔ diedi ko ne ala nolo yeahile maanlema kɛ bɛlie Gyisɛse bɛli la!”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:10

Zɔhane ati, kenle biala mɔɔ mekɛ kɛra kɛ ɔwɔ kɛ yɛyɛ nyele la, bɛmaa yɛyɛ yɛmaa awie biala, bɔbɔ bɛdabɛ mɔɔ yɛ nee bɛ yɛ muala yɛlɛ diedi ko la.

Kɔlɔ 1:6

Edwɛkpa ne ɛlɛso ma yɛɛ ɔlɛnyi wɔ ewiade ɛleka kɔsɔɔti, kɛmɔ ɔzile la pɛpɛ wɔ bɛ nuhua wɔ mekɛ mɔɔ bɛlumuale bɛdele Nyamenle ɛlolɛ ɛhye anwo edwɛkɛ ne na bɛdele ɔ bo bɛnwunle ye deɛ holɛ la.

2 Tɛs 1:8

kɛ ɔbadua bɛdabɛ mɔɔ bɛnze Nyamenle, nee bɛdabɛ mɔɔ bɛnli Edwɛkpa ne mɔɔ fane yɛ Awulae Gyisɛse anwo la azo la kakɛ la.

2 Tem 2:9

Na Edwɛkpa ɛhye ati yɛɛ melɛnwu amaneɛ na bɛgua me nwɔnzɔnwɔnzɔ kɛ asɛɛ medo mɛla bie la. Nyamenle edwɛkɛ ne ɛdeɛ bɛtɛguale ye nwɔnzɔnwɔnzɔ.

Kɛlata mɔɔ bɛhɛlɛle bɛhɔmanle Hibuluma la 11:8

Diedi zo yɛɛ ɔlua mɔɔ Ebileham diele Nyamenle ɛvɛlɛlɛ ne na ɔdule ɔhɔle maanle mɔɔ Nyamenle hilele ye kɛ ɔle ye ɛdeɛ la anu a. Ɔvi ye maanle ne anu ɔdule la, ɛnee ɔdaye mumua ne ɔnze ɛleka mɔɔ ɔlɛkɔ la.

Kɛlata mɔɔ bɛhɛlɛle bɛhɔmanle Hibuluma la 5:9

Mɔɔ bɛmanle ɔlile munli la, akee ɔrayɛle ngoanelielɛ mɔɔ ɛnlɛ awieleɛ la ɔmanle bɛdabɛ mɔɔ bɛtie ye la,

Dwuudu Kɛlata ne 1:20

Ayi mɔ, bɛhɔ zolɛ bɛnyi na bɛgyinla kpundii wɔ bɛ diedi nwuanzanwuanza ne anu. Bɛzɛlɛ wɔ Sunsum Nwuanzanwuanza ne tumi ne anu,

Dwuudu Kɛlata ne 1:3

Ayi mɔ, menzuzule kɛ mekɛlɛ bɛ wɔ ngoanelielɛ ne mɔɔ yɛnyia ye la anwo, na menwu kɛ ɔhyia kɛ mekɛlɛ bɛ na mesi bɛ ahonle kɛ bɛho bɛmaa diedi ne mɔɔ Nyamenle ɛva ɛmaa ye menli ne bɔkɔɔ la.