Ɛzoanvolɛma Gyima ne 6:5 - BAEBOLO ANZƐƐ BULUKU NWUANZANWUANZA

⁵ Ɛzoanvolɛma ne mɔ nzuzulɛ ne zɔle bɛ kɔsɔɔti bɛ nye, na bɛyele Sitivin, mɔɔ lɛ diedi ne anu kpundii na Sunsum Nwuanzanwuanza ne ɛyi ye tɛkɛɛ la, Felepe, Polɔkɔlɛse, Nekanɔ, Taemɔn, Paamɛnase, yɛɛ Nekɔlɔso mɔɔ vi Anteɔko, mɔɔ ɛnle Dwuunli na yehakyi ɔsonle Dwuuma Nyamenle ne la.

Ɛzoanvolɛma Gyima ne 6:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:37

Nzuzulɛ ne zɔle Yigyibiti belemgbunli ne nee ye mgbanyima ne mɔ amuala anye.

Mrɛlɛbulɛ Buluku ne 15:1

Nyelebɛnloa bɛtɛɛ maa ɛya dwo, na ɛdendɛlɛ katekate ka ɛya.

Mrɛlɛbulɛ Buluku ne 15:23

Nyelebɛnloa kɛnlɛma maa sonla nye die, yɛɛ edwɛkɛ kpalɛ wɔ ye mekɛ nloa le kpalɛ somaa!

Maeka Buluku ne 3:8

Na mame, Ɛdɛnkɛma Sunsum ne ɛva tumi ɛyi me tɛkɛɛ, yemaa me pɛlepɛlelilɛ nee anwosesebɛ kɛ membɔ Gyɛkɔbo abo zo amra mɛladonlɛ ne nee Yizilayɛma ɛtane mɔɔ bɛyɛ la nolo mengile bɛ.

Edwɛkpa ne kɛmɔ Mateyu hɛlɛle la 23:15

“Bɛmɛ mɛla kilehilevolɛma nee Falasiima, munzule ɛha bɛ! Nabalabama! Bɛmɛ, bɛdua nyevile nye, bɛdua aze bɛkɔ maanle maanle zo kɛ bɛkɛnyia sonla ko bɔbɔ bɛkɛhakyi ye bɛkɛmaa ɔkɛzonle Nyamenle; noko saa bɛnyia bie a, bɛyɛ bɛmaa ɔ nwo fɛta abɔnsam senle nu fane nwiɔ kɛ bɛdabɛ la!

Ɛzoanvolɛma Gyima ne 11:19

Sitivin ɛhunlɛ ne anzi, kpɔdekpɔde mɔɔ bɛyɛle diedima ne la manle bɛbɔle asande, bie mɔ hɔvindele Fonehyea, Saepelɛse nee Anteɔko bɛhɔhanle Edwɛkpa ne bɛhilele Dwuuma mɔɔ wɔ lɔ la ala.

Ɛzoanvolɛma Gyima ne 11:20

Diedima ne bie mɔ mɔɔ vi Saepelɛse nee Saelin la noko hɔhanle Edwɛkpa ne wɔ Anteɔko hilele bɛdabɛ mɔɔ bɛnle Dwuuma la.

Ɛzoanvolɛma Gyima ne 11:22

Gyɛlusalɛm asɔne ne dele ɛhye, na bɛzoanle Baanabase wɔ Anteɔko.

Ɛzoanvolɛma Gyima ne 11:24

Baanabase mumua ne le sonlakpalɛ mɔɔ diedi nee Sunsum Nwuanzanwuanza ne ɛyi ye tɛkɛɛ la ati, ɔhwenle menli dɔɔnwo ɔrale Awulae ɛkɛ.

Ɛzoanvolɛma Gyima ne 11:26

Mɔɔ ɔnwunle ye la ɔ nee ye rale Anteɔko. Bɛ mu nwiɔ bɛ nee asɔnema ne dɛnlanle ɛvolɛ ko na bɛhilehilele bɛ. Na Anteɔko ɛkɛ yɛɛ bɛlumuale bɛvɛlɛle ɛdoavolɛma ne Keleseɛnema a.

Ɛzoanvolɛma Gyima ne 11:27

Mekɛ ne anu ala Nyamenle kpɔmanvolɛma bie vi Gyɛlusalɛm rale Anteɔko.

Ɛzoanvolɛma Gyima ne 13:1

Nyamenle kpɔmanvolɛma nee kilehilevolɛma wɔ Anteɔko asɔne ne anu, bɛmɛ a le Baanabase, Semɛyɔn (mɔɔ bɛfɛlɛ ye Bile), Luseɛse (mɔɔ vi Saelin), Maneeyen (mɔɔ bɛtetele ye nee Amɛnlado Hɛlɔdo), yɛɛ Sɔɔlo.

Ɛzoanvolɛma Gyima ne 15:22

Ɛzoanvolɛma ne nee mgbanyima ne mɔ, nee asɔnema ne mɔ amuala akee bɔle kpɔkɛ kɛ bɛsoa menli bɛamaa bɛ nee Pɔɔlo nee Baanabase ahɔ Anteɔko. Bɛdule menli nwiɔ mɔɔ bɛbu bɛ kpalɛ la bɛmanle bɛ nee bɛ hɔle. Bɛmɛ a le Dwudase mɔɔ eza bɛfɛlɛ ye Baasabase la, yɛɛ Saelase.

Ɛzoanvolɛma Gyima ne 2:4

Sunsum Nwuanzanwuanza ne rayile bɛ tɛkɛɛ na bɛbɔle ɔ bo kɛ bɛka aneɛ ngakyile, kɛmɔ Sunsum ne vale manle bɛ kɛ bɛha la.

Ɛzoanvolɛma Gyima ne 21:8

Ye alehyenlɛ nu yɛvi ɛkɛ ne yɛrale Sizalia. Yɛhɔzokoɛle Felepe mɔɔ kpɔsa bɔ Nyamenle Edwɛkɛ ne nolo la sua nu na yɛ nee ye dɛnlanle. Felepe boka menli nsuu ne mɔɔ bɛkpale nu bɛyele bɛ wɔ Gyɛlusalɛm la anwo.

Ɛzoanvolɛma Gyima ne 22:20

Mekɛ mɔɔ bɛku wɔ dasevolɛ Sitivin la, ɛnee medame mewɔ ɛkɛ, me kunlu dwole ye ɛhunlɛ nwo na menliele menli mɔɔ hunle ye la ndanlɛ menlɛle bɛ.’

Ɛzoanvolɛma Gyima ne 6:10

Na Sunsum ne manle Sitivin nrɛlɛbɛ dɔɔnwo, yemɔti bɛangola ye fee.

Ɛzoanvolɛma Gyima ne 6:3

Yemɔti, ayi mɔ, bɛnlea na bɛye bɛ nuhua nsuu mɔɔ menli bu bɛ, mɔɔ Sunsum Nwuanzanwuanza ne wɔ bɛ nwo zo na bɛze nrɛlɛbɛ la bɛmaa yɛ, na yɛva bɛ yɛzie zɛhae gyima ye anloa,

Ɛzoanvolɛma Gyima ne 6:8

Nyamenle lole Sitivin dɔɔnwo na ɔmanle ye tumi kpole ɔmanle ɔyɛle nwanwane ninyɛne mgbole ɔhilele menli.

Ɛzoanvolɛma Gyima ne 7:1

Sɛlɛvolɛ Kpanyinli ne bizale Sitivin kɛ, “Asoo ɛhye mɔ le zɔhane?”

Yekile 2:15

Eza ɛlɛ menli bie mɔɔ bɛdabɛ noko bɛli Nekɔlɔsoma ngilehilelɛ ne anzi a.

Yekile 2:6

Noko ɛlɛ ɛhye gyi ɛ nzi: ɛngulo mɔɔ Nekɔlɔsoma yɛ la. Medame noko mengulo mɔɔ bɛlɛyɛ la.