Ɛzoanvolɛma Gyima ne 6:10 - BAEBOLO ANZƐƐ BULUKU NWUANZANWUANZA

¹⁰ Na Sunsum ne manle Sitivin nrɛlɛbɛ dɔɔnwo, yemɔti bɛangola ye fee.

Ɛzoanvolɛma Gyima ne 6:10 ပူးပေါင်းရင်းမြစ်များ

Dwobu Buluku ne 32:18

Ɔluakɛ edwɛkɛ ɛyi me ti tɛkɛɛ, sunsum ne mɔɔ wɔ me nu la se mendendɛ.

Dwobu Buluku ne 32:8

Noko sunsum ne mɔɔ wɔ sonla nu, Tumivolɛ ne ɛnwomenle ne yɛɛ maa sonla nyia ndelebɛbo a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:12

Yemɔti kɔ na mebade ɛ nloa na meahilehile wɔ mɔɔ ɛbaha la.”

Ayezaya Buluku ne 54:17

noko akodeɛ biala mɔɔ bɛyɛ bɛatia wɔ la ɛnrɛyɛ kpalɛ ɛlɛ; yɛɛ awie biala mɔɔ kɛva edwɛkɛ kɛdo ɛ nwo zo la, ɛbaha wɔado ɔ nwo zo. Ɛdɛnkɛma sonvolɛma agyadeɛ, nee bɛ ti mɔɔ medie la a le ɛhye. Medame Ɛdɛnkɛma a mese a.”

Gyɛlɛmaya Buluku ne 15:20

Mebamaa wɔayɛ kɛ bane mɔɔ bɛva kɔbele bɛdo la wɔ menli ne akɔme nu. Bɛbava konle bɛadoa wɔ, na bɛnrɛnyia gyinlagyakɛ, ɔluakɛ me nee wɔ lua kɛ medie wɔ na mealie wɔ ngoane. Medame Ɛdɛnkɛma a mese a.

Yizikeɛle Buluku ne 3:27

Na saa me nee wɔ tendɛ a, mebazianyi ɛ tafinlima na wɔaze bɛ kɛ, ‘Kɛ Awulae Nyamenle ne se la ɛne.’ Mɔɔ kɛdie la, maa ɔdie, mɔɔ kɛkpo noko kɛ ɔnrɛdie la, gyakyi ye, ɔluakɛ bɛle atuadelɛma.”

Maeka Buluku ne 3:8

Na mame, Ɛdɛnkɛma Sunsum ne ɛva tumi ɛyi me tɛkɛɛ, yemaa me pɛlepɛlelilɛ nee anwosesebɛ kɛ membɔ Gyɛkɔbo abo zo amra mɛladonlɛ ne nee Yizilayɛma ɛtane mɔɔ bɛyɛ la nolo mengile bɛ.

Edwɛkpa ne kɛmɔ Luku hɛlɛle la 1:17

Ɔbalumua Awulae anyunlu wɔ sunsum nee tumi nu kɛ Nyamenle kpɔmanvolɛ Yilaegya la. Ɔbamaa selɛma nee bɛ mra abɔ nu bieko; ɔbamaa anzosesebɛma azia arava Nyamenle adenle fɔɔnwo ne azo, na yeaziezie Awulae menli ne yeamaa ye.”

Edwɛkpa ne kɛmɔ Luku hɛlɛle la 21:15

ɔboalekɛ mebamaa bɛ nrɛlɛbɛ nee edwɛkɛ agbɔkɛ meamaa bɛaha na bɛ kpɔvolɛma biala ɛnrɛhola bɛ nyunlu gyinla yeye bɛ nloa azo.

Dw 7:46

Bɛbuale bɛ kɛ, “Awie biala ɛtɛtendɛle kɛ nrenya ɛhye tendɛ la.”

Ɛzoanvolɛma Gyima ne 5:39

Saa ɔvi Nyamenle noko a, yemɔ ɔyɛ se kɛ bɛkɛhola ye sɛkye, yɛɛ eza noko bɛannea boɛ a, bɛbaho bɛatia Nyamenle.” Ayiama ne vale Gameeleɛle folɛdulɛ ne.

Ɛzoanvolɛma Gyima ne 6:11

Ɛhye ati bɛwulowulale menli bie abo bɛmanle bɛhanle kɛ, “Yɛdele kɛ ɔlɛka munzule edwɛkɛ yeatia Mosisi nee Nyamenle.”

Ɛzoanvolɛma Gyima ne 6:9

Yemɔti menli bie mɔɔ fɛlɛ bɛ nwo “Fanwodi Sukuluma” na bɛvi Saelin nee Alɛzandelea, nee bie mɔ mɔɔ vi Selesea nee Ehyea la bɔle ɔ bo kɛ bɛ nee Sitivin su kpolera.

Ɛzoanvolɛma Gyima ne 7:51

Sitivin hɔle zolɛ zele bɛ kɛ, “Bɛdabɛ, bɛ nzo yɛ se kpalɛ! Bɛnlie Nyamenle bɛnli fee; bɛkpɔla bɛ nzo anzi wɔ Nyamenle edwɛkɛ ne anwo! Bɛva bɛ nlenya mɔ agyakɛ, dahuu bɛko bɛtia Sunsum Nwuanzanwuanza ne!

1 Kɔl 2:4

yɛɛ meanva sonla nrɛlɛbɛ nee anloanu kolokolo a mengilehilele bɛ, membɔle edwɛkɛ ne nolo a; menluale Nyamenle Sunsum ne tumi zo,