Ɛzoanvolɛma Gyima ne 6:1 - BAEBOLO ANZƐƐ BULUKU NWUANZANWUANZA

¹ Nzinlii, mɔɔ ɛnee akee ɛdoavolɛma ne anwo ɛlɛso la, ɛdendɛlɛ radɔle Dwuuma mɔɔ ka Giliki nee Dwuuma mɔɔ wɔ maanle ne anu la avinli. Dwuuma mɔɔ ka Giliki la se bɛbu bɛ nye bɛgua bɛ ahunlanvolɛ mraalɛ ne mɔ anwo zo wɔ dahuu ndɔnielilɛ nu.

Ɛzoanvolɛma Gyima ne 6:1 ပူးပေါင်းရင်းမြစ်များ

Dwobu Buluku ne 29:13

Menli mɔɔ asɛɛ ɛdɔ nzonle la yileyilale me, na memanle ahunlanvolɛ mraalɛ dole anyelielɛ edwɛne.

Dwobu Buluku ne 31:16

“Metɛkpole kɛ menrɛboa ehyianli, anzɛɛ menrɛmaa kunlanvolɛ raalɛ ɛnrɛzu ɔ nye ɛnrɛbɔ nu,

Edwɛndolɛ Buluku ne 110:3

Wɔ menli ne mɔ bava bɛ nwo amaa wɔ, wɔ mekɛ mɔɔ ɛkɛze kɛ ɛdi wɔ ɛlɔnema ati wɔ boka nwuanzanwuanza ne azo la. Wɔ mgbavolɛ ne mɔ bara ɛ nwo nwonlomɔ mangyee ne, kɛ nwonlomɔ ɛbɔlɛ mɔɔ ɛlɛtɔ la.

Edwɛndolɛ Buluku ne 72:16

Maa aleɛ ɛbu azɛlɛ ne azo; maa abɛlɛ ɛzi agole wɔ awoka ne mɔ azo, na bɛvievia mralɛ kɛ Lɛbanɔn ɛdeɛ ne la. Maa menli ɛyi azuamgbole ne mɔ azo gbudugbudu, na bɛ nwo ɛzo kɛ ɛbɔ nu ndile.

Ayezaya Buluku ne 1:17

bɛzukoa boɛlilɛ, bɛkpondɛ pɛlepɛlelilɛ bo zo, bɛgyakyi nzisililɛ, bɛlie mɔɔ ɛnlɛ ɔ ze la ati, na bɛkpa ahunlanvolɛ ti kyɛlɛ bɛmaa bɛ.”

Ayezaya Buluku ne 27:6

Mekɛ mɔɔ bara la anu Gyekɔbo abo zo amra abo bazɔ ndinli, Yizilayɛma bakpazi na bɛ nwo azo dɔɔnwo, na bɛ bo zo amra ava ewiade amuala.

Gyɛlɛmaya Buluku ne 30:19

Bɛdabɛ mɔɔ bɛde suakpole ne azo la bado moyɛlɛ edwɛne, bɛbadeɛdea nu anyelielɛ nu. Mebamaa bɛ nwo azo, bɛ nwo ɛnrɛha ekyi. Mebamaa bɛanyia bɛ nyunlu, bɛnrɛyɛ koahweabanema.

Yizikeɛle Buluku ne 22:7

Bɛmbu selɛ na yeayɛ ninli, bɛbɔ nyɛvolɛ apo bɛdie bɛ ninyɛne, yɛɛ bɛsisi mɔɔ ɛnlɛ ɔ ze nee ahunlanvolɛ mraalɛ.

Malakae Buluku ne 3:5

Tumivolɛ Ɛdɛnkɛma se, “Mebahwe meabikye bɛ na meabua bɛ ndɛne. Mebadea ngonyiama, awuvolɛvalɛma nee bɛdabɛ mɔɔ bɛka ndane mgbane mgbane la ndɛndɛ zo. Mebadea bɛdabɛ mɔɔ bɛsisi gyimayɛvoma wɔ bɛ kakɛdualɛ nu, bɛdabɛ mɔɔ bɛsisi ahunlanvolɛ nee nrisa, bɛdabɛ mɔɔ bɛmbu nyɛvolɛ yɛɛ bɛdabɛ mɔɔ bɛnzulo me la.”

Edwɛkpa ne kɛmɔ Mateyu hɛlɛle la 23:13

“Munzule ɛha bɛmɛ mɛla kilehilevolɛma nee Falasiima! Nabalabama! Bɛmɛ, bɛto Anwuma Belemgbunlililɛ anlenkɛ ne anu bɛmaa menli ne ka ɔ nzi; bɛmɛ a, bɛnrɛhɔ nu, yɛɛ akee noko bɛnrɛmaa bɛdabɛ mɔɔ bɛlɛbɔ mɔdenle bɛahɔ nu la adenle bɛnrɛmaa bɛnrɛhɔ nu. [

Ɛzoanvolɛma Gyima ne 11:20

Diedima ne bie mɔ mɔɔ vi Saepelɛse nee Saelin la noko hɔhanle Edwɛkpa ne wɔ Anteɔko hilele bɛdabɛ mɔɔ bɛnle Dwuuma la.

Ɛzoanvolɛma Gyima ne 11:26

Mɔɔ ɔnwunle ye la ɔ nee ye rale Anteɔko. Bɛ mu nwiɔ bɛ nee asɔnema ne dɛnlanle ɛvolɛ ko na bɛhilehilele bɛ. Na Anteɔko ɛkɛ yɛɛ bɛlumuale bɛvɛlɛle ɛdoavolɛma ne Keleseɛnema a.

Ɛzoanvolɛma Gyima ne 11:29

Yemɔti diedima ne bɔle kpɔkɛ kɛ bɛkeha bɛ sa aze na mɔɔ bɛkɛnyia ye la bɛava bɛahɔboa mediema mɔɔ wɔ Dwudiya la.

Ɛzoanvolɛma Gyima ne 2:41

Bie mɔ dɔɔnwo liele lile na bɛmanle bɛzɔnenle bɛ. Na kenle ko ne menli kɛyɛ apenle nsa rabokale ekpunli ne anwo.

Ɛzoanvolɛma Gyima ne 2:45

Bɛdɔnedɔnenle bɛ nwo ninyɛne nee bɛ agyadeɛ ne mɔ na bɛhyɛle ezukoa ne bɛmanle bɛ muala, kɛmɔ biala ɛhyianlɛ de la.

Ɛzoanvolɛma Gyima ne 2:47

na bɛye Nyamenle ayɛlɛ. Bɛnyianle bɛ nyunlu wɔ menli kɔsɔɔti avinli, na dahuu Awulae fa menli mɔɔ bɛlɛdie bɛ ngoane la baboka bɛ nwo.

Ɛzoanvolɛma Gyima ne 4:35

bɛrɛlɛle ɛzoanvolɛma ne na bɛhyɛle bɛmanle awie biala nyianle bie, kɛmɔ bɛ ɛhyianlɛ ngakyile ne mɔ de la.

Ɛzoanvolɛma Gyima ne 4:4

Na bɛdabɛ mɔɔ bɛdele edwɛkɛ ne la anu dɔɔnwo liele lile na bɛkɛyɛ mrenya apenle nnu.

Ɛzoanvolɛma Gyima ne 5:14

Menli dɔɔnwo kpalɛ, mraalɛ nee mrenya mɔɔ liele Awulae lile la rabokale bɛ nwo.

Ɛzoanvolɛma Gyima ne 5:28

“Bɛmɛ, yɛbɔ bɛ kɔkɔ kɛ bɛmmabɔ sonla zɔhane duma bɛkilehile menli wɔ ɛleka biala, noko nea mɔɔ akee bɛlɛyɛ a. Bɛva bɛ ngilehilelɛ ne bɛkponde Gyɛlusalɛm amuala; bɛyɛ bɛamaa yɛmɛ yɛali ɛzonle wɔ sonla ne ewule nwo!”

Ɛzoanvolɛma Gyima ne 6:2

Zɔhane ati ɛzoanvolɛma bulu nee nwiɔ ne vɛlɛle ɛdoavolɛma ne amuala na bɛzele bɛ kɛ, “Ɔnle kpalɛ kɛ ndɔnielilɛ ti yɛkɛbu yɛ nye yɛkɛgua Nyamenle edwɛkɛ ne ɛhanlɛ zo.

Ɛzoanvolɛma Gyima ne 6:7

Na Nyamenle edwɛkɛ ne akee nyinle kpole manle menli somaa rabokale bɛ nwo, na bɛyɛle dɔɔnwo wɔ Gyɛlusalɛm, yɛɛ eza sɛlɛvolɛma dɔɔnwo liele Edwɛkpa ne lile.

Ɛzoanvolɛma Gyima ne 9:29

Eza ɔ nee Dwuuma mɔɔ ka Giliki la zule kpolera ɔmanle bɛnyianle adwenle kɛ bɛku ye.

Ɛzoanvolɛma Gyima ne 9:39

Pita noko anzi aze na ɔ nee bɛ hɔle. Ɔhɔdwule la, bɛ nee ye hɔle ɛbolɔnsane ne azo ɛleka mɔɔ bɛdeda ye la. Ahunlanvolɛ mraalɛ mɔɔ Dɔkase ɛyɛ bɛ nyele ɛlɛ la vale ɛzunlɛ rabɔle yiale Pita na bɛvale adɛladeɛ mɔɔ Dɔkase kpomgbale hyɛle bɛ, wɔ mekɛ mɔɔ ɔde aze la bɛhilele ye.

Ɛzoanvolɛma Gyima ne 9:41

Pita zɔle ye manle ɔdwazole ɔgyinlanle. Akee ɔvɛlɛle diedima ne nee ahunlanvolɛ mraalɛ ne mɔ na ɔvale ye ɔmanle bɛ.

Wulo 12:7

Saa ɛzonlenlɛ nu noko a, ɔwɔ kɛ yɛsonle. Saa ngilehilelɛ nu a, ɔwɔ kɛ yɛkilehile.

1 Kɔl 10:10

Eza ɔnle kɛ yɛtendɛ yɛ nzo abo, kɛmɔ bɛ bie mɔ yɛle na Ewule soanvolɛ zɛkyele bɛ la.

2 Kɔl 11:22

Saa bɛle Hibuluma a, medame mele Hibulunli. Saa bɛle Yizilayɛma a, medame mele Yizilayɛnli. Saa bɛle Ebileham nlɔnra a, medame mele Ebileham anlɔnra.

Mɛla 26:12

“Ɛvolɛ nsa biala bɛ aleɛ mɔɔ bɛkɛnyia ye la, bɛbu nuhua bulu, bɛdu ɛkpɔ ko bɛmaa bɛva bɛmaa Livaema, nyɛvolɛ, nrisa, yɛɛ ahunlanvolɛ mɔɔ wɔ bɛ azua ne mɔ azo la, amaa bɛdabɛ bɛanyia bie bɛali bɛ ko ayi.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:5

Menlile dapɛne ko ala la yɛɛ bɛyɛle me mrenyanu nzonlɛ a. Bɛwole me Yizilayɛnli, mevi Bɛngyaman abusua nu yɛɛ mele Hibulunli tɛnyetɛnye, egya nee ɔmɔ le Hibuluma, yɛɛ ɔba mɛla ne anwo edwɛkɛ a, mele Falasiinli.

1 Tem 5:3

Di ahunlanvolɛ mɔɔ ɛnlɛ neavolɛ la eni.

1 Tem 5:9

Mmakɛlɛ kunlanvolɛ biala duma ɛboka ahunlanvolɛ ne mɔ anwo kyesɛ yeli ɛvolɛ abulasia nee ɔ nzi, na eza ɔhɔle agyalɛ ko ala,

Kɛlata mɔɔ bɛhɛlɛle bɛhɔmanle Hibuluma la 13:1

Bɛhɔ zo bɛhulo bɛ nwo ngoko ngoko kɛ mediema mɔɔ nee Kelaese a lua la.

Gyemise Kɛlata ne 1:27

Nyamenlezonlenlɛ kpalɛ mɔɔ evinli biala ɛnle nwolɛ wɔ Nyamenle Selɛ ne anyunlu la a le kɛ ɛkɛkpɔla nrisa nee ahunlanvolɛ wɔ bɛ anwongyelelɛ nu, ɛkɛboa bɛ na ɛkɛzie ɛ nwo gyɛlɛɛnye mɔɔ ewiade amra ɛnnyia ɛ nwo ngehanleɛ biala la.

Gyemise Kɛlata ne 4:5

Bɛmmadwenle kɛ mɔɔ Nyamenle Edwɛkɛ ne ka la le mgbane. Ɔse, “Nyamenle twe ye Sunsum ne mɔɔ yeva yewula yɛ nu la anwo nungule.”

Gyemise Kɛlata ne 5:9

Mediema, bɛmmatendɛ bɛ gɔnwo mɔ bɛ nzo abo, amaa bɛambua bɛdabɛ noko bɛ ndɛne. Ndɛnebuavolɛ ne ɛbikye, ɔgyi bɛ nlenkɛ ne mɔ anloa.