Ɛzoanvolɛma Gyima ne 5:4 - BAEBOLO ANZƐƐ BULUKU NWUANZANWUANZA

⁴ Mɔɔ ɛtɛtɔnenle wɔ agyadeɛ ne la, ɛnee ɔle wɔ ɛdeɛ, yɛɛ mɔɔ ɛdɔnenle wɔ agyadeɛ ne la, ɛnee ɔle wɔ ɛdeɛ, yɛɛ mɔɔ ɛdɔnenle ye la, ɛnee ezukoa ne noko le wɔ ɛdeɛ. Na duzu yɛɛ hanle wɔ manle ɛvale adwenle ɛhye a? Adalɛ ɛhye wɔambɔ wɔangile sonla; wɔbɔ wɔhile Nyamenle!”

Ɛzoanvolɛma Gyima ne 5:4 ပူးပေါင်းရင်းမြစ်များ

1 Edk 29:17

Meze kɛ ɛsɔ awie biala ɛnea na ɛ nye die mɔɔ di nɔhalɛ la anwo. Meyeye me ahonle nu, nɔhalɛ nu yɛɛ meva ɛhye mɔ amuala memaa wɔ a, yɛɛ menwu kɛ me menli ye ɛzi ɛva fɛlɛkolilɛ nee anyelielɛ ɛva ninyɛne ɛrabɔ azu ɛmaa wɔ a.

1 Edk 29:3

Ɛye ɛhye mɔ ɛsie ahane a, medame meva me ti anwo dwɛtɛ fufule nee ezukoa nvutuke mevi me gya nu meboa, ɔboalekɛ mekulo kɛ bɛsi Nyamenle Ɛzonlenlɛ Sua ne.

1 Edk 29:5

nee adwinli mɔɔ dwinvolɛma ne bali la amuala anwo. Nwane yɛɛ ɔdaye noko ɛnɛ kenle ye ɔkɛyeye ye ahonle nu na ɔkɛboa, ɔkɛva ɔ nwo ɔkɛbɔ azu ɔkɛmaa Ɛdɛnkɛma a?”

1 Edk 29:9

Menli ne yeyele bɛ ahonle nu vale ninyɛne ne manle Ɛdɛnkɛma na bɛ nye liele kɛ bɛhola bɛyeye ninyɛne dɔɔnwo zɛhae a. Belemgbunli Devidi ɔdaye noko ɔ nye liele kpole kpalɛ.

Dwobu Buluku ne 15:35

Bɛsua nwondomgbɔ ɛhane bɛkye akɛsakɛsa, yɛɛ mɛlɛbɛla ɛyi bɛ ahonle ne mɔ tɛkɛɛ.”

Edwɛndolɛ Buluku ne 139:4

O Ɛdɛnkɛma, mekabuke me nloa bɔbɔ la, ɛnee ɛze mɔɔ mebaha la amuala.

Edwɛndolɛ Buluku ne 7:14

Bɛnlea, amumuyɛnli ne nrenzɛ ɛtane, amumuyɛ ngome maa ɔ ko tu, na ɔwo adalɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:8

Na Mosisi hanle kɛ, “Nɔsolɛ nu Ɛdɛnkɛma bamaa bɛ nane bɛali na nwonlomɔ nu yeamaa bɛ kpanwo bɛali bɛ ko ayi, ɔboalekɛ Ɛdɛnkɛma ɛde bɛ ɛdendɛlɛ mɔɔ bɛtendɛ bɛtia ye la, na yɛmɛ, yɛle duzu? Tɛ yɛmɛ yɛɛ bɛtendɛ bɛatia yɛ a, bɛtendɛ bɛtia Ɛdɛnkɛma.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 35:29

Yizilayɛma kɔsɔɔti, mraalɛ nee mrenya mɔɔ lɛ ɛhulolɛ la yeyele bɛ ahonle nu vale bɛ azubɔdeɛ rɛlɛle Ɛdɛnkɛma manle bɛvale bɛyɛle gyima ne mɔɔ ɔzele Mosisi kɛ ɔyɛ la.

Nolo 5:5

Ɔle kpalɛ kɛ ɛnrɛbɔ ɛwɔkɛ fee tɛla kɛ ɛkɛbɔ na ɛnrɛye.

Ayezaya Buluku ne 59:4

Bɛ nuhua biala ɛndwe nɔhalɛ manzonle, yɛɛ bɛnga mɛla nɔhalɛ nu; adalɛ ala a bɛbɔ a, na bɛfa bɛ rɛle bɛto kyɛlɛkpalɛ mgbane mgbane zo, bɛnrenzɛ amumuyɛ na bɛwo ɛkpɔlɛ.

Yizikeɛle Buluku ne 38:10

Awulae Nyamenle ne se, “Mekɛ zɔhane anu, ɛbanyia adwenle dɔɔnwo na wɔabɔ adwenle ɛtane wɔaha kɛ,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:11

Saa bɛtendɛ bɛtia Aalɔn a, ɛnee Ɛdɛnkɛma a ɛ nee ɛ sa zo ne mɔ ɛlɛko atia ye a. Na nwane a le Aalɔn, na bɛadendɛ bɛatia ye.”

Edwɛkpa ne kɛmɔ Luku hɛlɛle la 10:16

Gyisɛse zele ye ɛdoavolɛma ne kɛ, “Sonla mɔɔ kɛdie bɛ la ɛdie me; sonla mɔɔ andie bɛ la andie me, yɛɛ mɔɔ andie me la andie ahenle mɔɔ zoanle me la.”

Ɛzoanvolɛma Gyima ne 5:3

Pita zele ye kɛ, “Ananayase, duzu ati a wɔmaa Seetan ɛvo ɛ nwo zo na yemaa wɔbɛlɛbɛla Sunsum Nwuanzanwuanza ne na wɔde ezukoa mɔɔ ɛnyianle ye la bie wɔvea ɛ?

Ɛzoanvolɛma Gyima ne 5:9

Na Pita zele ye kɛ, “Duzu ati a ɛ nee ɛ hu bɛyɛ adwenle ko kɛ bɛbazɔ Awulae Sunsum ne bɛanlea ɛ? Nea, menli mɔɔ hɔziele ɛ hu la agyakɛ abo a ɛte ye wɔ anuhɔlɛ lɔ la, na bɛ nee ɛdawɔ noko bahɔ.”

1 Kɔl 8:8

Nɔhalɛ, aleɛ ɛnrɛva yɛ ɛnrɛdwu Nyamenle anyunlu. Yemɔti saa yɛanli a yɛnrɛminli debie biala, yɛɛ saa yɛdi noko a yɛnrɛnyia nvasoɛ biala.

1 Tɛs 4:8

Zɔhane ati, mɔɔ kɛkpo ngilehilelɛ ɛhye la ɛmkpo sonla, na yekpo Nyamenle ne mɔɔ ɛva ye Sunsum Nwuanzanwuanza ne ɛmaa bɛ la.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:14

Noko menrɛhulo kɛ menwɔyɛ debie mɔɔ ɛnze nu la wɔ ɛhye anwo, amaa yeanyɛ kɛ asɛɛ wɔ moalɛ ne ɛyɛ mialeranu debie; mekulo kɛ ɛdawɔ ɛfa wɔ ɛhulolɛ ɛyɛ.

Gyemise Kɛlata ne 1:15

Saa ye munzule atiakunluwɔzo ne nrenzɛ a ɔwo ɛtane, yɛɛ ɛtane wie nyi a ɔwie ewule.

1 Sam 8:7

na Ɛdɛnkɛma zele Samoɛle kɛ, “Edwɛkɛ biala mɔɔ menli ne kɛha kɛhile wɔ la, tie. Tɛ wɔmɔ yɛɛ bɛkpo wɔ a; mame yɛɛ bɛkpo me kɛ ɛnɛ menle bɛ belemgbunli bieko a.