Ɛzoanvolɛma Gyima ne 5:34 - BAEBOLO ANZƐƐ BULUKU NWUANZANWUANZA

³⁴ Na bɛ nuhua ko dwazole. Ɔle Falasiinli, bɛfɛlɛ ye Gameeleɛle. Ɔle mɛla kilehilevolɛ yɛɛ maanlema bu ye kpole kpalɛ. Ɔmanle bɛvale ɛzoanvolɛma ne mɔ bɛvindele,

Ɛzoanvolɛma Gyima ne 5:34 ပူးပေါင်းရင်းမြစ်များ

Edwɛndolɛ Buluku ne 76:10

Sonla ɛyavalɛ wie Nyamenle ayɛlɛyelɛ ɛyavalɛ nee konle ne anzi, bɛdabɛ mɔɔ bɛkɛha la bali wɔ eni.

Gyɛlɛmaya Buluku ne 26:16

Mgbanyima ne nee menli ne mɔ amuala hanle hilele sɛlɛvolɛma nee Nyamenle kpɔmanvolɛma ne mɔ kɛ, “Ɔnle kɛ bɛku nrenya ɛhye, ɔboalekɛ yelua Ɛdɛnkɛma yɛ Nyamenle ne duma nu a yedendɛ yehile yɛ a.”

Gyɛlɛmaya Buluku ne 26:17

Na mgbanyima ne bie mɔ dwazole hanle hilele menli mɔɔ ɛyia la amuala kɛ,

Gyɛlɛmaya Buluku ne 36:25

Ɛleneetan, Dɛlaya, yɛɛ Gɛmalaya bɔbɔ bodole belemgbunli ne kɛ ɔmmayela nwoma ne, noko belemgbunli ne andie bɛ edwɛkɛ.

Edwɛkpa ne kɛmɔ Luku hɛlɛle la 2:46

Ye kenle nsa ne azo, bɛnwunle ye wɔ Ɛzonlenlɛ Sua ne anu kɛ ɔde Dwuu kilehilevolɛma avinli, ɔlɛtie bɛ edwɛkɛ ne bie na ɔbizebiza bɛ kpuyia.

Edwɛkpa ne kɛmɔ Luku hɛlɛle la 5:17

Kenle ko bie mɔɔ ɛnee Gyisɛse ɛlɛkilehile la, Falasiima bie nee mɛla kilehilevolɛma mɔɔ vi azua mɔɔ wɔ Galeli nee Dwudiya maanzinli ne mɔ anu nee Gyɛlusalɛm la radɛnlanle ɛkɛ ne bie. Nyamenle tumi ne rale Gyisɛse anwo zo na ɔyɛle wuleravolɛma ayile.

Dw 3:10

Gyisɛse buale ye kɛ, “Ɛle Yizilayɛ kilehilevolɛ kpole zɛhae, noko ɛnze ɛhye?

Ɛzoanvolɛma Gyima ne 22:3

“Mele Dwuunli, bɛwole me wɔ Taasɛse mɔɔ wɔ Selesea maanle nu la. Bɛtetele me wɔ Gyɛlusalɛm ɛke wɔ nwomanli Gameeleɛle sukulu ne anu. Menzukoale yɛ nlenya mɔ mɛla ne nee amaamuo ne kpalɛ, na mendule me nwo memanle Nyamenle, kɛmɔ kɛkala bɛde la.

Ɛzoanvolɛma Gyima ne 4:15

Ɛhye ati bɛvale bɛ bɛziele ahane ekyii, na bɛbɔle ɔ bo kɛ bɛdwenledwenle nwolɛ.

Ɛzoanvolɛma Gyima ne 5:21

Aleɛ hyenle nwonlomɔ mangyee ne la, ɛzoanvolɛma ne hɔle Ɛzonlenlɛ Sua ne anu na bɛbɔle ɔ bo kɛ bɛkilehile. Sɛlɛvolɛ Kpanyinli ne nee ɔ sa zo ne mɔ manle bɛvɛlɛle mgbanyima ayia, na bɛdule menli kɛ bɛhɔye ɛzoanvolɛma ne wɔ efiade ne bɛrɛla.

Ɛzoanvolɛma Gyima ne 5:27

Bɛvale bɛ gyɛlɛɛnye bɛragyinlanle ayiama ne anyunlu, na Sɛlɛvolɛ Kpanyinli ne bizale bɛ kɛ,

Ɛzoanvolɛma Gyima ne 5:35

na ɔzele ayiama ne kɛ, “Yizilayɛ mgbanyima, bɛnlea boɛ wɔ mɔɔ bɛkpondɛ bɛayɛ menli ɛhye mɔ la anwo.