Ɛzoanvolɛma Gyima ne 5:32 - BAEBOLO ANZƐƐ BULUKU NWUANZANWUANZA

³² Na yɛmɛ yɛɛ Sunsum Nwuanzanwuanza ne mɔɔ le Nyamenle ahyɛlɛdeɛ ne mɔɔ ɔfa ɔmaa bɛdabɛ mɔɔ bɛtie ye la, yɛdi ɛhye anwo daselɛ.”

Ɛzoanvolɛma Gyima ne 5:32 ပူးပေါင်းရင်းမြစ်များ

Dw 7:39

Gyisɛse hanle ɛhye wɔ Sunsum ne mɔɔ menli mɔɔ die ye di la banyia ye la anwo. Mekɛ ne anu ɛnee bɛtɛfale Sunsum ne bɛtɛmanle, ɔboalekɛ ɛnee bɛtɛdwazole Gyisɛse bɛtɛbale ye anyunlunyia ne anu.

Ɛzoanvolɛma Gyima ne 1:8

Na saa Sunsum Nwuanzanwuanza ne ba bɛ nwo zo a bɛbanyia tumi, na bɛali me nwo daselɛ wɔ Gyɛlusalɛm, nee Dwudiya amuala nee Samɛlea bɛahɔdwu aleɛabo ɛleka biala.”

Ɛzoanvolɛma Gyima ne 10:44

Mɔɔ Pita anloa wɔ zolɛ ɛlɛtendɛ la, Sunsum Nwuanzanwuanza ne rawolole bɛdabɛ mɔɔ bɛlɛtie edwɛkɛ ne la.

Ɛzoanvolɛma Gyima ne 13:31

na ɔyele ɔ nwo ɔhilele bɛdabɛ mɔɔ bɛ nee ye vi Galeli rale Gyɛlusalɛm la, na ɔmanle bɛnwunle ye fane dɔɔnwo. Na bɛmɛ yɛɛ kɛkala bɛdi ɔ nwo daselɛ bɛkile Yizilayɛma a.

Ɛzoanvolɛma Gyima ne 15:28

Sunsum Nwuanzanwuanza ne nee yɛdayɛ yɛdie yɛto nu kɛ yɛnrɛva kpomgbolo kpole biala yɛnrɛkpolo bɛ kɔme kɛ ngyehyɛlɛ ɛhye mɔ mɔɔ hyia la ala.

Ɛzoanvolɛma Gyima ne 2:32

Nyamenle ɛdwazo Gyisɛse ɛhye ɛvi mɔwuamra anu, kɛmɔ yɛ muala yɛdi nwolɛ daselɛ la.

Ɛzoanvolɛma Gyima ne 2:4

Sunsum Nwuanzanwuanza ne rayile bɛ tɛkɛɛ na bɛbɔle ɔ bo kɛ bɛka aneɛ ngakyile, kɛmɔ Sunsum ne vale manle bɛ kɛ bɛha la.

Ɛzoanvolɛma Gyima ne 5:29

Na Pita nee ɛzoanvolɛma ne buale kɛ, “Ɔwɔ kɛ yɛtie Nyamenle yɛtɛla sonla.

Wulo 8:16

Nyamenle Sunsum ne nee yɛ ɛdeɛ ne bɔ nu maa yɛkola yɛka kɛ yɛle Nyamenle amra.

2 Kɔl 13:1

Ɛhye a tɔ zolɛ fane nsa mɔɔ melɛba mearakpɔla bɛ a. Nyamenle Edwɛkɛ ne se, “Ɔwɔ kɛ menli nwiɔ anzɛɛ nsa foa ɛzonle biala mɔɔ bɛkɛdo awie la azo di daselɛ.”

1 Pit 1:12

Nyamenle yele hilele ye kpɔmanvolɛma mɔɔ luale Sunsum Nwuanzanwuanza ne mɔɔ bɛzoanle ye vi anwuma rale la azo bɔle Edwɛkpa ɛhye nolo hilele bɛ, kɛ tɛ bɛdabɛ kpɔmanvolɛma bɛ ti yɛɛ bɛyɛle zɔhane gyima ne a, na bɛmɛ Kelaese ɛdoavolɛma bɛ ti ɔ. Ɛhye mɔ le ninyɛne mɔɔ Nyamenle soanvolɛma akunlu a anrɛɛ bɛde ɔ bo a.