Ɛzoanvolɛma Gyima ne 5:24 - BAEBOLO ANZƐƐ BULUKU NWUANZANWUANZA

²⁴ Ɛhye yɛle kpanyinli ne mɔɔ nea Ɛzonlenlɛ Sua ne sinzavolɛma ne anwo zo, nee sɛlɛvolɛ mgbanyinli ne mɔ naa ekyii, na bɛdwenlenle nwo kɛ kabezɛ edwɛkɛ bie ɛzi ɛzoanvolɛma ne anwo zo.

Ɛzoanvolɛma Gyima ne 5:24 ပူးပေါင်းရင်းမြစ်များ

Ayezaya Buluku ne 9:7

Ye maanlebulɛ ne bahɔ zo melɛ mɔɔ ɛnlɛ awieleɛ; ye maanlema anzo nu badwo bɛ dahuu. Ɔbali ye ebia ne kɛ yeli Belemgbunli Devidi agya, yeava nɔhalɛlilɛ nee pɛlepɛlelilɛ yeabu ye maanle ne, ɔvi ɛnɛ mɔɔ kɔ nee mekɛ mɔɔ ɛnlɛ awieleɛ. Tumivolɛ Ɛdɛnkɛma ɛbɔ kpɔkɛ kɛ ɔbayɛ ɛhye.

Edwɛkpa ne kɛmɔ Luku hɛlɛle la 22:4

Yemɔti ɔhɔle na ɔ nee sɛlɛvolɛ mgbanyinli ne nee Ɛzonlenlɛ Sua ne sinzavolɛma mgbanyinli ne mɔ hɔdwenlenle nwolɛ kɛ ɔkɛzi ɔkɛyɛ na yeaye Gyisɛse yeamaa bɛ la.

Edwɛkpa ne kɛmɔ Luku hɛlɛle la 22:52

Akee Gyisɛse zele sɛlɛvolɛ mgbanyinli ne nee Ɛzonlenlɛ Sua ne neavolɛ mgbanyinli ne nee mgbanyima ne mɔ mɔɔ hɔle kɛ bɛkahye ye la kɛ, “Na ɔhyia kɛ bɛkɛva dadeɛ nee ahoholombaka bɛkɛra me ɛhyelɛ ɔ?

Dw 12:19

Na Falasiima ne hanle hilele bɛ nwo kɛ, “Bɛnwu kɛ yɛangola ɛhwee yɛ ɛ! Nea kɛ ewiade amuala ɛdu doa ye ɛ!”

Ɛzoanvolɛma Gyima ne 2:12

Na azibɛnwo nu ala, bɛbizale kɛ, “Ɛnee ɛhye abo a le duzu?”

Ɛzoanvolɛma Gyima ne 4:1

Mɔɔ Pita nee Dwɔn anloa wɔ zolɛ bɛlɛtendɛ bɛahile menli ne mɔ la, sɛlɛvolɛma bie nee Ɛzonlenlɛ Sua ne neavolɛ kpanyinli ne nee Sadusiima fane ne anu amra bie mɔ ravindele bɛ nwo zo.

Ɛzoanvolɛma Gyima ne 4:21

Ayiama ne bɔle bɛ kɔkɔ ɛsesebɛ na bɛgyakyile bɛ kɛ bɛhɔ, ɔluakɛ bɛnlɛ edwɛkɛ kpaziwɔkɛ biala mɔɔ bɛgyinla zolɛ bɛtwe bɛ nzo a ɔyɛ boɛ a, yɛɛ eza menli ne amuala ɛlɛyeyɛ Nyamenle wɔ mɔɔ ɛzi la anwo.

Ɛzoanvolɛma Gyima ne 5:23

“Yɛhɔle la ɛnee efiade ne nlenkɛ ne mɔ wɔ nyinlira nu, yɛɛ sinzavolɛma ne noko amuala gyigyi nlenkɛ ne mɔ anloa; noko yɛbukele nlenkɛ ne mɔ la, yɛannwu awie biala wɔ ɛkɛ.”

Ɛzoanvolɛma Gyima ne 5:25

Na yeangyɛ yɛɛ nrenya ko rabɔle bɛ amaneɛ kɛ, “Bɛnlea, menli ne mɔɔ bɛguale bɛ efiade la wɔ Ɛzonlenlɛ Sua nu lɔ ɛlɛkilehile menli.”

Ɛzoanvolɛma Gyima ne 5:26

Yemɔti sinzavolɛ kpanyinli ne vale ye ɛlɔnema ne na bɛhɔvale ɛzoanvolɛma ne mɔ bɛrale, noko bɛanyɛ bɛ mgbane mgbane biala, ɔluakɛ ɛnee bɛsulo kɛ saa bɛyɛ ye kikilikikili a ɛlɔne ne kɛzi bɛ awolɛ.