Ɛzoanvolɛma Gyima ne 5:2 - BAEBOLO ANZƐƐ BULUKU NWUANZANWUANZA

² ɔ nee ɔ ye yɛle adwenle ko, ɔdele ezukoa mɔɔ bɛnyianle ye la bie ɔziele, na ɔvale mɔɔ hale la ɔradole ɛzoanvolɛma ne anyunlu.

Ɛzoanvolɛma Gyima ne 5:2 ပူးပေါင်းရင်းမြစ်များ

Malakae Buluku ne 1:14

Munzule ɛha nzisi sonla ne mɔɔ lɛ boane nyinli wɔ ye nyɛmoa nu, ɔkɛva ɔkɛbɔ ɛwɔkɛ, na akee ɔkɛva ɛtane bie ɔkɛrabɔ azu ɔkɛmaa Ɛdɛnkɛma la, ɔluakɛ mele belemgbunli kpole, yɛɛ maanle maanle kɔsɔɔti sulo me.”

Edwɛkpa ne kɛmɔ Mateyu hɛlɛle la 23:5

Bɛyɛ bɛ ninyɛne kɔsɔɔti wɔ menli nye zo. Bɛdabɛ bɛnlea kɛ bɛ abɔtile ne mɔ si de mgbole na bɛhɛlɛhɛlɛ Nyamenle Edwɛkɛ wɔ nu, mɔɔ bɛbɔ a ɛnee ɔgua bɛ nwoma azo a; nee bie noko mɔɔ wɔ tabule nu mɔɔ bɛgua ye bɛ sa zo la mgbole kɛ si de la. Eza bɛnlea bɛ adɛladeɛ ne mɔ anloa, kɛ bɛzi bɛyɛ bɛ sosɔkpɔɔ la.

Dw 12:6

Tɛ kɛ asɛɛ ɔdwenle ehyianvolɛma anwo somaa la ati a ɔhanle ɛhye a, na ɔle awule, eza kɛmɔ ɔdaye a ɔsie bɛ gya ne la, ɔyɛ a ɔto ɔ sa nu.

Ɛzoanvolɛma Gyima ne 2:44

Bɛdabɛ mɔɔ bɛliele Gyisɛse bɛlile la lile ahua na bɛhyɛle ninyɛne mɔɔ bɛlɛ la bɛmanle bɛ nwo.

Ɛzoanvolɛma Gyima ne 4:37

Dwosefi hɔdɔnenle ye azɛlɛ mɔɔ ɔlɛ la na ɔvale ezukoa mɔɔ ɔnyianle ye wɔ nu la amuala ɔrɛlɛle ɛzoanvolɛma ne.

Ɛzoanvolɛma Gyima ne 5:1

Nrenya ko wɔ ɛkɛ, bɛfɛlɛ ye Ananayase. Ɔ ye bɛfɛlɛ ye Safaela. Bɛdabɛ noko bɛdɔnenle bɛ agyadeɛ mɔɔ bɛlɛ la;

Ɛzoanvolɛma Gyima ne 5:3

Pita zele ye kɛ, “Ananayase, duzu ati a wɔmaa Seetan ɛvo ɛ nwo zo na yemaa wɔbɛlɛbɛla Sunsum Nwuanzanwuanza ne na wɔde ezukoa mɔɔ ɛnyianle ye la bie wɔvea ɛ?

Ɛzoanvolɛma Gyima ne 5:8

Pita bizale ye kɛ, “Ka nɔhalɛ kile me, ɛ nee ɛ hu bɛ agyadeɛ ne mɔɔ bɛdɔnenle ye la mɔɔ bɛnyianle ye la amuala a le ɛhye ɔ?” Raalɛ ne buale ye kɛ, “Ɛhɛe, ɔ muala ɔ.”

Pɔɔlo Kɛlata mɔɔ ɔhɛlɛle ɔhɔmanle Felepaema la 2:3

Bɛmmayɛ debie biala angomedi nu anzɛɛ adubɛnwo nu; dahuu bɛva anwoazehanlɛ bɛbu bɛ gɔnwo mɔ bɛdɛla bɛ nwo bɔbɔ.

1 Tem 6:10

Ɔluakɛ ezukoa nwo anyebolo le munzule muala abo ndinli; bie mɔ anye ɛbolo ye ɛkpondɛlɛ somaa yemaa bɛvi diedi ne anwo mɔɔ akee nyane ala a bɛdi a.