Ɛzoanvolɛma Gyima ne 5:16 - BAEBOLO ANZƐƐ BULUKU NWUANZANWUANZA

¹⁶ Na menli mɔɔ wɔ azua mɔɔ bikye Gyɛlusalɛm la amuala vale bɛ awuleravolɛ nee bɛdabɛ mɔɔ sunsum ɛtane gyegye bɛ la amuala rale manle bɛyɛle bɛ ayile.

Ɛzoanvolɛma Gyima ne 5:16 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 2:16

Mɔɔ Belemgbunli Hɛlɔdo nwunle kɛ nrɛlɛbɛvolɛma ne mɔ ɛbɛlɛbɛla ye la, ɔvale ɛya kpole, na ɔvale ye adwenle ɔbubule ɔvile mekɛ mɔɔ nrɛlɛbɛvolɛma ne rahanle edwɛkɛ ne hilele ye la, na ɔmanle bɛhɔhunle ngakula mrenya ngyikyi ngyikyi mɔɔ wɔ Bɛtelɛhɛm nee azua mɔɔ zuozua Bɛtelɛhɛm, na bɛli ɛvolɛ nwiɔ nee mɔɔ ɛtɛdwule ɛvolɛ nwiɔ la amuala, kɛmɔ nrɛlɛbɛvolɛma ne zile hilele mekɛ ne la.

Edwɛkpa ne kɛmɔ Mateyu hɛlɛle la 4:24

Ye nganeɛ dendenle hɔle Selea maanle ne anu amuala, na bɛvale bɛdabɛ mɔɔ ewule ngakyile ɛha bɛ na bɛlɛnwu amaneɛ: mɔɔ ɛbubu, mɔɔ awozonle ɛva bɛ, yɛɛ mɔɔ tɔ mgbutike la amuala bɛrɛlɛle ye, na ɔyɛle bɛ muala ayile.

Edwɛkpa ne kɛmɔ Mateyu hɛlɛle la 8:16

Ye nɔsolɛ nu, bɛvale menli dɔɔnwo mɔɔ sunsum ɛtane ɛva bɛ la bɛrɛlɛle ye na ɔvale ɔ nloa edwɛkɛ ɔdudule bɛ, na ɔyɛle wuleravolɛma dɔɔnwo noko ayile.

Edwɛkpa ne kɛmɔ Luku hɛlɛle la 5:17

Kenle ko bie mɔɔ ɛnee Gyisɛse ɛlɛkilehile la, Falasiima bie nee mɛla kilehilevolɛma mɔɔ vi azua mɔɔ wɔ Galeli nee Dwudiya maanzinli ne mɔ anu nee Gyɛlusalɛm la radɛnlanle ɛkɛ ne bie. Nyamenle tumi ne rale Gyisɛse anwo zo na ɔyɛle wuleravolɛma ayile.

Edwɛkpa ne kɛmɔ Luku hɛlɛle la 6:18

bɛrale kɛ bɛbadie ye na bɛamaa yeayɛ bɛ ayile. Bɛdabɛ mɔɔ sunsum ɛtane gyegye bɛ la noko rale, na ɔyɛle bɛ ayile.

Edwɛkpa ne kɛmɔ Luku hɛlɛle la 9:11

Mɔɔ menli ne mɔ dele la, bɛdoale ye wɔ lɔ. Na ɔliele bɛ, ɔhanle Nyamenle Belemgbunlililɛ ne anwo edwɛkɛ ɔhilele bɛ, na ɔyɛle bɛdabɛ mɔɔ bɛnde kpɔkɛ la ayile.

Dw 14:12

Meka nɔhalɛ ne meahile bɛ: Awie mɔɔ kɛlie me kɛli la kɛyɛ gyima mɔɔ meyɛ la bie, yɛɛ ɔbayɛ mɔɔ tɛla ɛhye mɔ la bɔbɔ, ɔluakɛ melɛkɔ Selɛ ne anwo lɔ,

Ɛzoanvolɛma Gyima ne 4:30

Kile wɔ tumi wɔ ayileyɛlɛ nu, na boa maa yɛlua wɔ Sonvolɛ Nwuanzanwuanza Gyisɛse duma nu yɛyɛ nwanwane ninyɛne.”

Ɛzoanvolɛma Gyima ne 5:15

Na ɔlua ɛzoanvolɛma ne gyima zo, nzinlii ɛnee akee bɛsoa wuleravolɛma bɛbagua ɛkpa zo wɔ awɔdenle ne mɔ azo, amaa ngyengyene nu bie ala Pita se ɛkɛ a ye ɛlawolɛ adɔ bie anwo zo na ɔ nwo aza.

Ɛzoanvolɛma Gyima ne 5:17

Ɛzoanvolɛma ne anwo anyebolo dɔle Sɛlɛvolɛ Kpanyinli ne nee ɔ sa zo ne mɔ, mɔɔ le fane ne mɔɔ bɛfɛlɛ ye Sadusii la anu amra anwo, na bɛvale adwenle kɛ bɛyɛ nwolɛ bie.

1 Kɔl 12:9

Nyamenle Sunsum ko ne ala maa bie diedi nyi yɛɛ ɔmaa bie tumi ɔfa ɔyɛ ayile.

Gyemise Kɛlata ne 5:16

Yemɔti, bɛha bɛ ɛtane ne mɔ bɛhile bɛ nwo ngoko ngoko, na bɛzɛlɛ bɛmaa bɛ nwo ngoko ngoko, na bɛkɛde kpɔkɛ. Sonla tenlene biala nzɛlɛlɛ yɛ nla eza tumi wɔ nu.