Ɛzoanvolɛma Gyima ne 5:12 - BAEBOLO ANZƐƐ BULUKU NWUANZANWUANZA

¹² Ɛzoanvolɛma ne yɛle sɛkɛlɛneɛ ngakyile nee nwanwane ninyɛne dɔɔnwo wɔ menli ne avinli. Ɛleka mɔɔ diedima ne amuala bɔ nu yia la a le Ɛzonlenlɛ Sua ne kpɔda ne mɔɔ bɛfɛlɛ ye “Sɔlɔmɔn Kpɔda” la abo.

Ɛzoanvolɛma Gyima ne 5:12 ပူးပေါင်းရင်းမြစ်များ

Gyɛlɛmaya Buluku ne 26:9

Duzu ati a wɔva Ɛdɛnkɛma duma wɔha nrɛlaleɛ kɛ Ɛzonlenlɛ Sua ɛhye bayɛ kɛ Hyaelo, na suakpole ɛhye ayɛ suadu, mɔɔ awie fee ɛnrɛdɛnla zolɛ a?” Menli ne kɔsɔɔti bɔle yiale Gyɛlɛmaya wɔ Ɛdɛnkɛma Ɛzonlenlɛ Sua ne anu.

Edwɛkpa ne kɛmɔ Maake hɛlɛle la 16:20

Ɛdoavolɛma ne ziale hɔle na bɛhɔbɔle Edwɛkpa ne nolo wɔ ɛleka biala, na Awulae boale bɛ na ɔmanle bɛ sa anloa gyima hilele kɛ bɛ nolobɔlɛ ne le nɔhalɛ.]

Dw 10:23

Gyisɛse ɛnee lua Sɔlɔmɔn Kpɔda ne abo wɔ Ɛzonlenlɛ Sua ne anu.

Dw 4:48

Gyisɛse zele ye kɛ, “Bɛmɛ, bɛ biala ɛnrɛlie ɛnrɛli ɛlɛ kyesɛ bɛnwu nwanwane sɛkɛlɛneɛ mgbole bie.”

Ɛzoanvolɛma Gyima ne 1:14

Bɛ muala bɛyia nu dahuu na bɛfa koyɛlɛ bɛ nee mraalɛ ne mɔ yɛɛ Mɛle mɔɔ le Gyisɛse ɔ nli ne nee ɔ mediema mrenya ne mɔ yɛ nzɛlɛlɛ.

Ɛzoanvolɛma Gyima ne 14:3

Noko ɛzoanvolɛma ne dɛnlanle ɛkɛ hyɛle, bɛhanle Awulae anwo edwɛkɛ ne akɛnrasesebɛ zo na Awulae hilele nɔhalɛ mɔɔ wɔ ye ɛlolɛ nwo nolo ne mɔɔ bɛlɛbɔ la anu na ɔmanle bɛ tumi ɔmanle bɛyɛle sɛkɛlɛneɛ nee nwanwane ninyɛne dɔɔnwo.

Ɛzoanvolɛma Gyima ne 16:18

Ɔyɛle ɛhye alehyenlɛ dɔɔnwo ɔmanle akee ɔyɛle Pɔɔlo abodelɛ, na ɔhakyile ɔ nye ɔzele sunsum ɛtane ne mɔɔ wɔ bɛlɛra ne anwo la kɛ, “Ɔlua Gyisɛse Kelaese duma nu, mese wɔ kɛ, ɛvi ɔ nwo tu!” Na sunsum ɛtane ne vi bɛlɛra ne anwo dule ɛkɛ ne ala.

Ɛzoanvolɛma Gyima ne 19:11

Nyamenle luale Pɔɔlo anwo zo yɛle nwanwane ninyɛne mɔɔ yɛ ɛzulolɛ a.

Ɛzoanvolɛma Gyima ne 2:46

Kenle biala bɛyia nu wɔ Ɛzonlenlɛ Sua ne anu bɛyɛ nzɛlɛlɛ, bɛbɔ nu bɛdi debie wɔ koyɛlɛ nu,

Ɛzoanvolɛma Gyima ne 28:9

Mɔɔ ɛhye zile la, awuleravolɛ mɔɔ wɔ bɔra ne azo la amuala rale manle ɔyɛle bɛ ayile.

Ɛzoanvolɛma Gyima ne 3:11

Mɔɔ nrenya ne doa Pita nee Dwɔn la, ɔyɛle menli ne nwanwane ɔmanle dɔɔnwo nriandile hɔyiale bɛ wɔ Ɛzonlenlɛ Sua ne “Sɔlɔmɔn Kpɔda” ne abo.

Ɛzoanvolɛma Gyima ne 4:30

Kile wɔ tumi wɔ ayileyɛlɛ nu, na boa maa yɛlua wɔ Sonvolɛ Nwuanzanwuanza Gyisɛse duma nu yɛyɛ nwanwane ninyɛne.”

Ɛzoanvolɛma Gyima ne 9:33

Ɛkɛ ne yɛɛ ɔhɔnwunle nrenya bie mɔɔ bɛfɛlɛ ye Yiniase la kɛ yedwidwe na yela ɛleka ko toonwo ɛvolɛ mɔtwɛ.

Ɛzoanvolɛma Gyima ne 9:40

Pita vindele bɛ, na ɔhotole ɔzɛlɛle; ɔhakyile ɔ nye funli ne anwo na ɔzele kɛ, “Tabeta, dwazo!” Raalɛ ne bukele ɔ nye na ɔnwunle Pita la, ɔmanle ɔ nwo zo ɔdɛnlanle aze.

Wulo 15:19

ye nwanwane gyima mɔɔ ɔyɛle, nee mɔɔ ɔvale Nyamenle Sunsum ne tumi ɔyɛle la. Yemɔti wɔ me adendulɛ nu, ɔvi Gyɛlusalɛm mɔɔ badwu Yelelekɛm, meha na meva Kelaese anwo Edwɛkpa ne amuala medo gua.

2 Kɔl 12:12

Menvale abotane kpole a menyɛle ninyɛne mɔɔ kile kɛ mele ɛzoanvolɛ la wɔ bɛ nu a; bɛnwunle sɛkɛlɛneɛ nee nwanwane ninyɛne nee gyima mɔɔ kile Nyamenle tumi ne la amuala.

Kɛlata mɔɔ bɛhɛlɛle bɛhɔmanle Hibuluma la 2:4

Mekɛ ko ne ala Nyamenle ɔdaye ɔlile daselɛ ɔvoale bɛ ɛdeɛ ne azo, na ɔvale Sunsum Nwuanzanwuanza nu ahyɛlɛdeɛ ɔmanle bɛ, ɔmanle bɛyɛle nwanwane ninyɛne, kɛmɔ ye ɛhulolɛdeɛ ne de la.