Ɛzoanvolɛma Gyima ne 4:30 - BAEBOLO ANZƐƐ BULUKU NWUANZANWUANZA

³⁰ Kile wɔ tumi wɔ ayileyɛlɛ nu, na boa maa yɛlua wɔ Sonvolɛ Nwuanzanwuanza Gyisɛse duma nu yɛyɛ nwanwane ninyɛne.”

Ɛzoanvolɛma Gyima ne 4:30 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:6

Yemɔti ka kile Yizilayɛma kɛ, ‘Medame a mele Ɛdɛnkɛma ne a. Mebazokoɛ bɛ adesoa ne mɔɔ Yigyibitima ɛva ɛzoa bɛ la, mebaye bɛ meavi akɛlɛzonlenlɛ nu. Mebava tumi kpole mealie bɛ na meadua Yigyibitima kakɛ.

Gyɛlɛmaya Buluku ne 15:15

Menganle kɛ, “O Ɛdɛnkɛma, wɔmɔ, ɛze ninyɛne kɔsɔɔti. Kakye me na boa me. Die me ti na di menli mɔɔ yɛ me kpɔdekpɔde la nzenralɛ. Mmasi bɛ nwo abotane toonwo ɛmaa bɛku me; nwu ye kɛ ɔlua wɔmɔ ɛ ti yɛɛ bɛlɛbɔ me aholoba a.

Dw 4:48

Gyisɛse zele ye kɛ, “Bɛmɛ, bɛ biala ɛnrɛlie ɛnrɛli ɛlɛ kyesɛ bɛnwu nwanwane sɛkɛlɛneɛ mgbole bie.”

Ɛzoanvolɛma Gyima ne 2:22

“Yizilayɛma, bɛdie! Gyisɛse mɔɔ vi Nazalɛte la le sonla mɔɔ Nyamenle yele ye manle bɛ a; ɔluale ɔ nwo zo ɔlile gyima mgbole, ɔyɛle nwanwane ninyɛne nee sɛkɛlɛneɛ wɔ bɛdabɛ bɛ nye zo, mɔɔ bɛdabɛ bɛze a.

Ɛzoanvolɛma Gyima ne 2:43

Ɛzoanvolɛma ne mɔ yɛle nwanwane ninyɛne dɔɔnwo manle ɔyɛle awie biala ɛzulolɛ nee azibɛnwo.

Ɛzoanvolɛma Gyima ne 3:13

Ebileham, Ayezeke nee Gyekɔbo bɛ Nyamenle ne, nee yɛ nlenya mɔ Nyamenle ne yɛɛ ɛwula ye Sonvolɛ Gyisɛse anyunlunyia a. Bɛyele ye bɛmanle mgbanyima ne mɔ na bɛkpole ye wɔ Paelɛte anyunlu, wɔ mekɛ mɔɔ ɛnee Paelɛte mumua ne kulo kɛ ɔgyakyi ye la.

Ɛzoanvolɛma Gyima ne 3:16

Gyisɛse ɛhye duma nu nee ye tumi zo nee diedi wɔ ye duma ne anu yɛɛ nrenya ɛhye ɛnɛ gyi bɛ nyunlu ɛke kɛ yede kpɔkɛ bɔkɔɔ a.

Ɛzoanvolɛma Gyima ne 3:6

Na Pita zele ye kɛ, “Menlɛ ezukoa fee, na mɔɔ melɛ ye la a mefa meamaa wɔ la. Ɔlua Gyisɛse Kelaese mɔɔ vi Nazalɛte la duma nu, mese wɔ kɛ, dwazo tia!”

Ɛzoanvolɛma Gyima ne 4:10

ɛnee bɛdie bɛmaa ɔdo Yizilayɛma kɔsɔɔti kɛ, ɔlua Gyisɛse Kelaese mɔɔ vi Nazalɛte, mɔɔ bɛmɛ bɛbɔle ye meanubaka nu bɛhunle ye, na Nyamenle dwazole ye vile ewule nu la duma nu a ɛnɛ nrenya ɛhye gyi bɛ nyunlu ɛke kɛ yede kpɔkɛ bɔkɔɔ a.

Ɛzoanvolɛma Gyima ne 4:27

Hɛlɔdo nee Pɔnteɛse Paelɛte, nee bɛdabɛ mɔɔ bɛnle Dwuuma la, nee menli mɔɔ wɔ Yizilayɛ la amuala yiale nu wɔ suakpole ɛhye azo na bɛvale adwenle bɛtiale wɔ Sonvolɛ Nwuanzanwuanza Gyisɛse mɔɔ wɔyɛ ye Mɛzaya la.

Ɛzoanvolɛma Gyima ne 5:12

Ɛzoanvolɛma ne yɛle sɛkɛlɛneɛ ngakyile nee nwanwane ninyɛne dɔɔnwo wɔ menli ne avinli. Ɛleka mɔɔ diedima ne amuala bɔ nu yia la a le Ɛzonlenlɛ Sua ne kpɔda ne mɔɔ bɛfɛlɛ ye “Sɔlɔmɔn Kpɔda” la abo.

Ɛzoanvolɛma Gyima ne 6:8

Nyamenle lole Sitivin dɔɔnwo na ɔmanle ye tumi kpole ɔmanle ɔyɛle nwanwane ninyɛne mgbole ɔhilele menli.

Mɛla 4:34

Anzɛɛ saa nyamenle bie wɔ ɛkɛ ne, mɔɔ ɔdaye yezi ɔ kɛnra na yeyɛ kɛ ɔkava maanle bie wɔ maanle bie avinli yeayɛ ye ɔdaye ye maanle, na yeva ngyegyelɛ sɛkɛlɛneɛ, nwanwane nyɛleɛ, konle nee tumi kpole nee ɛzulolɛ yeyɛ, kɛmɔ Ɛdɛnkɛma bɛ Nyamenle yɛle wɔ Yigyibiti manle bɛdabɛ bɛnwunle ye la a.