Ɛzoanvolɛma Gyima ne 4:29 - BAEBOLO ANZƐƐ BULUKU NWUANZANWUANZA

²⁹ Na Awulae, akee nea kɛ bɛlɛsi bɛanwunlonwunla yɛ a. Maa yɛ, wɔ ɛzoanvolɛma, akɛnrasesebɛ maa yɛhola yɛha wɔ Edwɛkpa ne.

Ɛzoanvolɛma Gyima ne 4:29 ပူးပေါင်းရင်းမြစ်များ

Ayezaya Buluku ne 58:1

Ɛdɛnkɛma zele me kɛ, “Tea nu, tea nu kpalɛ, maa ɛ ne ɛlielie kɛ aweɛne tendenle ne; ka me menli ne, Gyekɔbo abo zo amra ne mɛladonlɛ nee bɛ ɛtane ne mɔ kile bɛ.

Ayezaya Buluku ne 63:15

Ɛdɛnkɛma, ɛwɔ anwuma lɔ, wɔ anyunlunyia ɛleka nwuanzanwuanza ne a to ɛ nye nea yɛ. Wɔ ɛhulolɛ kpole ne nee wɔ tumi ne wɔ nienwu? Wɔye wɔ ahunluyelɛyelalɛ ne nee wɔ anwunvɔnezelɛ ne wɔvi me nwo.

Gyɛlɛmaya Awolɛyelɛ 3:50

kɔkpula kɛ Ɛdɛnkɛma kɛdo ɔ nye kɛnlea aze na ɔkɛnwu kɛ,

Gyɛlɛmaya Awolɛyelɛ 5:1

O Ɛdɛnkɛma, nea mɔɔ ɛdo yɛ a; nea anyiemgba mɔɔ yɛbɔ a.

Yizikeɛle Buluku ne 2:6

“Na wɔmɔ, sonla ra, mmasulo bɛ, yɛɛ mmasulo mɔɔ bɛkeha la. Ɔbayɛ kɛ ɛla mbowule nu anzɛɛ ɛde nyamenleakɛlɛ avinli. Noko mmasulo bɛ ngehanleɛ yɛɛ mmamaa bɛ anyehoanlɛ ne mɔ tu wɔ ahonle, ɔluakɛ bɛle menli mɔɔ ɛde atua a.

Daneɛle Buluku ne 9:18

O me Nyamenle, gyele ɛ nzo tie yɛ. To ɛ nye nea mgbane mɔɔ yɛyɛ, nee suakpole ye mɔɔ bɛfa wɔ duma bɛfɛlɛ ye la, ɔluakɛ tɛ yɛ tenleneyɛlɛ ti yɛɛ yɛlɛbodo yɛazɛlɛ wɔ a, na wɔ anwunvɔnezelɛ kpole ne ati ɔ.

Maeka Buluku ne 3:8

Na mame, Ɛdɛnkɛma Sunsum ne ɛva tumi ɛyi me tɛkɛɛ, yemaa me pɛlepɛlelilɛ nee anwosesebɛ kɛ membɔ Gyɛkɔbo abo zo amra mɛladonlɛ ne nee Yizilayɛma ɛtane mɔɔ bɛyɛ la nolo mengile bɛ.

Ɛzoanvolɛma Gyima ne 13:46

Noko Pɔɔlo nee Baanabase dendɛle akɛnrasesebɛ zo zele bɛ kɛ, “Anrɛɛ ɔhyia kɛ bɛkɛlumua bɛkɛha Nyamenle edwɛkɛ ne bɛkɛhile bɛmɛ Dwuuma. Na saa bɛnyia bɛkpo kɛ bɛnrɛdie na bɛhile kɛ bɛ nwo ɛnfɛta ngoane mɔɔ ɛnlɛ awieleɛ la a, ɛnee ɔwɔ kɛ yɛgyakyi bɛ na yɛkɔka edwɛkɛ ne yɛkile bɛdabɛ mɔɔ bɛnle Dwuuma la.

Ɛzoanvolɛma Gyima ne 14:3

Noko ɛzoanvolɛma ne dɛnlanle ɛkɛ hyɛle, bɛhanle Awulae anwo edwɛkɛ ne akɛnrasesebɛ zo na Awulae hilele nɔhalɛ mɔɔ wɔ ye ɛlolɛ nwo nolo ne mɔɔ bɛlɛbɔ la anu na ɔmanle bɛ tumi ɔmanle bɛyɛle sɛkɛlɛneɛ nee nwanwane ninyɛne dɔɔnwo.

Ɛzoanvolɛma Gyima ne 19:8

Pɔɔlo hɔle nyianu sua ne anu na ɔdendɛle akɛnrasesebɛ zo ɔhilele Dwuuma ne mɔ toonwo siane nsa kɛ ɔmaa bɛanwu Nyamenle Belemgbunlililɛ ne.

Ɛzoanvolɛma Gyima ne 26:26

Belemgbunli Agelepa, mekpa edwɛkɛ ne anwo ɛdanlɛ mɔɔ menzulo ɔ nzi a, ɔluakɛ ɛdawɔ ɛze ɛhye mɔ amuala. Meze noko kɛ ɛyɛle bɛ nzonlɛ kpalɛ kpalɛ, ɔluakɛ ɛhye mɔ biala anzi fealera nu.

Ɛzoanvolɛma Gyima ne 28:31

Ɔhanle Nyamenle Belemgbunlililɛ ne anwo edwɛkɛ na ɔhilehilele menli ninyɛne mɔɔ fane Awulae Gyisɛse Kelaese anwo la, na awie biala andenda ɔ gyakɛ anu.

Ɛzoanvolɛma Gyima ne 4:13

Ɔyɛle ayiama ne azibɛnwo kɛ Pita nee Dwɔn ɛnyia akɛnrasesebɛ mɔɔ le zɛhae a, ɔluakɛ bɛze kɛ bɛle menli mɔɔ ɛnze nwoma a, na bɛliele bɛdole nu kɛ bɛ nee Gyisɛse a anrɛɛ lua a.

Ɛzoanvolɛma Gyima ne 4:21

Ayiama ne bɔle bɛ kɔkɔ ɛsesebɛ na bɛgyakyile bɛ kɛ bɛhɔ, ɔluakɛ bɛnlɛ edwɛkɛ kpaziwɔkɛ biala mɔɔ bɛgyinla zolɛ bɛtwe bɛ nzo a ɔyɛ boɛ a, yɛɛ eza menli ne amuala ɛlɛyeyɛ Nyamenle wɔ mɔɔ ɛzi la anwo.

Ɛzoanvolɛma Gyima ne 4:31

Mɔɔ bɛwiele nzɛlɛlɛ ne yɛ la, ɛleka mɔɔ bɛyiale nu la kpusule. Na Sunsum Nwuanzanwuanza ne rawolole bɛ na bɛnyianle akɛnrasesebɛ kɛ akee bɛka Nyamenle edwɛkɛ ne kpalɛ.

Ɛzoanvolɛma Gyima ne 9:27

Zɔhane ati Baanabase raboale ye na ɔ nee ye hɔle ɛzoanvolɛma ne ɛkɛ. Ɔhilehilele kɛ Sɔɔlo zile nwunle Awulae wɔ adevinli ne na Awulae dendɛle hilele ye, nee Sɔɔlo ahonle mɔɔ zile na ɔvale Gyisɛse duma ɔbɔle Edwɛkpa ne nolo wɔ Dɛmasekɛse la amuala ɔhilele bɛ.

Ɛzoanvolɛma Gyima ne 9:28

Yemɔti akee bɛmanle Sɔɔlo nee bɛ luale, na ɔyele ɔ nyunlu wienyi ɔvale Awulae duma ɔbɔle Edwɛkpa ne nolo wɔ Gyɛlusalɛm amuala.

1 Kɔl 14:13

Zɔhane ati, awie mɔɔ ka aneɛ ngakyile la ɛzɛlɛ kɛ ɔkɛnyia ahyɛlɛdeɛ ne mɔɔ bɛfa bɛkile mɔɔ ɔka la abo la.

2 Kɔl 3:12

Kɛmɔ yɛlɛ anyelazo ɛhye la ati, yɛtendɛ a yɛnzulo.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:14

Na me efiadenla ɛhye ɛmaa mediema ne mɔ dɔɔnwo ɛzi pi wɔ Awulae anu na bɛlɛbɔ Edwɛkpa ne nolo mɔɔ bɛnzulo ɛhwee a.

1 Tɛs 2:2

Bɛdabɛ bɛze amaneɛ mɔɔ yɛnwunle ye nee aholoba mɔɔ bɛbɔle yɛ wɔ Felepae kolaa na yɛara Tɛsalonaeka la. Noko yɛ Nyamenle ne manle yɛ akɛnrasesebɛ manle yɛhanle Edwɛkpa ne mɔɔ vi ye ɛkɛ ne la yɛhilele bɛ wɔ mekɛ bɔbɔ mɔɔ ɛnee menli dɔɔnwo tia yɛ la.

2 Tem 4:17

Awulae gyinlanle me nzi, na ɔmanle me anwosesebɛ. Zɔhane ati mengolale membɔle Edwɛkpa ne nolo memanle bɛdabɛ mɔɔ bɛnle Dwuuma la amuala dele bie; na Nyamenle yele me vile awenade ne anloa anu.