Ɛzoanvolɛma Gyima ne 4:28 - BAEBOLO ANZƐƐ BULUKU NWUANZANWUANZA

²⁸ Bɛyiale nu bɛvale adwenle bɛyɛle debie biala, kɛmɔ ɛdawɔ wɔ tumi ɛhulolɛ ngyehyɛlɛ ne de la.

Ɛzoanvolɛma Gyima ne 4:28 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 50:20

Bɛmɛ ɛdeɛ, ɛnee bɛkpondɛ me nee munzule, na Nyamenle kpondɛle me nee saleɛ, amaa yeara ye zɔhane na mealie menli dɔɔnwo ngoane, kɛmɔ ɛnɛ bɛde la.

Dwobu Buluku ne 12:13

Nyamenle lɛ nrɛlɛbɛ, ɔlɛ tumi; folɛdulɛ nee ndelebɛbo le ye ɛdeɛ.

Edwɛndolɛ Buluku ne 76:10

Sonla ɛyavalɛ wie Nyamenle ayɛlɛyelɛ ɛyavalɛ nee konle ne anzi, bɛdabɛ mɔɔ bɛkɛha la bali wɔ eni.

Mrɛlɛbulɛ Buluku ne 21:30

Nrɛlɛbɛ, ndelebɛbo, yɛɛ folɛdulɛ biala ɛnle ɛkɛ mɔɔ kola gyinla Ɛdɛnkɛma anyunlu a.

Ayezaya Buluku ne 14:24

Tumivolɛ Ɛdɛnkɛma ɛha ndane kɛ, “Kɛmɔ mehyehyɛ la, zɔhane ala a ɔbayɛ a, yɛɛ kɛmɔ mezuzu la, zɔhane ala a ɔbagyinla a.

Ayezaya Buluku ne 28:29

Ɛhye noko vi Tumivolɛ Ɛdɛnkɛma. Ye folɛdulɛ yɛ nwanwane, yɛɛ ye nrɛlɛbɛ bo zolɛ.

Ayezaya Buluku ne 37:26

“Asoo ɛtɛtele kɛ mengyehyɛle ɛhye mendole ɛkɛ ne dɛba, yɛɛ memaa yeyɛ zɔhane a? Memanle wɔ anwosesebɛ kɛ ɛva ɛbutubutu azuamgbole mɔɔ bɛbɔ nwolɛ bane la anye aze ɛyɛ bɛ azuadu.

Ayezaya Buluku ne 40:13

Nwane a ɛhile Ɛdɛnkɛma Sunsum ne adenle, anzɛɛ ɛyɛ ɔ nwo Ɛdɛnkɛma folɛtuvo ɛhilehile ye a?

Ayezaya Buluku ne 46:10

Medame a mɔlebɛbo ne menganle awieleɛ edwɛkɛ ne na mɔmoane menganle mɔɔ basisi la anwo bie menzele kɛ, ‘Mɔɔ meha la bagyinla ɛkɛ, yɛɛ mebayɛ mɔɔ mehyehyɛ la.’

Ayezaya Buluku ne 5:19

Dahuu bɛ edwɛkɛ a le kɛ, “Bɛmaa ɔha ɔ nwo ɔyɛ ye waa, ɔyɛ ye gyima ne ndɛndɛ ɔmaa yɛnlea. Bɛmaa Yizilayɛ Nwuanzanwuanza Ko ne ɛrɛla, ɛrayɛ mɔɔ yehyehyɛ la ɔmaa yɛnlea!”

Ayezaya Buluku ne 53:10

Ɛdɛnkɛma se, “Noko ɔle me ɛhulolɛ kɛ bɛkɛbodɛboda ye, na ɔkɛnwu amaneɛ dɔɔnwo; na ɔkɛva ɔ nwo ɔkɛbɔ azu ɔkɛmaa ɛtane. Ɔbanyi yeahyɛ na yeanwu ɔ bo zo amra, na ɔlua ɔ nwo zo Ɛdɛnkɛma ɛhulolɛ ne ali munli.

Edwɛkpa ne kɛmɔ Mateyu hɛlɛle la 26:24

Na mame Sonla Ra, mebawu, kɛmɔ Nyamenle Edwɛkɛ ne se la, na ahenle mɔɔ ɔdua ɔ nwo zo bɛaye Sonla Ra ne bɛamaa la, ye gyakɔ! Ɔle kpalɛ kɛ anrɛɛ bɛanwo ye!”

Edwɛkpa ne kɛmɔ Mateyu hɛlɛle la 26:54

Noko saa ɔba ye zɔhane a, ɛnee kɛ ɔkɛyɛ na Nyamenle Edwɛkɛ ne mɔɔ se ɛhye mɔ bazi la ayɛ nɔhalɛ ɛ?”

Edwɛkpa ne kɛmɔ Luku hɛlɛle la 22:22

Na medame Sonla Ra mebawu, kɛmɔ Nyamenle ɛhyehyɛ ala la, na munzule doa sonla ne mɔɔ ye me amaa la!”

Ɛzoanvolɛma Gyima ne 2:23

Nyamenle ɔdaye ye ɛhulolɛ zo, ɔliele ɔdole nu kɛ bɛkɛye Gyisɛse bɛkɛmaa bɛ; yɛɛ bɛdabɛ noko bɛmanle menli mɔɔ ɛnze Nyamenle la bɔle ye meanubaka nu hunle ye a.

Ɛzoanvolɛma Gyima ne 3:18

Nyamenle luale ye kpɔmanvolɛma anwo zo hanle dole ɛkɛ ne dɛba, kɛ ɔwɔ kɛ Mɛzaya ne nwu amaneɛ, yemɔti a ɔmanle ɔrale ye zɔhane a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:11

Debie biala mɔɔ Nyamenle yɛ la gyi ɔdaye ye ngyehyɛlɛ nee ye kpɔkɛ mɔɔ yebɔ la azo, na kɛmɔ mɔlebɛbo ne ɔdaye ɔhyehyɛle la, yelua yɛ nee Kelaese yɛ koyɛlɛ ne azo yekpa nu yeye yɛ kɛ yɛle ye ɛdeɛ.

Kɛlata mɔɔ bɛhɛlɛle bɛhɔmanle Hibuluma la 6:17

Nyamenle kpondɛ kɛ bɛdabɛ mɔɔ ɔwɔ kɛ bɛnyia ɛwɔkɛ ne bie la nwu kɛ ɔnrɛhakyi ye adwenle ɛlɛ; ɛhye ati ɔvale ndane ɔbokale ye ɛwɔkɛ ne anwo.