Ɛzoanvolɛma Gyima ne 4:26 - BAEBOLO ANZƐƐ BULUKU NWUANZANWUANZA

²⁶ Azɛlɛ ye azo arelemgbunli ɛboɔboa bɛ nloa, maanle mgbanyinli ɛva adwenle ko na bɛtia Nyamenle nee ye Mɛzaya ne.’

Ɛzoanvolɛma Gyima ne 4:26 ပူးပေါင်းရင်းမြစ်များ

Edwɛndolɛ Buluku ne 2:1

Duzu ati a maanle maanle te atua ɛ? Duzu ati a menli fa adwenle ɛtane ɛ?

Edwɛndolɛ Buluku ne 2:2

Ewiade arelemgbunli boɔboa dwenle ɛtane, bɛ maanle mgbanyinli bɔ nu kɔ agyinla tia Ɛdɛnkɛma nee mɔɔ yekpa nu yeye ye la.

Ayezaya Buluku ne 7:7

“ Na medame Ɛdɛnkɛma, mese ɛha ɛhile bɛ kɛ: Ɔnrɛyɛ boɛ, yɛɛ ɛhye ɛnrɛzi ɛlɛ!

Daneɛle Buluku ne 9:24

“Ɛnyelɛzodeɛnwunlɛ ne kile kɛ wɔ menli Yizilayɛma bava ɛvolɛ ɛya nna abulahɔnla (ɛvolɛ abulasuu fane nsuu) a alie bɛ nwo nee bɛ suakpole ne wɔ ɛtane nee munzule nu, bɛayɛ bɛ ɛtane nwo mgbɔdalɛ nzɛlɛlɛ na bɛali pɛlepɛle dahuu a, amaa ɛnyelɛzodeɛnwunlɛ ne nee Nyamenle nrɛlaleɛ ne ali munli, na bɛadu Ɛzonlenlɛ Sua ne bɛamaa Nyamenle bieko.

Edwɛkpa ne kɛmɔ Luku hɛlɛle la 4:18

“Awulae Sunsum ne wɔ me nwo zo, ɔboalekɛ yekpa nu yeye me kɛ menva Edwɛkpa ne membɛlɛ ehyianvolɛma. Yezoa me kɛ membɔ fanwodi nwo nolo mengile bɛdabɛ mɔɔ bɛhye bɛ nuokɛ la, na memaa anyenzinliravolɛma ɛnwu debie. Menye bɛdabɛ mɔɔ bɛlɛsisi bɛ la menvi anwongyelelɛ nu,

Ɛzoanvolɛma Gyima ne 10:38

Bɛze Gyisɛse mɔɔ vi Nazalɛte la anwo edwɛkɛ nee kɛ Nyamenle zile vale Sunsum Nwuanzanwuanza ne wulale ye na ɔmanle ye tumi la amuala. Gyisɛse kpɔsale ɛleka dɔɔnwo yɛle ahunlunyele gyima, na ɔyɛle bɛdabɛ mɔɔ Abɔnsam ɛlɛfa ye tumi ne agyegye bɛ la ayile, ɔluakɛ Nyamenle nee ye lua.

Kɛlata mɔɔ bɛhɛlɛle bɛhɔmanle Hibuluma la 1:9

Ɛkulo mɔɔ le fɔɔnwo la na ɛkyi mɔɔ ɛnli mɛla zo la. Ɛhye ati yɛɛ Nyamenle, wɔ Nyamenle ne, ɛkpa nu ɛye wɔ na yemaa wɔ nidi nu anyelielɛ kpole mɔɔ tɛla mɔɔ yeva yemaa ɛ gɔnwo mɔ amuala la a.”

Yekile 11:15

Akee Nyamenle soanvolɛ ne mɔɔ tɔ zolɛ nsuu la bɔle ye aweɛne tendenle ne anu. Na ɛnelɛ mgbole dɔɔnwo bie vi anwuma hanle kɛ, “Azɛlɛ ye azo tumi muala ɛyɛ Awulae nee yɛ Mɛzaya ne ɛdeɛ; ɔbali belemgbunli ɛvolɛ mɔɔ ɛnlɛ awieleɛ!”

Yekile 12:10

Akee mendele ɛnelɛ kpole bie vi anwuma, ɔse, “Bɔ zo mɔɔ Nyamenle ngoanelielɛ ne ɛra a! Akee Nyamenle ɛhile ye tumi ne kɛ ɔle Belemgbunli. Akee yehile ye Mɛzaya tumi ne! Ɔluakɛ bɛvuandi mɔɔ gyi Nyamenle anyunlu nɔɔzo nee ewiazo toɔdoa yɛ mediema ne mɔ la bɛde aze.

Yekile 17:17

Ɔluakɛ Nyamenle ɛva ye gyimayɛlɛ nwo adwenle ɛwula bɛ ahonle nu, amaa bɛabɔ nu bɛayɛ ko, wɔ bɛ nyɛleɛ nu na bɛava bɛ tumi ne bɛamaa nane ne ali belemgbunli ahɔkpula mekɛ mɔɔ Nyamenle Edwɛkɛ ne kɛyɛ zɔhane la.