Ɛzoanvolɛma Gyima ne 4:24 - BAEBOLO ANZƐƐ BULUKU NWUANZANWUANZA

²⁴ Bɛdele edwɛkɛ ne la, bɛ muala bɛbɔle nu bɛzɛlɛle, “O Tumivolɛ Awulae mɔɔ bɔle anwuma nee azɛlɛ, nyevile nee mɔɔ wɔ nu la amuala,

Ɛzoanvolɛma Gyima ne 4:24 ပူးပေါင်းရင်းမြစ်များ

2 Arl 19:15

Na ɔzɛlɛle kɛ, “O Ɛdɛnkɛma, Yizilayɛ Nyamenle mɔɔ ɛde wɔ Belemgbunli ebia nu wɔ abɔdeɛ ne mɔ mɔɔ lɛ ndɛbalɛ la azo anwuma a, ɛdawɔ ala a, ɛle Nyamenle mɔɔ sie arelemgbunli maanle maanle mɔɔ wɔ aleɛabo la a. Ɛdawɔ a ɛbɔle azɛlɛ ye nee anwuma a.

2 Arl 19:19

Ɛdɛnkɛma, yɛ Nyamenle, die yɛ fi Aseleama asa anu, amaa ewiade maanle maanle kɔsɔɔti anwu kɛ ɛdawɔ Ɛdɛnkɛma ala a ɛle Nyamenle a.”

Nihɛmaya Buluku ne 9:6

Na Yizilayɛma amuala yɛle nzɛlɛlɛ ɛhye: “Wɔmɔ Ɛdɛnkɛma, ɛ ngomekye ala yɛɛ ɛle Ɛdɛnkɛma a; wɔmɔ yɛɛ ɛbɔle anwuma nee anwomanyunlu nwɔlɔra a. Wɔmɔ yɛɛ ɛbɔle azɛlɛ nee zolɛ ninyɛne, nyevile nee nuhua ninyɛne a; wɔmɔ yɛɛ ɛmanle bɛ kɔsɔɔti ngoane a. Anwuma tumivolɛma kɔsɔɔti bɔ bɛ ti aze sonle wɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:11

Ɔluakɛ medame Ɛdɛnkɛma, menvale kenle nsia a membɔle anwuma nee aze a, nyevile nee nuhua ninyɛne muala, na menliele me ɛnwomenle wɔ kenle nsuu ne azo. Yemɔti medame Ɛdɛnkɛma, menyilale Ɛnwomenlelielɛ Kenle ne na menyɛle ye nwuanzanwuanza.

Ayezaya Buluku ne 51:12

Ɛdɛnkɛma se, “Medame a mele Nyamenle mɔɔ kyekye bɛ rɛle a. Duzu ati a bɛsulo sonla mɔɔ ɛngyɛ na yeawu, mɔɔ ye ngoane le kɛ ndile la ɛ?

Gyɛlɛmaya Buluku ne 20:13

Bɛdo edwɛne bɛmaa Ɛdɛnkɛma; bɛye Ɛdɛnkɛma ayɛlɛ! Yelie anwunvɔnema ngoane yevi amumuyɛma asa anu.

Gyɛlɛmaya Buluku ne 32:17

wɔmɔ yɛɛ wɔva wɔ tumi kpole ne nee wɔ anwosesebɛ wɔbɔ anwuma nee aze a!

Ɛzoanvolɛma Gyima ne 14:15

“Ayi mɔ, duzu ati a bɛlɛyɛ ɛhye mɔ ɛ? Yɛdayɛ noko yɛle menli kɛ bɛdabɛ la. Yɛrale kɛ yɛbabɔ Edwɛkpa ne nolo yeahile bɛ, amaa bɛahwe bɛ nwo bɛavi ninyɛne mgbane mgbane ɛhye mɔ mɔɔ anwo ɛnlɛ nvasoɛ la anwo, na bɛazonle tease Nyamenle ne mɔɔ bɔle anwuma, azɛlɛ, nyevile nee mɔɔ wɔ nuhua la amuala la.

Ɛzoanvolɛma Gyima ne 16:25

Nɔe ne, kɛyɛ alevinli mu nwiɔ avinli, ɛnee Pɔɔlo nee Saelase ɛlɛyɛ nzɛlɛlɛ na bɛlɛto edwɛne bɛaye Nyamenle ayɛlɛ, na menli mɔɔ bɛdabɛ noko bɛgua efiade ne bie la ɛlɛtie bɛ.

Ɛzoanvolɛma Gyima ne 4:23

Mɔɔ bɛgyakyile bɛ la, Pita nee Dwɔn ziale hɔle bɛ gɔnwo mɔ anwo ɛkɛ na bɛhanle mɔɔ sɛlɛvolɛ mgbanyinli nee maanle mgbanyinli ne mɔ hanle la amuala bɛhilele bɛ.