Ɛzoanvolɛma Gyima ne 4:23 - BAEBOLO ANZƐƐ BULUKU NWUANZANWUANZA

²³ Mɔɔ bɛgyakyile bɛ la, Pita nee Dwɔn ziale hɔle bɛ gɔnwo mɔ anwo ɛkɛ na bɛhanle mɔɔ sɛlɛvolɛ mgbanyinli nee maanle mgbanyinli ne mɔ hanle la amuala bɛhilele bɛ.

Ɛzoanvolɛma Gyima ne 4:23 ပူးပေါင်းရင်းမြစ်များ

Edwɛndolɛ Buluku ne 119:63

Me nee menli mɔɔ sulo wɔ la a tu a; bɛdabɛ mɔɔ bɛdi wɔ mɛla zo la a me nee bɛ tu a.

Edwɛndolɛ Buluku ne 16:3

Anwondelɛma mɔɔ wɔ azɛlɛ ne azo la le menli kpalɛ, me nye die bɛ nwo somaa.

Edwɛndolɛ Buluku ne 42:4

Meka me nyane edwɛkɛ a, mekakye ɛhye mɔ amuala; kɛ menzile me nee ɛlɔne ne luale, na menlile bɛ ti, yɛdole ɛlɔnwɔne, yɛdole moyɛlɛ edwɛne, yɛvale fɛlɛko yɛdeɛdeanle nu, yɛhɔle Nyamenle sua nu yɛlile ɛvoyia la.

Mrɛlɛbulɛ Buluku ne 13:20

Sonla mɔɔ nee nrɛlɛbɛvolɛma tu la nwu nrɛlɛbɛ, na mɔɔ nee ahoasea tu la nwu ɔ nyunlu.

Malakae Buluku ne 3:16

Na bɛdabɛ mɔɔ bɛsulo Ɛdɛnkɛma la dule bɛ nwo azukue. Ɛdɛnkɛma diele bie, yɛɛ ɔdele ɔ muala. Bɛdabɛ mɔɔ bɛsulo Ɛdɛnkɛma na bɛdwenle ɔ nwo la, bɛhɛlɛle bɛ muala aluma wɔ ngakyelɛ buluku nu, ɔla Nyamenle anyunlu.

Ɛzoanvolɛma Gyima ne 16:40

Pɔɔlo nee Saelase vi efiade ɛkɛ ne la, bɛhɔle Ledea sua nu. Bɛhɔdole mediema ne bie mɔ wɔ ɛkɛ, bɛdendɛle bɛhilele bɛ, bɛzile bɛ ahonle, na akee bɛhɔle.

Ɛzoanvolɛma Gyima ne 4:22

Nrenya ne mɔɔ ɔlua ɔ nwo zo bɛyɛle nwanwane gyima kpole zɛhae la ɛnee ɛli ɛvolɛ mɔɔ bo abulanla.

Ɛzoanvolɛma Gyima ne 4:24

Bɛdele edwɛkɛ ne la, bɛ muala bɛbɔle nu bɛzɛlɛle, “O Tumivolɛ Awulae mɔɔ bɔle anwuma nee azɛlɛ, nyevile nee mɔɔ wɔ nu la amuala,