Ɛzoanvolɛma Gyima ne 4:21 - BAEBOLO ANZƐƐ BULUKU NWUANZANWUANZA

²¹ Ayiama ne bɔle bɛ kɔkɔ ɛsesebɛ na bɛgyakyile bɛ kɛ bɛhɔ, ɔluakɛ bɛnlɛ edwɛkɛ kpaziwɔkɛ biala mɔɔ bɛgyinla zolɛ bɛtwe bɛ nzo a ɔyɛ boɛ a, yɛɛ eza menli ne amuala ɛlɛyeyɛ Nyamenle wɔ mɔɔ ɛzi la anwo.

Ɛzoanvolɛma Gyima ne 4:21 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 15:31

Mɔɔ menli ne nwunle kɛ mumule ɛlɛtendɛ, abubura ɛlɛtia, mɔɔ ɛdwidwe la anwo ɛza, na anyenzinliravolɛ nwu debie la, ɔzinle bɛ nwo, na bɛyele Yizilayɛ Nyamenle ne ayɛlɛ.

Edwɛkpa ne kɛmɔ Mateyu hɛlɛle la 21:46

Ɛhye ati bɛyɛle kɛ bɛkye ye; noko akee bɛzulole, ɔluakɛ menli ne mɔ die to nu kɛ Gyisɛse le Nyamenle kpɔmanvolɛ.

Edwɛkpa ne kɛmɔ Mateyu hɛlɛle la 26:5

Na bɛzele kɛ, “Ɔnle kɛ yɛyɛ ye zɔhane wɔ ɛvoyialilɛ ne anu, anrɛɛ menli ne kɛdo nzaka.”

Edwɛkpa ne kɛmɔ Mateyu hɛlɛle la 9:33

Ɔdule sunsum ɛtane ne la, mumule ne dendɛle. Na ɔyɛle menli dɔɔnwo ne nwanwane na bɛzele kɛ, “Yɛtɛnwunle ɛhye bie ɛlɛ wɔ Yizilayɛ!”

Edwɛkpa ne kɛmɔ Mateyu hɛlɛle la 9:8

Menli ne mɔ nwunle ye zɛhae la, ɛzulolɛ hanle bɛ, na bɛyele Nyamenle ayɛlɛ kɛ yeva tumi mɔɔ le zɛhae la yemaa sonla a.

Edwɛkpa ne kɛmɔ Luku hɛlɛle la 13:17

Ye mualɛ ne manle ye agbɔvolɛ ne mɔ amuala anyunlu guale aze, na menli ne amuala lile fɛlɛko wɔ nwanwane ninyɛne mgbole mɔɔ ɔyɛle la anwo.

Edwɛkpa ne kɛmɔ Luku hɛlɛle la 20:19

Mɛla kilehilevolɛma ne nee sɛlɛvolɛ mgbanyinli ne mɔ yɛle kɛ bɛkye Gyisɛse ɛkɛ ne ala, ɔboalekɛ bɛze kɛ ɔbule ɛrɛlɛ ne ɔtiale bɛ; noko akee bɛzulole menli ne anye.

Edwɛkpa ne kɛmɔ Luku hɛlɛle la 20:6

Saa yɛka noko kɛ, ‘Ɔvi sonla’ a, menli ɛwolaa ye mɔɔ wɔ ɛke la amuala kɛzi yɛ awolɛ, ɔboalekɛ bɛdie bɛto nu kɛ Dwɔn le Nyamenle kpɔmanvolɛ.”

Edwɛkpa ne kɛmɔ Luku hɛlɛle la 22:2

sɛlɛvolɛ mgbanyinli ne nee mɛla kilehilevolɛma ne mɔ bɔle adwenle kɛ bɛfa adenle bie azo kɛ bɛ sa kɛha Gyisɛse bɛkɛhu ye bɛkɛvea, ɔluakɛ bɛsulo menli ne.

Edwɛkpa ne kɛmɔ Luku hɛlɛle la 5:26

Ɔzinle bɛ muala bɛ nwo kpole, na bɛvale sulosulo bɛyele Nyamenle ayɛlɛ bɛzele kɛ, “Ɛnɛ yɛnwu ninyɛne ɛzulolɛ kpalɛ!”

Ɛzoanvolɛma Gyima ne 4:17

Na amaa edwɛkɛ ne andende la bɛmaa yɛdua bɛ kɛ bɛmmabɔ Gyisɛse duma bɛka edwɛkɛ bɛkile awie biala bieko.”

Ɛzoanvolɛma Gyima ne 4:22

Nrenya ne mɔɔ ɔlua ɔ nwo zo bɛyɛle nwanwane gyima kpole zɛhae la ɛnee ɛli ɛvolɛ mɔɔ bo abulanla.

Ɛzoanvolɛma Gyima ne 5:13

Awie mɔɔ ɛmboka diedima ne anwo la ɛnwolo bɛ nu, noko menli kɔsɔɔti hanle bɛ nwo edwɛkɛ kpalɛ.

Ɛzoanvolɛma Gyima ne 5:26

Yemɔti sinzavolɛ kpanyinli ne vale ye ɛlɔnema ne na bɛhɔvale ɛzoanvolɛma ne mɔ bɛrale, noko bɛanyɛ bɛ mgbane mgbane biala, ɔluakɛ ɛnee bɛsulo kɛ saa bɛyɛ ye kikilikikili a ɛlɔne ne kɛzi bɛ awolɛ.

Ɛzoanvolɛma Gyima ne 5:40

Bɛvale ɛzoanvolɛma ne bɛrale ayiama ne anyunlu bieko, bɛbilale bɛ empele, na bɛduale bɛ kɛ bɛmmabɔ Gyisɛse duma bieko ɛlɛ ɛleka biala; na bɛgyakyile bɛ.