Ɛzoanvolɛma Gyima ne 4:20 - BAEBOLO ANZƐƐ BULUKU NWUANZANWUANZA

²⁰ na yɛmɛ, mɔɔ yɛde nee mɔɔ yɛnwu ye la, yɛnrɛhola yɛnrɛgyakyi ye ɛhanlɛ!”

Ɛzoanvolɛma Gyima ne 4:20 ပူးပေါင်းရင်းမြစ်များ

2 Sam 23:2

Ɛdɛnkɛma Sunsum ne dua me nwo zo tendɛ; ye edwɛkɛ ne dua me nloa.

Gyɛlɛmaya Buluku ne 1:7

Na Ɛdɛnkɛma zele me kɛ, “Mmaka kɛ ɛle kakula, ɔluakɛ menli mɔɔ mebazoa wɔ bɛ avinli la, ɔwɔ kɛ ɛkɔ, yɛɛ edwɛkɛ biala mɔɔ menwɔze wɔ la, ɔwɔ kɛ ɛka.

Gyɛlɛmaya Buluku ne 20:9

Saa meka kɛ, “Menrɛbɔ ye duma anzɛɛ menrɛbɔ ye duma menrɛdeɛdea” a; ɛnee ye edwɛkɛ ne sɔ kɛ senle yela me ahonle nu, ɔwolowolo me mbowule nu; akee meli ye me kunlu mevɛ, mengola.

Gyɛlɛmaya Buluku ne 4:19

Nyane ne! Mengola nyane ne anu sɔ! Me ɛbolɛ! Me ɛbolɛ ɛlɛte! Me ahonle ɛlɛnriandi me kunlu. Mengola koonwu yɛ. Mete aweɛne tendenle ne ane, ɔkile kɛ konle ɛlɛba.

Gyɛlɛmaya Buluku ne 6:11

Yemɔti ɛya mɔɔ wɔva ye bɛ nwo la ɛwolowolo me, Ɛdɛnkɛma. Mengola ye me kunlu di.” Nzinlii Ɛdɛnkɛma zele me kɛ, “Wola me ɛya ne gua ngakula mɔɔ wɔ guabile ne mɔ azo, nee mgbavolɛ mɔɔ ɛyia la anwo zo. Bɛbahye kunli nee yelɛ, mgbanyinli nee mrelera bɛahɔ.

Yizikeɛle Buluku ne 3:11

Kɔ wɔ menli ne mɔɔ wɔ nlɔnu la ɛkɛ ne, na saa bɛtie wɔ o, bɛandie wɔ o, ka kile bɛ kɛ, ‘Kɛ medame, Awulae Nyamenle, mese la ɛne.’ ”

Emɔzo Buluku ne 3:8

Awenade ne ɛkpo, nwane a ɛzulolɛ ɛnga ye a? Awulae Nyamenle ne ɛdendɛ, nwane a kɛkpo kɛ ɔnrɛha ye nrɛlaleɛ ne a?

Maeka Buluku ne 3:8

Na mame, Ɛdɛnkɛma Sunsum ne ɛva tumi ɛyi me tɛkɛɛ, yemaa me pɛlepɛlelilɛ nee anwosesebɛ kɛ membɔ Gyɛkɔbo abo zo amra mɛladonlɛ ne nee Yizilayɛma ɛtane mɔɔ bɛyɛ la nolo mengile bɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:38

Beelam buale Beelake kɛ, “Mera, anzɛɛ metɛbale ɔ? Na kɛkala, duzu tumi a melɛ a? Mɔɔ Ɛdɛnkɛma kɛha kɛhile me la, yemɔ yɛɛ meka a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:20

Yeze me kɛ menyila, Saa Nyamenle yila a, mengola menzɛkye ye.

Edwɛkpa ne kɛmɔ Luku hɛlɛle la 1:2

Bɛhɛlɛle ninyɛne mɔɔ bɛdabɛ mɔɔ mɔlebɛbo ne bɛnwunle ye bɛ nye zo na bɛbɔle ye nolo la hanle hilele yɛ la.

Ɛzoanvolɛma Gyima ne 1:8

Na saa Sunsum Nwuanzanwuanza ne ba bɛ nwo zo a bɛbanyia tumi, na bɛali me nwo daselɛ wɔ Gyɛlusalɛm, nee Dwudiya amuala nee Samɛlea bɛahɔdwu aleɛabo ɛleka biala.”

Ɛzoanvolɛma Gyima ne 18:5

Mɔɔ Saelase nee Temɔte vi Masidonea rale la ɛnee Pɔɔlo ɛva ye mekɛ muala ɛlɛka Edwɛkpa ne ali daselɛ ahile Dwuuma ne kɛ, Mɛzaya ne a le Gyisɛse.

Ɛzoanvolɛma Gyima ne 2:32

Nyamenle ɛdwazo Gyisɛse ɛhye ɛvi mɔwuamra anu, kɛmɔ yɛ muala yɛdi nwolɛ daselɛ la.

Ɛzoanvolɛma Gyima ne 2:4

Sunsum Nwuanzanwuanza ne rayile bɛ tɛkɛɛ na bɛbɔle ɔ bo kɛ bɛka aneɛ ngakyile, kɛmɔ Sunsum ne vale manle bɛ kɛ bɛha la.

Ɛzoanvolɛma Gyima ne 22:15

Ɔluakɛ ɛbali ɔ nwo daselɛ wɔaha mɔɔ wɔde nee mɔɔ wɔnwu ye la wɔahile ewiade amra amuala.

Ɛzoanvolɛma Gyima ne 3:15

Bɛhunle sonla ne mɔɔ maa ngoane la, na Nyamenle dwazole ye vile mɔwuamra anu; yɛ muala yɛdi ɛhye anwo daselɛ.

Ɛzoanvolɛma Gyima ne 5:32

Na yɛmɛ yɛɛ Sunsum Nwuanzanwuanza ne mɔɔ le Nyamenle ahyɛlɛdeɛ ne mɔɔ ɔfa ɔmaa bɛdabɛ mɔɔ bɛtie ye la, yɛdi ɛhye anwo daselɛ.”