Ɛzoanvolɛma Gyima ne 4:17 - BAEBOLO ANZƐƐ BULUKU NWUANZANWUANZA

¹⁷ Na amaa edwɛkɛ ne andende la bɛmaa yɛdua bɛ kɛ bɛmmabɔ Gyisɛse duma bɛka edwɛkɛ bɛkile awie biala bieko.”

Ɛzoanvolɛma Gyima ne 4:17 ပူးပေါင်းရင်းမြစ်များ

Gyɛlɛmaya Buluku ne 38:4

Na mgbanyima ne mɔ hanle hilele belemgbunli ne kɛ, “Maa bɛhu nrenya ɛhye, ɔluakɛ ɔlɛka edwɛkɛ yeamaa ɛlɔnema mɔɔ ɛha suakpole ye azo nee menli ne amuala asa anu atuto. Nrenya ɛhye ɛnzuzu maanlema boɛ, ɔsuzu bɛ nee ɛtane.”

Emɔzo Buluku ne 2:12

“Noko bɛmanle menli mɔɔ dule bɛ nwo manle Nyamenle la nlonle nwanye, na bɛduale Nyamenle kpɔmanvolɛma kɛ bɛmmaka me nrɛlaleɛ ne.

Edwɛkpa ne kɛmɔ Mateyu hɛlɛle la 27:64

Yemɔti maa adenle maa bɛzinza sɛka ne kpalɛ ɔhɔkpula kenle nsa ne, amaa ye ɛdoavolɛma ne angɔnwua ye, na bɛaraha bɛahile menli kɛ, ‘Bɛdwazo ye bɛvi ewule nu.’ Saa ɛhye si a, adalɛ ɛhye kɛdɛla alumua ɛdeɛ ne bɔkɔɔ.”

Edwɛkpa ne kɛmɔ Mateyu hɛlɛle la 9:30

Na bɛ nye ne mɔ dukuedukuele. Gyisɛse bɔle bɛ nloa kɛ, “Bɛmmabɔ zo bɛmaa awie biala te.”

Dw 15:21

Bɛbayɛ bɛ ɛhye mɔ amuala ɔboalekɛ bɛmɛ, bɛle me ɛdeɛ, na ɛtane ewiade ɛnze mɔɔ zoanle me la.

Ɛzoanvolɛma Gyima ne 4:21

Ayiama ne bɔle bɛ kɔkɔ ɛsesebɛ na bɛgyakyile bɛ kɛ bɛhɔ, ɔluakɛ bɛnlɛ edwɛkɛ kpaziwɔkɛ biala mɔɔ bɛgyinla zolɛ bɛtwe bɛ nzo a ɔyɛ boɛ a, yɛɛ eza menli ne amuala ɛlɛyeyɛ Nyamenle wɔ mɔɔ ɛzi la anwo.

Ɛzoanvolɛma Gyima ne 5:24

Ɛhye yɛle kpanyinli ne mɔɔ nea Ɛzonlenlɛ Sua ne sinzavolɛma ne anwo zo, nee sɛlɛvolɛ mgbanyinli ne mɔ naa ekyii, na bɛdwenlenle nwo kɛ kabezɛ edwɛkɛ bie ɛzi ɛzoanvolɛma ne anwo zo.

Ɛzoanvolɛma Gyima ne 5:28

“Bɛmɛ, yɛbɔ bɛ kɔkɔ kɛ bɛmmabɔ sonla zɔhane duma bɛkilehile menli wɔ ɛleka biala, noko nea mɔɔ akee bɛlɛyɛ a. Bɛva bɛ ngilehilelɛ ne bɛkponde Gyɛlusalɛm amuala; bɛyɛ bɛamaa yɛmɛ yɛali ɛzonle wɔ sonla ne ewule nwo!”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:9

Menlenlɛma, bɛdabɛ noko bɛyɛ zɔhane ala bɛmaa bɛ ngɛkɛlɛ ne mɔ, na bɛmmanwunlonwunla bɛ anzɛɛ bɛmmasisi bɛ. Bɛhakye kɛ bɛ nee bɛ ngɛkɛlɛ ne mɔ amuala wɔ Menlenlɛ ko ne ala mɔɔ wɔ anwuma la abo. Yemɔ, ɔnli mɔguazo wɔ ye ndɛnebualɛ nu.

1 Tɛs 1:8

Ɔluakɛ tɛ Awulae anwo nrɛlaleɛ ne angome yɛɛ vi bɛ ɛkɛ ne dwule Masidonea nee Akaya a, na eza bɛ diedi mɔɔ wɔ Nyamenle anu la noko ɛdwu menli mɔɔ wɔ ɛleka muala la anzo nu. Ɛhye ati, ɔngyia kɛ yɛkɛha nwolɛ edwɛkɛ bɔbɔ.

1 Pit 2:23

Noko mɔɔ bɛbɔ ye aholoba la, yeambɔ bɛ bie, bɛgolo ɔ nwo la, yeandɛ ɔ nloa anu; mɔɔ ɔnwu amaneɛ bɔbɔ la, yeanwunlonwunla awie, na ɔvale ye anyelazo kɔsɔɔti ɔdole Nyamenle anwo zo kɛ yemɔ a ɔle pɛlepɛle Ndɛnebuavolɛ ne a.