Ɛzoanvolɛma Gyima ne 3:26 - BAEBOLO ANZƐƐ BULUKU NWUANZANWUANZA

²⁶ Yemɔti Nyamenle yele ye Sonvolɛ ne na ɔzoanle ye ɔmanle ɔlumuale ɔrale bɛ ɛkɛ kɛ ɔmaa awie biala ɛhwe ɔ nwo ɛvi ɛtane nwo na ɔyila bɛ.”

Ɛzoanvolɛma Gyima ne 3:26 ပူးပေါင်းရင်းမြစ်များ

Edwɛndolɛ Buluku ne 72:17

Ye duma ɛdɛnla ɛkɛ ne dahuu, na ye anyunlunyia ɛda kɛ sɛnzɛne. Menli kɔsɔɔti ɛva ye ɛyila bɛ nwo, na maanle maanle ɛzuzu ye boɛ.

Gyɛlɛmaya Buluku ne 31:18

“Mede kɛ Yizilayɛma ɛlɛdi nyane aha kɛ, ‘Ɛnee yɛle kɛ ɛnlankɛ ralɛ mɔɔ anye abo sɔ la, na wɔmɔ, ɛyɛle yɛ abɛbɛ, fa yɛ kɔ sua nu maa yɛkpazi, ɔluakɛ wɔmɔ a ɛle Ɛdɛnkɛma yɛ Nyamenle a.

Edwɛkpa ne kɛmɔ Mateyu hɛlɛle la 1:21

Ɔbawo ralɛ nrenya na wɔado ye duma Gyisɛse, ɔboalekɛ ɔbalie ye menli ne yeavi bɛ ɛtane nu.”

Edwɛkpa ne kɛmɔ Mateyu hɛlɛle la 15:24

Gyisɛse buale kɛ, “Bɛzoanle me wɔ mboane ne mɔɔ wɔ Yizilayɛ na bɛminli la angome anwo.”

Edwɛkpa ne kɛmɔ Luku hɛlɛle la 24:47

Akee bɛbɔ ɔ bo wɔ Gyɛlusalɛm ɛke bɛva me duma bɛbɔ anlubɛnwo nolo bɛhile maanle maanle kɔsɔɔti, na saa bɛdie bɛdi a, Nyamenle ava bɛ ɛtane ahyɛ bɛ.

Dw 4:22

Nɔhalɛ, bɛmɛ Samɛleama, bɛnze mɔɔ bɛsonle ye la, na yɛmɛ Dwuuma, yɛze mɔɔ yɛsonle ye la. Ɔboalekɛ ngoanelielɛ kɛra a ɔvi Dwuuma.

Ɛzoanvolɛma Gyima ne 1:8

Na saa Sunsum Nwuanzanwuanza ne ba bɛ nwo zo a bɛbanyia tumi, na bɛali me nwo daselɛ wɔ Gyɛlusalɛm, nee Dwudiya amuala nee Samɛlea bɛahɔdwu aleɛabo ɛleka biala.”

Ɛzoanvolɛma Gyima ne 13:26

“Me mediema, Ebileham nlɔnra nee bɛdabɛ mɔɔ bɛnle Dwuuma na bɛsulo Nyamenle mɔɔ bɛwɔ ɛke la amuala, yɛmɛ yɛ ti yɛɛ bɛvale ngoanelielɛ nwo Edwɛkpa ɛhye bɛzoanle a!

Ɛzoanvolɛma Gyima ne 2:24

Na Nyamenle dwazole ye vile mɔwuamra anu na ɔyele ye ɔvile ewule asa nu; ɔluakɛ ɔnle kɛ ewule di ɔ nwo zo konim.

Ɛzoanvolɛma Gyima ne 2:32

Nyamenle ɛdwazo Gyisɛse ɛhye ɛvi mɔwuamra anu, kɛmɔ yɛ muala yɛdi nwolɛ daselɛ la.

Ɛzoanvolɛma Gyima ne 26:20

Na menlumuale menganle ye wɔ Dɛmasekɛse nee Gyɛlusalɛm yɛɛ Dwudiya maanle ne mɔ amuala anu, nee maanle maanle mɔɔ ɛmboka Dwuuma anwo la anu, kɛ bɛnlu bɛ nwo na bɛzia bɛrɛla Nyamenle ɛkɛ, na bɛbɔ ɛbɛla mɔɔ kile kɛ bɛnlu bɛ nwo la.

Ɛzoanvolɛma Gyima ne 3:13

Ebileham, Ayezeke nee Gyekɔbo bɛ Nyamenle ne, nee yɛ nlenya mɔ Nyamenle ne yɛɛ ɛwula ye Sonvolɛ Gyisɛse anyunlunyia a. Bɛyele ye bɛmanle mgbanyima ne mɔ na bɛkpole ye wɔ Paelɛte anyunlu, wɔ mekɛ mɔɔ ɛnee Paelɛte mumua ne kulo kɛ ɔgyakyi ye la.

Ɛzoanvolɛma Gyima ne 3:15

Bɛhunle sonla ne mɔɔ maa ngoane la, na Nyamenle dwazole ye vile mɔwuamra anu; yɛ muala yɛdi ɛhye anwo daselɛ.

Ɛzoanvolɛma Gyima ne 3:20

na mekɛ dwu a Awulae arɛlɛ bɛ Sunsum nu anwosesebɛ, na yeava Mɛzaya ne, mɔɔ le Gyisɛse, mɔɔ yeye ye dɛba yemaa bɛ la yɛarɛlɛ bɛ.

Ɛzoanvolɛma Gyima ne 3:22

Mosisi hanle kɛ, ‘Awulae bɛ Nyamenle ne baye kpɔmanvolɛ avi bɛ avinli na yeazoa ye wɔ bɛ nwo ɛkɛ, kɛmɔ yezoa me la, na ɔwɔ kɛ bɛtie ye na bɛdi mɔɔ ɔkɛha ɔkɛhile bɛ la amuala azo.

Ɛzoanvolɛma Gyima ne 3:25

Nyamenle ɛwɔkɛ ne mɔɔ ɔluale ye kpɔmanvolɛma anwo zo ɔbɔle la le bɛ ɛdeɛ, yɛɛ ngyekyeleɛ ne mɔɔ Nyamenle nee bɛ nlenya mɔ kyekyele la, bɛwɔ nu bie, ɔluakɛ ɔhanle ɔhilele Ebileham kɛ, ‘Ɛ bo zo amra anwo zo yɛɛ mebalua meayila maanle maanle kɔsɔɔti a.’

Wulo 1:16

Menze Edwɛkpa ne anwo nyiane. Ɔle Nyamenle tumi mɔɔ ɔfa ɔdie bɛdabɛ mɔɔ bɛdie bɛdi la amuala a, mɔɔ lumua la a le bɛdabɛ Dwuuma yɛɛ akee bɛdabɛ noko mɔɔ bɛnle Dwuuma la.

Wulo 15:29

Meze kɛ saa menyia mebadwu bɛ nwo lɔ a, Edwɛkpa ne nolobɔlɛ ne bava Kelaese anu nyilalɛ dɔɔnwo arɛlɛ bɛ.

Wulo 15:8

Ɔluakɛ meka meahile bɛ kɛ Kelaese yɛle ɔ nwo sonvolɛ wɔ Dwuuma ati, vale hilele kɛ Nyamenle di nɔhalɛ, kɛ ɔkɛmaa ye ɛwɔkɛ ne mɔɔ ɔbɔle yɛ nlenya mɔ la kɛyɛ zɔhane,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:3

Yɛyɛ Nyamenle mɔɔ le yɛ Awulae Gyisɛse Kelaese ɔ Ze ne mo. Ɔluakɛ yelua yɛ koyɛlɛ ne mɔɔ yɛ nee Kelaese ɛyɛ la azo yeyila yɛ na yeva anwuma Sunsum nu ahyɛlɛdeɛ muala yemaa yɛ.

1 Pit 1:3

Ayɛlɛyelɛ ɛha Nyamenle, yɛ Awulae Gyisɛse Kelaese ɔ Ze ne! Yelua ye ɛlolɛ kpole ne azo yedwazo Gyisɛse Kelaese yevi ewule nu na yemaa yɛnyia ngoane fofolɛ nwo anyelazo mɔɔ ɛnwu ɛlɛ a.

1 Pit 3:9

Bɛmmafa ɛtane bɛtua ɛtane kakɛ anzɛɛ bɛmmafa butule bɛyia butule. Bɛva nyilalɛ nee kosoɛ ɛyɛlɛ bɛdua ɛtane kakɛ, ɔluakɛ ɛhye ati yɛɛ Nyamenle vɛlɛle bɛ a, amaa bɛanyia nyilalɛ.

Dwuudu Kɛlata ne 1:24

Nyamenle mɔɔ kola sɔ bɛ mɔɔ bɛndɔ aze, na ɔfa bɛ kɔlɔnwo fɛlɛko nu ɔkɔ ɔdaye ye anyunlunyia ne anu,