Ɛzoanvolɛma Gyima ne 3:19 - BAEBOLO ANZƐƐ BULUKU NWUANZANWUANZA

¹⁹ Zɔhane ati bɛnlu bɛ nwo na bɛzia bɛrɛla Nyamenle ɛkɛ, amaa yeava bɛ ɛtane ne mɔ amuala yeahyɛ bɛ,

Ɛzoanvolɛma Gyima ne 3:19 ပူးပေါင်းရင်းမြစ်များ

Edwɛndolɛ Buluku ne 103:12

Kɛ aduduleɛ nee adɔleɛ avinli si twe la, zɔhane ala yɛɛ ɔye yɛ ɛtane ne mɔ ɔmaa yɛ nee bɛ avinli twe a.

Edwɛndolɛ Buluku ne 51:13

Na menwɔhilehile mɛladonlɛma wɔ adenle ne, na ɛtanevolɛma bazia ara wɔ ɛkɛ.

Edwɛndolɛ Buluku ne 51:9

Ye ɛ nye fi me ɛtane ne mɔ anwo, na nunu me amumuyɛ ne mɔ amuala.

Ayezaya Buluku ne 43:25

Medame, medame a mele Nyamenle, mɔɔ medame me ti, mefa bɛ ɛtane mekyɛ bɛ a. Menrɛhakye bɛ ɛtane ne mɔ bieko.

Ayezaya Buluku ne 44:22

Mepia bɛ mɛladonlɛ ne mɔ amuala kɛ amungu mehɔ, yɛɛ mepia bɛ ɛtane ne mɔ kɛ ɛbɔlɛ megua; bɛzia bɛrɛla, ɔluakɛ mekpɔne bɛ.

Ayezaya Buluku ne 51:11

Menli mɔɔ Ɛdɛnkɛma ɛkpɔne bɛ la bazia ara, bɛbava edwɛndolɛ bɛara Gyɛlusalɛm. Bɛ nye balie dahuu; bɛbali fɛlɛko na bɛ nye alie, na bɛnrɛnwu nyane, yɛɛ alɔbɔlɛ ɛnrɛhu bɛ bieko.

Ayezaya Buluku ne 6:10

Maa menli ɛhye mɔ ɛsolo, bɛ nzo ɛdi, na bɛ nye ɛzi, anrɛɛ bɛkɛva bɛ nye bɛkɛnwu debie, bɛkɛva bɛ nzo bɛkɛde edwɛkɛ na bɛkɛde edwɛkɛ bo, na bɛahakyi bɛ nyɛleɛ na bɛayɛ bɛ ayile.’ ”

Ayezaya Buluku ne 61:3

Yezoa me kɛ membankyekye Zayɔnoma arɛle Kɛ bɛgyakyi nyanelilɛ na bɛli fɛlɛko. Bɛgyakyi bɛ ti zo nzonle ɛbɔlɛ, Na bɛbɔ ndotolo kɔtɔlɔba abɔtile. Bɛdo ayɛlɛyelɛ edwɛne na bɛgyakyi nyanelilɛ; Amaa bɛavɛlɛ bɛ tenleneyɛlɛ mbaka ɛsesebɛ, Mɔɔ Ɛdɛnkɛma ɛlua, amaa bɛawula ye anyunlunyia.

Ayezaya Buluku ne 61:9

Bɛ bo zo amra bali bɛ ti wɔ maanle maanle avinli, Bɛ mra balie duma wɔ maanle maanle avinli. Awie biala mɔɔ kɛnwu bɛ la balie bɛ ado nu, Kɛ bɛle menli mɔɔ Ɛdɛnkɛma ɛyila bɛ a.”

Gyɛlɛmaya Buluku ne 36:3

Ɔkɛyɛ kɛ saa Dwudama te kɛ mebazi meazɛkye bɛ la a, bɛ nuhua ko biala bagyakyi ɛtaneyɛlɛ, na meava bɛ amumuyɛ nee bɛ ɛtane ne mɔ meahyɛ bɛ.”

Gyɛlɛmaya Buluku ne 50:20

Saa mekɛ zɔhane dwu a bɛnrɛde ɛtaneyɛlɛ nganeɛ wɔ Yizilayɛ, yɛɛ bɛnrɛnwu ɛtaneyɛlɛ wɔ Dwuda, ɔluakɛ mebava menli mɔɔ baha mɔɔ mebagyakyi bɛ la anwo edwɛkɛ meahyɛ bɛ. Medame Ɛdɛnkɛma a mese a.”

Gyɛlɛmaya Awolɛyelɛ 3:40

Bɛmaa yɛnlea yɛ ɛbɛlabɔlɛ nu boɛ, na yɛzia yɛrɛla Ɛdɛnkɛma ɛkɛ.

Gyɛlɛmaya Awolɛyelɛ 5:21

O Ɛdɛnkɛma, fa yɛ bɔ wɔ ɛbolɛ. Maa yɛnyia gyinlagyakɛ kɛ dɛba ne la.

Yizikeɛle Buluku ne 33:11

Ka kile bɛ kɛ, suzuamgba ala mɔɔ medame Awulae Nyamenle a mele tease Nyamenle ne la, menlɛ anyelielɛ biala wɔ amumuyɛnli ewule nu, kyesɛ amumuyɛnli ne kakyi fi ye ndenle ne mɔ anu na ɔnyia ngoane. Bɛzia bɛ nzi, bɛzia bɛ nzi bɛvi bɛ munzule ndenle ne mɔ anu; Yizilayɛma, duzu ati a bɛkulo kɛ bɛwu a?

Daneɛle Buluku ne 9:13

Kɛmɔ bɛhɛlɛ ye wɔ Mosisi Mɛla buluku ne anu la, munzule ɛhye mɔ amuala ɛra yɛ nwo zo, noko yɛtɛkpale Ɛdɛnkɛma yɛ Nyamenle ne kyɛlɛ, yɛtɛgyakyile ɛtane ɛyɛlɛ, yɛɛ yɛtɛkpondɛle wɔ nɔhalɛ adenle ne.

Hozia Buluku ne 14:2

Bɛzia bɛhɔ Ɛdɛnkɛma ɛkɛ na bɛva nzɛlɛlɛ ɛhye bɛdo ɔ nyunlu: “Fa yɛ ɛtane kɔsɔɔti kyɛ yɛ; die mɔɔ le kpalɛ la, na yɛbaye wɔ ayɛlɛ.

Dwowɛle Buluku ne 2:13

Bɛtete bɛ ahonle nu na tɛ bɛ adɛladeɛ nu ɔ.” Bɛzia bɛhɔ Ɛdɛnkɛma bɛ Nyamenle ne ɛkɛ, ɔluakɛ ɔle dovolɛ nee anwunvɔnezelɛnli; ɔnva ɛya mgbane mgbane, ye ɛhulolɛ kpundii ne le kpole, yɛɛ dahuu ɔfa ɛtane ɔkyɛ.

Edwɛkpa ne kɛmɔ Mateyu hɛlɛle la 13:15

Ɔluakɛ menli ɛhye mɔ ɛsolo, bɛduodua bɛ nzo yɛɛ bɛmuomua bɛ nye. Saa tɛ ye zɔhane a, anrɛɛ bɛ nye kɛnwu debie, bɛ nzo kɛde edwɛkɛ, bɛ adwenle kɛde edwɛkɛ bo, na bɛkɛzia bɛkɛra bɛkɛmaa menwɔyɛ bɛ ayile.’

Edwɛkpa ne kɛmɔ Mateyu hɛlɛle la 18:3

na ɔzele bɛ kɛ, “Bɛhakye ɛhye! Kyesɛ bɛkakyi bɛ nyɛleɛ na bɛyɛ kɛ ngakula la, anrɛɛ bɛnrɛnwu Anwuma Belemgbunlililɛ ne ɛlɛ.

Edwɛkpa ne kɛmɔ Luku hɛlɛle la 1:16

Na ɔbahwe Yizilayɛma dɔɔnwo yeamaa bɛazia bɛara Awulae bɛ Nyamenle ne ɛkɛ.

Edwɛkpa ne kɛmɔ Luku hɛlɛle la 22:57

Pita zale na ɔzele kɛ, “Ɔmɔ, menze ye bɔbɔ!”

Ɛzoanvolɛma Gyima ne 1:6

Mɔɔ ɛzoanvolɛma ne nee Gyisɛse yiale nu la bɛbizale ye kɛ, “Awulae, akee mekɛ ɛdwu mɔɔ ɛbava Belemgbunlililɛ ne wɔamaa Yizilayɛma bieko ɔ?”

Ɛzoanvolɛma Gyima ne 11:18

Bɛdele ɛhye la, bɛgyakyile bɛ nvefenu ne na bɛyeyɛle Nyamenle bɛzele kɛ, “Nyamenle ɛmaa bɛdabɛ mɔɔ bɛnle Dwuuma la noko adenle kɛ bɛnlu bɛ nwo na bɛnyia ngoane mɔɔ ɛnlɛ awieleɛ.”

Ɛzoanvolɛma Gyima ne 11:21

Awulae lile bɛ nzi manle menli dɔɔnwo liele lile na bɛhakyile bɛrale Awulae ɛkɛ.

Ɛzoanvolɛma Gyima ne 15:3

Asɔnema ne guale bɛ adenle, na bɛkɔ la bɛvale Fonehyea nee Samɛlea, na bɛhanle kɛ bɛdabɛ mɔɔ bɛnle Dwuuma la ɛzi ɛhakyi, na bɛlie Nyamenle bɛli la anwo edwɛkɛ bɛhilele bɛ. Na diedima ne lile nwolɛ fɛlɛko somaa.

Ɛzoanvolɛma Gyima ne 17:26

Nyamenle bɔle sonla na ɔluale ɔ nwo zo ɔmanle menli ngakyile kɔsɔɔti mɔɔ wɔ aleɛabo la amuala rale. Ɔdaye yɛɛ ɔhyehyɛle ɛleka mɔɔ ɔwɔ kɛ bɛtɛnla nee maanle biala ɛkpazilɛ nee ye azedɔlɛ a.

Ɛzoanvolɛma Gyima ne 2:38

Pita zele bɛ kɛ, “Bɛnlu bɛ nwo na bɛgyakyi ɛtane ɛyɛlɛ, na bɛmaa bɛzɔne bɛ wɔ Gyisɛse Kelaese duma nu, amaa bɛava bɛ ɛtane bɛahyɛ bɛ na bɛanyia Nyamenle ahyɛlɛdeɛ ne, mɔɔ le Sunsum Nwuanzanwuanza ne.

Ɛzoanvolɛma Gyima ne 28:27

ɔboalekɛ Nyamenle se, menli ɛhye mɔ ɛsolo, bɛduodua bɛ nzo yɛɛ bɛmuomua bɛ nye. Anrɛɛ bɛ nye kɛnwu debie, bɛ nzo kɛde edwɛkɛ, bɛkɛnyia ndelebɛbo, na bɛkɛzia bɛkɛra me ɛkɛ, na meayɛ bɛ ayile.’ ”

Ɛzoanvolɛma Gyima ne 3:20

na mekɛ dwu a Awulae arɛlɛ bɛ Sunsum nu anwosesebɛ, na yeava Mɛzaya ne, mɔɔ le Gyisɛse, mɔɔ yeye ye dɛba yemaa bɛ la yɛarɛlɛ bɛ.

Ɛzoanvolɛma Gyima ne 3:21

Ɔwɔ kɛ ɔtɛnla anwuma lɔ kɔkpula kɛ bɛkɛyɛ ninyɛne kɔsɔɔti fofolɛ, kɛmɔ Nyamenle ɛlua ye kpɔmanvolɛma nwuanzanwuanza ne mɔ anwo zo ɛha ye dɛba la.

Wulo 11:25

Me mediema, nɔhalɛ bie vea ɛkɛ mɔɔ mekulo kɛ bɛnwu ye a, amaa bɛagyakyi kɛ bɛkɛdwenle kɛ asɛɛ bɛze nrɛlɛbɛ somaa. Yemɔ a le kɛ Yizilayɛma anzosesebɛ ne ɛnrɛhɔ zolɛ dahuu; saa bɛdabɛ mɔɔ bɛnle Dwuuma la dodo mɔɔ ba Nyamenle ɛkɛ ne la nyia ba a, anzosesebɛ ne babɔ aze.

2 Tɛs 1:10

Ɛhye bazi mekɛ mɔɔ Kenle ne kɛdwu na Kelaese kɛra kɛ ɔbalie ye anyunlunyia nee enililɛ yeavi ye menli ne nee bɛdabɛ mɔɔ bɛdie ye bɛdi la ɛkɛ ne la. Bɛdabɛ noko bɛbaboka Nyamenle menli ne anwo, ɔboalekɛ bɛlie ye edwɛkɛ ne mɔɔ yɛhanle yɛhilele bɛ la bɛli.

2 Tɛs 1:7

yeaye nyane mɔɔ bɛlɛnwu ye la bɛ kɔme zo, na nwolɛ nyilalɛ ne bie aha yɛdayɛ noko. Ɔbayɛ ɛhye wɔ mekɛ mɔɔ Awulae Gyisɛse vi anwuma, ɔ nee ye soanvolɛma mɔɔ lɛ tumi la lua sendɔlɔra nu kɛra

2 Tem 2:25

Ɔwɔ kɛ ɔto ɔ rɛle azule nu ɔkilehile bɛdabɛ mɔɔ bɛ nee ye ɛnga la, ɔluakɛ saa ɔyɛ Nyamenle ɛhulolɛ a ɔbamaa bɛ mekɛ kpalɛ yeamaa bɛanlu bɛ nwo na bɛaranwu nɔhalɛ ne.

Kɛlata mɔɔ bɛhɛlɛle bɛhɔmanle Hibuluma la 4:1

Kɛkala mɔɔ Nyamenle ɛwɔkɛ ne mɔɔ fane ɛnwomenlelielɛ nwo la tɛbɔ ɛkɛ ne la, bɛmaa yɛnlea boɛ na bɛanze yɛ bie mɔ kɛ bɛdɔ sinli na bɛnrɛdwu ɛnwomenlelielɛ ɛleka ne.

1 Pit 2:25

Ɛnee bɛle kɛ mboane mɔɔ ɛminli la, na kɛkala bɛva bɛ bɛzia bɛra kɛ bɛrali Mboaneneavolɛ ne nee bɛ ɛkɛla sinzavolɛ ne anzi.

2 Pit 3:8

Na ayi mɔ, bɛmmamaa bɛ rɛle fi nɔhalɛ ko ɛhye. Awulae ɛdeɛ, kenle ko le ɔ nye zo ɛvolɛ apenle, yɛɛ ɛvolɛ apenle le ɔ nye zo kenle ko.

Yekile 21:4

Ɔbakyikyi bɛ nye anwo monle. Ewule ɛnle ɛkɛ bieko, monle ɛnle ɛkɛ, nyane ɛnle ɛkɛ, ɛzunlɛ ɛnle ɛkɛ ne bieko. Ɔluakɛ alumua ninyɛne ne mɔ ɛze ɛhɔ.”