Ɛzoanvolɛma Gyima ne 3:10 - BAEBOLO ANZƐƐ BULUKU NWUANZANWUANZA

¹⁰ na nzinlii mɔɔ akee bɛnwunle kɛ sonla ne mɔɔ anrɛɛ tɛnla sɛlɛzɛlɛ ninyɛne wɔ Ɛzonlenlɛ Sua ne anuhɔlɛ ne mɔɔ bɛfɛlɛ ye “Anlenkɛ Kɛnlɛma” la anloa la, ɔyɛle bɛ azibɛnwo, na mobolɛ kpole bole bɛ wɔ mɔɔ ɛzi la anwo.

Ɛzoanvolɛma Gyima ne 3:10 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 14:35

na menli mɔɔ wɔ ɛkɛ ne la nwunle ye. Yemɔti bɛmanle bɛhɔvale wuleravolɛma mɔɔ wɔ namunamu nee azua mɔɔ bikye ɛkɛ ne la azo la bɛrale na

Edwɛkpa ne kɛmɔ Luku hɛlɛle la 4:36

Ɔyɛle bɛ muala azibɛnwo na bɛhanle bɛhilele bɛ nwo ngoko kɛ, “Duzu edwɛkɛ a le ɛhye? Nrenya ɛhye lɛ tumi ɔfa ɔtea sunsum ɛtane ne mɔ nu ɔmaa bɛfi menli nwo bɛtu.”

Edwɛkpa ne kɛmɔ Luku hɛlɛle la 9:43

Na Nyamenle tumi kpole ne yɛle menli dɔɔnwo ne amuala azibɛnwo. Mɔɔ ɛnee menli ne anye ɛha Gyisɛse anwo wɔ ye nwanwane ninyɛne mɔɔ ɔlɛyɛ la anwo la, ɔzele ye ɛdoavolɛma ne kɛ,

Dw 5:20

Ɔluakɛ Selɛ ne kulo Ralɛ ne, yɛɛ ɔkile ye mɔɔ ɔdaye mumua ne ɔlɛyɛ la amuala. Ɔbahile ye ninyɛne mgbole bɔbɔ mɔɔ tɛla ɛhye mɔ la yeamaa yeayɛ, na ɔbayɛ bɛ muala azibɛnwo.

Dw 9:3

Gyisɛse buale kɛ, “Ye anyenzinlira ne ɛnvane ɔdaye ye ɛtane anzɛɛ ye awovolɛ ɛtane mɔɔ bɛyɛ la anwo. Bɛwole ye anyenzinlira amaa menli anwu kɛ Nyamenle tumi ne ɛlɛyɛ gyima wɔ ye nu.

Dw 9:8

Ye kpalɛ zo amra nee menli mɔɔ ɛnwu ye ɛlɛ kɛ ɔde ɔlɛsɛlɛzɛlɛ la bizale kɛ, “Asoo tɛ nrenya ne mɔɔ tɛnla sɛlɛzɛlɛ la ɛne?”

Ɛzoanvolɛma Gyima ne 2:12

Na azibɛnwo nu ala, bɛbizale kɛ, “Ɛnee ɛhye abo a le duzu?”

Ɛzoanvolɛma Gyima ne 2:7

Ɔyɛle bɛ nwanwane ɔmanle bɛhanle kɛ, “Na menli ɛhye mɔ, se bɛ muala bɛle Galelima o?

Ɛzoanvolɛma Gyima ne 3:2

bɛhɔdole nrenya bie mɔɔ bɛwole ye abubura la. Dahuu bɛsoa ye bɛba Ɛzonlenlɛ Sua ne anuhɔlɛ ne mɔɔ bɛfɛlɛ ye “Anlenkɛ Kɛnlɛma” la anloa bɛmaa ɔsɛlɛzɛlɛ menli mɔɔ ɛlɛkɔ nu la ninyɛne.