Ɛzoanvolɛma Gyima ne 3:1 - BAEBOLO ANZƐƐ BULUKU NWUANZANWUANZA

¹ Kenle ko Pita nee Dwɔn kɔ Ɛzonlenlɛ Sua ne anu wɔ ewiazo dɔne nsa nzɛlɛlɛ mekɛ ne anu la,

Ɛzoanvolɛma Gyima ne 3:1 ပူးပေါင်းရင်းမြစ်များ

1 Arl 18:36

Ɔdwule mekɛ mɔɔ bɛfa bɛyɛ ewiazo nzɛlɛlɛ la, Yilaegya rale azukponle ne anwo na ɔzɛlɛle kɛ, “O Ɛdɛnkɛma, Ebileham, Ayezeke nee Yizilayɛ Nyamenle, maa bɛdabɛ mɔɔ bɛyia ɛke la ɛnwu ye ɛnɛ kenle ye kɛ wɔmɔ a ɛle Nyamenle wɔ Yizilayɛ a, yɛɛ wɔ sonvolɛ a le me, yɛɛ ɛdawɔ a wɔzoa me kɛ menyɛ ninyɛne ɛhye mɔ a.

Edwɛndolɛ Buluku ne 55:17

Nɔsolɛ nu, nwonlomɔ nee ewiazo meka me nyane na mesu, na ɔbadie me ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:39

Fa ko bɔ azu nwonlomɔ na fa ko noko bɔ azu nɔsolɛ.

Daneɛle Buluku ne 6:10

Daneɛle nwunle kɛ bɛlie mɛla ne bɛdo nu na belemgbunli ɛva ɔ sa ɛwula ɔ bo la, ɔhɔle sua nu, ɔbukebukele ye nvɛnzɛlɛ ne mɔ mɔɔ kɔne Gyɛlusalɛm afoa nu la ɔguale nwolɛ, na kenle ko biala ɔhotole ɔzɛlɛle na ɔyɛle ye Nyamenle ne mo fane nsa, kɛmɔ ɛnee ɔyɛ ye dɛba ne la.

Daneɛle Buluku ne 9:21

Geebeleɛle mɔɔ alumua ne menwunle ye wɔ me ɛnyelɛzodeɛnwunlɛ ne anu la, rale me nwo ɛkɛ ne ndɛndɛ wɔ nɔsolɛ nu azubɔlɛ mekɛ ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:4

Bɛva ko bɛbɔ azu nwonlomɔ, na bɛva ko ne noko bɛbɔ azu nɔsolɛ.

Edwɛkpa ne kɛmɔ Mateyu hɛlɛle la 17:1

Kenle nsia pɛle nu la Gyisɛse vale Pita, Gyemise, yɛɛ ɔ diema Dwɔn hɔle boka kpole bie azo, bɛ ngome ala a bɛwɔ ɛkɛ a.

Edwɛkpa ne kɛmɔ Mateyu hɛlɛle la 26:37

Na ɔvale Pita nee Zɛbɛdi amra nwiɔ ne ɔbokale ɔ nwo bɛhɔle. Alɔbɔlɛ nee nyane hanle ye kpole

Edwɛkpa ne kɛmɔ Mateyu hɛlɛle la 27:45

Mɔɔ ɔdwule sɛnzɛngyinla la awozinli vale azɛlɛ ye kɔsɔɔti azo toonwo dɔnehwele nsa.

Edwɛkpa ne kɛmɔ Luku hɛlɛle la 1:10

kɛ ɔkakpu ɛyɛlɛ. Mekɛ ne anu ɛnee menli gua alie nwo nehane na bɛlɛsɛlɛ.

Edwɛkpa ne kɛmɔ Luku hɛlɛle la 18:10

Ɔse, “Menli nwiɔ bie hɔle Ɛzonlenlɛ Sua ne anu kɛ bɛkazɛlɛ; ko le Falasiinli yɛɛ ko le adwuledievolɛ.

Edwɛkpa ne kɛmɔ Luku hɛlɛle la 22:8

Gyisɛse zoanle Pita nee Dwɔn kɛ, “Bɛhɔ bɛhɔziezie yɛ Akpabɛnwo Ɛvoyia aleɛ ne bɛmaa yɛli.”

Edwɛkpa ne kɛmɔ Luku hɛlɛle la 24:53

na bɛhɔle Ɛzonlenlɛ Sua ne anu dahuu bɛhɔyɛle Nyamenle mo.

Dw 21:7

Ɛdoavolɛ ne mɔɔ Gyisɛse kulo ye edwɛkɛ la hanle hilele Pita kɛ, “Awulae ɔ.” Saemɔn Pita dele kɛ Awulae la, ɔvale ye anwuma tɛladeɛ ne ɔwulale (ɔluakɛ ɛnee yekpa yegua) na ɔwulule ɔdɔle azule ne anu ɔweɛle ɔrale file zo.

Ɛzoanvolɛma Gyima ne 10:3

Kenle ko ewiazo kɛyɛ dɔne nsa ɔhɔle nzɛlɛlɛ ɛyɛlɛ la ɔnwunle ɛnyelɛzodeɛnwunlɛ. Nyamenle soanvolɛ ragyinlanle ɔ nyunlu ɛkɛ na ɔvɛlɛle ye kɛ, “Kɔnileɛse!”

Ɛzoanvolɛma Gyima ne 10:30

Kɔnileɛse zele ye kɛ, “Ɛnɛ le kenle nna, kɛyɛ bekezɛ ala, ɛnee melɛyɛ ewiazo dɔne nsa nzɛlɛlɛ wɔ me sua ye anu, na nrenya bie mɔɔ wula tɛladeɛ fufule la ragyinlanle me nyunlu ɛkɛ

Ɛzoanvolɛma Gyima ne 2:46

Kenle biala bɛyia nu wɔ Ɛzonlenlɛ Sua ne anu bɛyɛ nzɛlɛlɛ, bɛbɔ nu bɛdi debie wɔ koyɛlɛ nu,

Ɛzoanvolɛma Gyima ne 3:3

Ɔnwunle Pita nee Dwɔn kɛ bɛlɛkɔ Ɛzonlenlɛ Sua ne anu la, ɔzɛlɛle bɛ kɛ bɛhyɛ ye debie.

Ɛzoanvolɛma Gyima ne 3:4

Bɛnleanle ye koonwu, na Pita zele ye kɛ, “Nea yɛ!”

Ɛzoanvolɛma Gyima ne 4:13

Ɔyɛle ayiama ne azibɛnwo kɛ Pita nee Dwɔn ɛnyia akɛnrasesebɛ mɔɔ le zɛhae a, ɔluakɛ bɛze kɛ bɛle menli mɔɔ ɛnze nwoma a, na bɛliele bɛdole nu kɛ bɛ nee Gyisɛse a anrɛɛ lua a.

Ɛzoanvolɛma Gyima ne 5:25

Na yeangyɛ yɛɛ nrenya ko rabɔle bɛ amaneɛ kɛ, “Bɛnlea, menli ne mɔɔ bɛguale bɛ efiade la wɔ Ɛzonlenlɛ Sua nu lɔ ɛlɛkilehile menli.”

Ɛzoanvolɛma Gyima ne 8:14

Ɛzoanvolɛma ne dele wɔ Gyɛlusalɛm kɛ menli mɔɔ wɔ Samɛlea la ɛzɔ Nyamenle edwɛkɛ ne anu la bɛzoanle Pita nee Dwɔn wɔ lɔ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:9

Gyemise, Pita, yɛɛ Dwɔn mɔɔ diedima ne bu bɛ kɛ bɛle mgbanyima la liele dole nu kɛ, nɔhalɛ, mame a Nyamenle ɛva ɛlolɛ gyima ɛhye ɛwula me sa nu a. Yemɔti bɛzomanle me nee Banabase, bɛyɛle yɛ mo nee yɛ, bɛhilele kɛ bɛlie yɛ bɛdo nu. Akee yɛ muala yɛliele yɛdole nu kɛ yɛmɛ yɛhɔbɔ nolo ne wɔ bɛdabɛ mɔɔ bɛnle Dwuuma la anu na bɛdabɛ noko bɛhɔ Dwuuma anu.