Ɛzoanvolɛma Gyima ne 28:3 - BAEBOLO ANZƐƐ BULUKU NWUANZANWUANZA

³ Pɔɔlo sesale ngeleka bie guale senle ne anu. Na senle ne wuluwulu ne hanle ɛyɛne ne la, ɛwɔlɛ bɔna vi nu vindele na ɔbebale Pɔɔlo asa.

Ɛzoanvolɛma Gyima ne 28:3 ပူးပေါင်းရင်းမြစ်များ

Dwobu Buluku ne 20:16

Ɔbanlo ndianwu bɔnyema; bɔna baha ye ahu ye.

Ayezaya Buluku ne 30:6

Nyamenle nrɛlaleɛ mɔɔ fane nane ne mɔ mɔɔ wɔ nyiakɛ ɛsɛlɛ ne azo lɔ la anwo la ɛne: “Bɛdua azɛlɛ mɔɔ nyane nee amaneɛnwunlɛ, awenade mbelɛ nee awenade nyinli, bɔna nee nwɔlɛ mɔɔ tu la wɔ zolɛ la avinli bɛfa anwonyia wɔ afunlumu nee asoaso zo bɛbɛlɛ menli mɔɔ bɛnnyia bɛ nwo zo nvasoɛ la.

Ayezaya Buluku ne 41:24

Bɛnlea, bɛnle ɛhwee, yɛɛ bɛ gyima le mgbane; mɔɔ kɛva bɛ la ɛbɔ munzule.

Ayezaya Buluku ne 59:5

Bɛbobɔ ɛwɔlɛ bɔna aholonvia, bɛnwo kɛdɛba ndendane; awie gelegele bɛ aholonvia ne mɔ bie anu a, ɛwɔlɛ ɛkyenlebenle a vi nu finde a yɛɛ mɔɔ kɛli bie la wu.

Emɔzo Buluku ne 5:19

Ɔbayɛ kɛ sonla mɔɔ ɛnriandi awenade na yehɔyia bedi la! Anzɛɛ sonla mɔɔ ɛhɔ ye sua nu, ɔhisa bane ne na yeva ɔ sa yedo bane ne azo na ɛwɔlɛ ɛha ye la!

Edwɛkpa ne kɛmɔ Mateyu hɛlɛle la 12:34

Bɛmɛ ɛkyelebenle mralɛ! Bɛnle kpalɛ la ati bɛngola bɛnga edwɛkɛ kpalɛ. Ɔluakɛ mɔɔ ɛyi ɛbulu zo wɔ bɛ ahonle ne mɔ anu la a finde bɛ nloa a.

Edwɛkpa ne kɛmɔ Mateyu hɛlɛle la 23:33

Nwɔlɛ! Ɛkyelebenle mralɛ! Bɛdwenle kɛ bɛnrɛbua bɛ ewule fɔlɛ bɛnrɛmaa bɛnrɛhɔ abɔnsam senle nu ɔ?

Edwɛkpa ne kɛmɔ Mateyu hɛlɛle la 3:7

Dwɔn nwunle kɛ menli dɔɔnwo vi Falasiima nee Sadusiima fane ne mɔ anu ɛlɛba bɛamaa bɛazɔne bɛ la, ɔzele bɛ kɛ, “Bɛmɛ nwɔlɛ! Nwane a zele bɛ kɛ bɛnriandi bɛvi Nyamenle ndeanlɛ ne mɔɔ bara la anwo ɛ?

Edwɛkpa ne kɛmɔ Maake hɛlɛle la 16:18

saa bɛsɔ nwɔlɛ nu anzɛɛ bɛno pɔezen a, debie biala ɛnrɛyɛ bɛ. Bɛbava bɛ sa bɛagua wuleravolɛma anwo zo, na bɛ nwo baza.”

Ɛzoanvolɛma Gyima ne 28:2

Bɔra ne azo amra lɛ ahunlunyele kpalɛ. Ɛnee ezule ne ɛlɛtɔ na ɛyɛlɛ wɔ nu la ati, bɛhuanle senle bɛmanle yɛ muala yɛdɛnlanle nwolɛ.

Ɛzoanvolɛma Gyima ne 28:4

Mɔɔ bɔra ne azo amra nwunle kɛ ɛwɔlɛ ne beba Pɔɔlo asa la, bɛdule bɛ nwo azukue kɛ, “Sonla ɛhye kɛyɛ kɔdiawu. Yemɔti yevi nyevile ye anu kɔlɔnwo bɔbɔ ɛdeɛ, noko ɔyɛ biala a ɔbawu.”

2 Kɔl 11:23

Saa bɛle Kelaese sonvolɛma a, ɛnee ɔkɛyɛ kɛ mezɛ bɔbɔ ɛdeɛ, noko mele sonvolɛ kpalɛ metɛla bɛ. Meyɛ gyima ɛsesebɛ kpalɛ, mela efiade fane dɔɔnwo medɛla bɛ, bɛbila me empele fane kɛyɛ nyɛ, yɛɛ mekɛ dɔɔnwo ne ala, ɔhale me nee ewule.

2 Kɔl 6:9

bɛyɛ kɛ bɛnze yɛ, noko bɛ muala bɛze yɛ; bɛfa yɛ kɛ yɛwu bɔbɔ a, bɛnlea, yɛtɛte aze. Saa bɛtwi yɛ nyunlu a, bɛtɛkunle yɛ.