Ɛzoanvolɛma Gyima ne 28:2 - BAEBOLO ANZƐƐ BULUKU NWUANZANWUANZA

² Bɔra ne azo amra lɛ ahunlunyele kpalɛ. Ɛnee ezule ne ɛlɛtɔ na ɛyɛlɛ wɔ nu la ati, bɛhuanle senle bɛmanle yɛ muala yɛdɛnlanle nwolɛ.

Ɛzoanvolɛma Gyima ne 28:2 ပူးပေါင်းရင်းမြစ်များ

Ɛzela Buluku ne 10:9

Na bɛdabɛ mɔɔ bɛwɔ Dwuda nee Bɛngyaman maanzinli ne mɔ anu la amuala rayiale Gyɛlusalɛm kenle nsa ne azo. Kenle ne le siane ngɔnla ne ye kenle mɔɔ tɔ zolɛ abulanwiɔ la. Na menli ne amuala dɛnlanle aze wɔ ɛleka kpatawienyi ne mɔɔ wɔ Nyamenle Sua ne anyunlu la. Edwɛkɛ ne anwo ahunlundetelɛ nee ezule mɔɔ ɛnee ɛlɛtɔ kpole la manle bɛ nwo wozole bɛ.

Sɛlɛ 19:18

Bɛmmadi nzenralɛ anzɛɛ bɛmmafa bɛdabɛ bɛ menli ne mɔ amra mrenya anwo edwɛkɛ bɛsie bɛ kunlu. Bɛhulo bɛ gɔnwo mɔ kɛ bɛdabɛ bɛ nwo; medame a mele Ɛdɛnkɛma a.

Sɛlɛ 19:34

Ɛyɛvolɛ mɔɔ bɛ nee ye a lua la bɛyɛ ye kɛmɔ bɛkɛyɛ bɛdabɛ bɛ nuhua bie ala la. Eza bɛhulo ye kɛ bɛdabɛ bɛ nwo la. Ɔluakɛ ɛnee bɛdabɛ bɛle nyɛvolɛ wɔ Yigyibiti azɛlɛ zo; medame a mele Ɛdɛnkɛma bɛ Nyamenle ne a.

Edwɛkpa ne kɛmɔ Mateyu hɛlɛle la 10:42

Na bɛhakye ɛhye: Awie biala mɔɔ kɛmaa ngakula ngyikyi ɛhye mɔ anu ko nzule fɔlɔdɔdɔ kanrɛlɛ ko bɔbɔ kɛnlo, kɛ ɔle me ɛdoavolɛ la, kɛnyia nwolɛ ahatualɛ somaa!”

Dw 18:18

Ɛnee maanle nu yɛ ɛyɛlɛ kpalɛ la ati, sonvolɛma nee sinzavolɛma ne ɛhua senle na bɛgyigyi nwo bɛlɛte. Pita ɔdaye noko ɔhɔgyinlanle bɛ nwo ɛkɛ ne kɛ ɔte senle ne bie.

Ɛzoanvolɛma Gyima ne 27:3

Aleɛ hyenle la yɛradwule Saedɛn. Dwuleɛse hilele ye ahunlunyele wɔ Pɔɔlo anwo. Ɔmanle ye adenle ɔmanle ɔhɔle ɔ gɔnwo mɔ anwo kɛ ɔhɔkpondɛ ninyɛne mɔɔ ɔbahyia nwolɛ la.

Ɛzoanvolɛma Gyima ne 28:3

Pɔɔlo sesale ngeleka bie guale senle ne anu. Na senle ne wuluwulu ne hanle ɛyɛne ne la, ɛwɔlɛ bɔna vi nu vindele na ɔbebale Pɔɔlo asa.

Ɛzoanvolɛma Gyima ne 28:4

Mɔɔ bɔra ne azo amra nwunle kɛ ɛwɔlɛ ne beba Pɔɔlo asa la, bɛdule bɛ nwo azukue kɛ, “Sonla ɛhye kɛyɛ kɔdiawu. Yemɔti yevi nyevile ye anu kɔlɔnwo bɔbɔ ɛdeɛ, noko ɔyɛ biala a ɔbawu.”

Wulo 1:14

Ɔluakɛ ɛzonlelilɛ la me nwo zo kɛ ɔwɔ kɛ mebɔ edwɛkɛ ne nolo mekile menli ngakyile kɔsɔɔti, bɛdabɛ mɔɔ bɛ nye ɛde nee bɛdabɛ mɔɔ bɛ nye ɛtɛtele, mɔɔ ze bie nee mɔɔ ɛnze bie la amuala.

Wulo 14:1

Mɔɔ ye diedi le ekyi la, bɛlie ye wɔ bɛ avinli, noko bɛ nee ye mmasu ye adwenle nu nzuzulɛ biala anwo kpolera.

Wulo 14:3

Mɔɔ di debie biala la mmakpo mɔɔ ɛnli debie biala la, yɛɛ mɔɔ di nya nya nee mbakama ala la mmabua mɔɔ di debie biala la ndɛne, ɔluakɛ Nyamenle ɛlie ye ɛdo nu.

Wulo 2:27

Zɔhane ati menli mɔɔ nwonane nu bɛtɛyɛle bɛ mrenyanu nzonlɛ, noko bɛdi mɛla ne azo la babua bɛdabɛ mɔɔ bɛyɛ bɛ mrenyanu nzonlɛ na bɛlɛ mɛla ne bɛ sa nu, na bɛtietia zolɛ la ndɛne.

1 Kɔl 14:11

Na saa mende aneɛ ne a, ɛnee ahenle mɔɔ ɛlɛka la le me nye zo ɛyɛvolɛ, yɛɛ medame noko mele ɔ nye zo ɛyɛvolɛ.

2 Kɔl 11:27

Meli gyima nee mgbelera dɔɔnwo; aleɛ dwo a nafelɛ ɛngɔ me nye zo; ɛhɔne nee nzuhɔne ku me; mekye ɛhɔne, ɛyɛlɛ ku me yɛɛ melɛ me nwo zɔ ɛlɛ.

Kɔlɔ 3:11

Zɔhane ati, ansolo bɛdabɛ mɔɔ bɛnle Dwuuma la nee Dwuuma, ansolo menli mɔɔ bɛyɛ bɛ mrenyanu nzonlɛ nee bɛdabɛ mɔɔ bɛtɛyɛle bɛ bie la, ansolo nyɛvolɛ, ansolo menli mɔɔ anye ɛtɛtele, ansolo ahanra, yɛɛ ansolo alehelɛ. Kelaese a le ninyɛne kpokpoti a. Kelaese wɔ ye kpokpoti anu.

Kɛlata mɔɔ bɛhɛlɛle bɛhɔmanle Hibuluma la 13:2

Bɛhakye kɛ bɛkɛlie nyɛvolɛ wɔ bɛ azua nu. Bie mɔ ɛyɛ bie zɔhane na bɛlie Nyamenle soanvolɛma wɔ bɛ azua nu mɔɔ bɛnze a.