Ɛzoanvolɛma Gyima ne 27:24 - BAEBOLO ANZƐƐ BULUKU NWUANZANWUANZA

²⁴ na ɔzele me kɛ, ‘Pɔɔlo, mmasulo, na ɔwɔ kɛ ɛgyinla Maanle Maanle belemgbunli ne anyunlu. Ɔlua zo Nyamenle ɛva bɛdabɛ mɔɔ bɛ nee wɔ lua nyevile ye anye la amuala ngoane ɛhyɛ wɔ.’

Ɛzoanvolɛma Gyima ne 27:24 ပူးပေါင်းရင်းမြစ်များ

Ɛzoanvolɛma Gyima ne 23:11

Kenle ko ne nɔe ne, Awulae ragyinlanle Pɔɔlo anwo ɛkɛ ne na ɔzele ye kɛ, “Gyinla kpundii! Wɔli me nwo daselɛ bɔkɔɔ wɔ Gyɛlusalɛm ɛke, na ɔwɔ kɛ ɛyɛ ye zɔhane noko wɔ Wulomu.”

Edwɛkpa ne kɛmɔ Mateyu hɛlɛle la 10:28

Bɛmmasulo bɛdabɛ mɔɔ bɛkola bɛku nwonane ne na bɛngola ɛkɛla ne ku la; bɛzulo Nyamenle mɔɔ kola nwonane ne nee ɛkɛla ne amuala ku, na ɔsɛkye bɛ wɔ ɛbolɔ senle nu la.

Gyemise Kɛlata ne 5:16

Yemɔti, bɛha bɛ ɛtane ne mɔ bɛhile bɛ nwo ngoko ngoko, na bɛzɛlɛ bɛmaa bɛ nwo ngoko ngoko, na bɛkɛde kpɔkɛ. Sonla tenlene biala nzɛlɛlɛ yɛ nla eza tumi wɔ nu.

Ɛzoanvolɛma Gyima ne 9:15

Awulae zele ye kɛ, “Wɔmɔ kɔ, na meye ye kɛ ɔrayɛ me sonvolɛ, ɔva me duma ɔhɔ bɛdabɛ mɔɔ bɛnle Dwuuma la anu nee arelemgbunli nee Yizilayɛma kɔsɔɔti anwo zo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:29

Ɛnee kɛ Nyamenle zile zɛkyele azuamgbole zɔhane mɔ mɔɔ wɔ bɔnza ne anu la ɛne. Noko ɔhakyele Ebileham, yemɔti ɔyele Lɔɔto ɔvile nu wɔ mekɛ mɔɔ ɔsɛkye azuamgbole mɔɔ Lɔɔto dɛnlanle zolɛ la.

Yekile 1:17

Menwunle ye la, mempɛle menfinle ɔ gyakɛ anu kɛ asɛɛ mewu la. Na ɔvale ɔ sa fema ne ɔdole me nwo zo na ɔzele me kɛ, “Mmasulo! Mame a mele alumua ne nee awieleɛ ne a.

Ɛzoanvolɛma Gyima ne 27:37

Yɛdayɛ mɔɔ ɛnee yɛwɔ ɛlɛne ne anu la yɛlua ɛya nwiɔ abulasuu nee nsia.

2 Arl 6:16

Yilaehya zele ye kɛ, “Mmasulo, ɛlɔnema mɔɔ nee yɛ lua la zonle tɛla bɛ.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:1

Ɛhye mɔ anzi, Ebilam dele Ɛdɛnkɛma edwɛkɛ ne wɔ ɛnyelɛzodeɛnwunlɛ nu kɛ, “Ebilam, mmasulo, na mebabɔ ɛ nwo bane. Wɔ ahatualɛ bayɛ kpole kpalɛ.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:2

Mebayila wɔ, meamaa wɔayɛ sonlakpole, ɛ bo zo amra adɛlɛ ayɛ maanle kpole, na ɛ nwo ayɛ aso.

Ɛzoanvolɛma Gyima ne 27:44

Menli noko mɔɔ hale la bie mɔ sesale ndaboa mɔɔ wɔ ɛlɛne ne anu, mɔɔ ɛlɛtudu ahɔ la bie, bie mɔ noko sosɔle ɛlɛne ne abɛta abɛta ne mɔɔ ɛdudu la anu bɛvole bɛbutubutule zolɛ. Ɛnee kɛ yɛyɛle mɔɔ yɛ muala yɛholale aze dwu la ɛne.

Ɛzoanvolɛma Gyima ne 25:11

Saa medo mɛla bie mɔɔ maa mefɛta ewule a menzulo kɛ bɛkɛhu me. Na saa nɔhalɛ biala ɛnle bɛ ɛzonledonlɛ ne anu ɛdeɛ a, ɛnee noko ɔnle kɛ awie biala ye me maa bɛ. Zɔhane ati medo me edwɛkɛ ne memaa Maanle Maanle belemgbunli ne.”

Ɛzoanvolɛma Gyima ne 19:21

Ɛhye anzi, akee Pɔɔlo yɛle ye adwenle kɛ ɔkɔ Masidonea nee Akaya (Giliki maanle nu) na yeava lɔ yeahɔ Gyɛlusalɛm, na ɔhanle ɔzɔle zolɛ kɛ, “Saa mevi ɛkɛ a mebahɔ Wulomu noko.”

Dw 11:9

Gyisɛse buale bɛ kɛ, “Dɔnehwele bulu nee nwiɔ a wɔ alehyenlɛ ko anu a. Yemɔti saa sonla tudu agyakɛ wɔ alehyenlɛ nu a ɔmkpula, ɔboalekɛ maanle nu le wienyi.

Edwɛkpa ne kɛmɔ Mateyu hɛlɛle la 10:18

yɛɛ eza bɛbahwe bɛ bɛahɔ maanle mgbanyima nee arelemgbunli nyunlu wɔ me ti, na bɛabɔ Edwɛkpa ne nolo bɛahile bɛ nee bɛdabɛ mɔɔ bɛnle Dwuuma la.

Maeka Buluku ne 5:7

Akee Gyekɔbo abo zo amra mɔɔ hale la bayɛ kɛ ɛbɔlɛ mɔɔ Ɛdɛnkɛma ɛlɛmaa yeadɔ, nee kyɛngyɛne mɔɔ ɛlɛgugua ndile zo la; bɛngendɛ sonla yɛɛ bɛngendɛ awie biala.

1 Arl 17:13

Yilaegya zele kunlanvolɛ raalɛ ne kɛ, “Mmadwenle nwolɛ. Wɔmɔ kɔnlea yɛ mɔɔ wɔha la. Noko akee dumua te ekyi doa tata maa me kolaa na wɔado ɛ nee ɛ ra nrenya ne bɛ ɛdeɛ ne.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 46:3

Na Nyamenle zele ye kɛ, “Medame Nyamenle, mɔɔ le ɛ ze mɔ Nyamenle ne la ɔ. Mmasulo kɛ ɛkɛhɔ Yigyibiti, ɔluakɛ mebayɛ wɔ maanle wɔ ɛkɛ ne.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:23

Yeanvane nrenya ne mɔɔ nea pilizama anwo zo la anwo kɛ ɔkɛnlea debie mɔɔ bɛvale bɛwulale Dwosefi asa anu la, ɔboalekɛ ɛnee Ɛdɛnkɛma nee ye a lua a, yɛɛ debie biala mɔɔ ɔyɛle la, Ɛdɛnkɛma manle ɔyɛle kpalɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:5

Dwosefi ati Ɛdɛnkɛma yilale Yigyibitinli ne nee ye awuke ne, ɔvi mekɛ mɔɔ Pɔtefaa yɛle ye kpanyinli kɛ ɔnlea ye awuke ne nee debie biala mɔɔ ɔlɛ la azo la. Nyilalɛ ne bie hanle Pɔtefaa debie biala mɔɔ ɔlɛ la nee ye ɛya avule ne mɔ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 30:27

Leeban buale ye kɛ, “Saa ɛkɛmaa me adenle a anrɛɛ meha ɛhye, menwu kɛ ɔlua wɔmɔ ɛ ti, Ɛdɛnkɛma ɛyila me.

Daneɛle Buluku ne 2:24

Akee Daneɛle hɔle sinzavolɛma kpanyinli Aleɔko mɔɔ belemgbunli ɛva nrɛlɛbɛvolɛma mɔɔ bɛku bɛ wɔ Babelɔn la ɛhunlɛ ne ɛwula ɔ sa nu la ɛkɛ na ɔhanle ɔhilele ye kɛ, “Mmaku Babelɔn nrɛlɛbɛvolɛma ne; wɔmɔ fa me kɔ belemgbunli anyunlu na mebahile ye ɛlalɛ ne abo.”

Ɛzoanvolɛma Gyima ne 27:31

Pɔɔlo hanle hilele sogya kpanyinli ne kɛ, “Saa gyimayɛvoma ne mɔ andɛnla ɛlɛne ye anu a yɛ nuhua ko bɔbɔ ɛnrɛha.”

Ɛzoanvolɛma Gyima ne 27:42

Sogyama ne yɛle kɛ bɛku pilizama mɔɔ wɔ ɛlɛne ne anu la amuala, amaa bie anweɛ anvo file zo na yeanriandi.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:22

Eza kpondɛ dabelɛ sie me, ɔboalekɛ melɛ anyelazo kɛ Nyamenle badie bɛ muala bɛ nzɛlɛlɛ amaa meazia me nee bɛ aradɛnla.

Dwobu Buluku ne 35:8

Wɔ amumuyɛ ne mɔ ka sonla mɔɔ le kɛ ɛdawɔ la, yɛɛ wɔ tenleneyɛlɛ ka sonla ala.

Gyɛlɛmaya Awolɛyelɛ 3:57

Menvɛlɛle wɔ la ɛbikyele me, ɛzele me kɛ, ‘Mmasulo!’