Ɛzoanvolɛma Gyima ne 27:23 - BAEBOLO ANZƐƐ BULUKU NWUANZANWUANZA

²³ Nɔe, Nyamenle ne mɔɔ mele ye ɛdeɛ na mesonle ye la soanvolɛ rale me nwo ɛke,

Ɛzoanvolɛma Gyima ne 27:23 ပူးပေါင်းရင်းမြစ်များ

Edwɛndolɛ Buluku ne 116:16

O Ɛdɛnkɛma, mele wɔ sonvolɛ; mele wɔ sonvolɛ, wɔ sonvolɛ raalɛ ara nrenya. Wɔzianyi me nwɔnzɔnwɔnzɔ ne.

Edwɛndolɛ Buluku ne 135:4

Ɔluakɛ Ɛdɛnkɛma ɛkpa nu ɛye Gyekɔbo ɛmaa ɔ nwo, yeva Yizilayɛ yeyɛ ye ɛdeɛ.

Edwɛndolɛ Buluku ne 143:12

Wɔ ɛhulolɛ kpundii ne ati, bɔ me kpɔvolɛma gua, na sɛkye bɛdabɛ mɔɔ bɛkyi me la amuala, ɔluakɛ mele wɔ sonvolɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:5

Yemɔti saa bɛtie me ne na bɛdi me ngyekyeleɛ ne azo a, bɛbayɛ me ɛdeɛ wɔ maanle maanle kɔsɔɔti avinli, ɔluakɛ azɛlɛ ne kɔsɔɔti le me ɛdeɛ.

Sɔlɔmɔn Edwɛne 2:16

Me kulovolɛ ne le me ɛdeɛ, yɛɛ mele ye ɛdeɛ, ɔfa ye nyɛmoa ɔkɔ adidi wɔ aloa avinli.

Sɔlɔmɔn Edwɛne 6:3

Me kulovolɛ ne le me ɛdeɛ, yɛɛ mele ye ɛdeɛ; ɔmaa ye nyɛmoa didi aloa ne mɔ avinli.

Ayezaya Buluku ne 44:21

O Gyekɔbo abo zo amra, bɛhakye ninyɛne ɛhye mɔ; Yizilayɛma, bɛle me sonvolɛma. Medame a membɔle bɛ a, bɛle me sonvolɛma. Me rɛle ɛnrɛvi bɛ ɛlɛ.

Ayezaya Buluku ne 44:5

“Ɛhye baha kɛ, ‘Mele Ɛdɛnkɛma ɛdeɛ;’ ko bava Gyekɔbo duma ado ɔ nwo zo, yɛɛ ko noko bahɛlɛ, ‘Ɛdɛnkɛma ɛdeɛ ɔ’ yeagua ɔ sa anwo, na yeava Yizilayɛ duma yeazɔ ye duma ne azo.”

Gyɛlɛmaya Buluku ne 31:33

Ngyekyeleɛ ne mɔɔ me nee Yizilayɛma bayɛ la ɛne: Mebava me mɛla ne meawula bɛ nuhua, mebahɛlɛ ye bɛ ahonle nu; mebayɛ bɛ Nyamenle, na bɛdabɛ noko bɛayɛ me menli.

Gyɛlɛmaya Buluku ne 32:38

Bɛbayɛ me menli, na meayɛ bɛ Nyamenle.

Yizikeɛle Buluku ne 36:38

Mebamaa bɛ azuamgbole mɔɔ yɛle azuadu la azo ayɛ menli gbudugbudu, kɛmɔ azubɔlɛ mekɛ dwu a Gyɛlusalɛm yɛ mboane ngome la. Na akee bɛanwu kɛ medame a mele Ɛdɛnkɛma a.”

Daneɛle Buluku ne 3:17

Saa ɔba ye zɔhane a, Nyamenle ne mɔɔ yɛsonle ye la kola die yɛ fi sendɔlɔra ne anu, yɛɛ ɔbalie yɛ yeavi ɛ sa nu.

Daneɛle Buluku ne 3:26

Belemgbunli Nɛbukadenɛza dudule agyakɛ bikyele sendɔlɔra ne na ɔzele kɛ, “Hyeedelake, Mihyake, Abɛdenɛgo, Anwuma Anwuma Nyamenle sonvolɛma, bɛvinde bɛrɛla!” Yemɔti Hyeedelake, Mihyake, yɛɛ Abɛdenɛgo vi sendɔlɔra ne anu vindele rale.

Daneɛle Buluku ne 3:28

Belemgbunli Nɛbukadenɛza zele kɛ, “Ayɛlɛyelɛ ɛha Hyeedelake, Mihyake, yɛɛ Abɛdenɛgo Nyamenle ne. Ye sonvolɛma ne dule bɛ gye kɛ bɛnrɛli me mɛla ne azo, yɛɛ bɛnrɛdu bɛnrɛgua bɛnrɛzonle nyamenle biala kɛ bɛ Nyamenle ɛdeɛ ne ala. Bɛliele bɛ Nyamenle ne bɛlile na bɛvale bɛ nwonane bɛdole nzeleba, na amgba Nyamenle ɛzoa ye soanvolɛ yemaa yeralie bɛ.

Daneɛle Buluku ne 6:16

Ɔlua ɛhye ati belemgbunli ne manle bɛhɔvale Daneɛle bɛrale na bɛvuandinle ye bɛdole awenade ne mɔ tunli ne anu. Belemgbunli ne zele Daneɛle kɛ, “Wɔ Nyamenle ne mɔɔ ɛsonle ye dahuu la ɛlie wɔ ngoane!”

Daneɛle Buluku ne 6:20

Ɔbikyele tunli ne la ɔvale abodelɛ ɔdeanle nuhua kɛ, “Tease Nyamenle ne sonvolɛ Daneɛle! Asoo wɔ Nyamenle ne mɔɔ ɛsonle ye dahuu la ɛhola ɛlie wɔ ɛvi awenade ne mɔ asa anu?”

Daneɛle Buluku ne 6:22

Me Nyamenle ne zoanle ye soanvolɛ manle ɔratotole awenade ne mɔ anloa anu, yemɔti bɛanva bɛ nloa bɛanga me. Ɔluakɛ medi benle wɔ me Nyamenle ne anyunlu yɛɛ medi benle wɔ ɛdawɔ noko ɛ nyunlu. Nana, metɛyɛle ɛtane biala.”

Zɛkalaya Buluku ne 13:9

Ekpunli ko ne mɔɔ tɔ zolɛ nsa bɔbɔ la, mebagua bɛ senle nu meadu bɛ nuhua, kɛmɔ bɛtu dwɛtɛ fufule nu la, na meazɔ bɛ meanlea, kɛmɔ bɛsɔ ezukoa nvutuke bɛnea la. Bɛbabɔ me duma bɛavɛlɛ me, na mebalie bɛ zo. Mebaha kɛ, ‘Bɛle me menli’ na bɛbaha kɛ, ‘Ɛdɛnkɛma le me Nyamenle.’ ”

Malakae Buluku ne 3:17

Tumivolɛ Ɛdɛnkɛma se, “Bɛbayɛ me ɛdeɛ. Bɛbayɛ me agyadeɛ mɔɔ anwo hyia a, wɔ kenle mɔɔ menwɔha me nwo la. Mebanwu bɛ anwunvɔne, kɛmɔ sonla nwu ɔ ra mɔɔ sonle ye la anwunvɔne la.

Dw 12:26

Awie mɔɔ kpondɛ kɛ ɔsonle me la ɔwɔ kɛ toa me bo zo, amaa ɛleka mɔɔ mewɔ la, me sonvolɛ ne ɔdaye yeara ɛkɛ ne, yɛɛ Egya bawula mɔɔ sonle me la anyunlunyia.

Ɛzoanvolɛma Gyima ne 12:23

Na arɛlevilɛ nu ala Awulae soanvolɛ rabɔle Hɛlɔdo dole aze manle ɔ nwo dole ye, ɔlɔle azonlɛ na ɔwule, ɔluakɛ yeanva anyunlunyia yeammaa Nyamenle.

Ɛzoanvolɛma Gyima ne 16:17

Ɔdoale yɛ nee Pɔɔlo na ɔlile yɛ nzi ɔdeɛdeanle nu kɛ, “Anwuma Anwuma Nyamenle ne sonvolɛma, mɔɔ bɔ ngoanelielɛ adenle ne anwo nolo la ɛne!”

Ɛzoanvolɛma Gyima ne 18:9

Kenle ko nɔɔzo Pɔɔlo nwunle Awulae wɔ ɛlalɛ nu kɛ ɔlɛka yeahile ye kɛ, “Pɔɔlo, mmasulo; kɔ zolɛ ka Edwɛkpa ne, mmagyakyi

Ɛzoanvolɛma Gyima ne 23:11

Kenle ko ne nɔe ne, Awulae ragyinlanle Pɔɔlo anwo ɛkɛ ne na ɔzele ye kɛ, “Gyinla kpundii! Wɔli me nwo daselɛ bɔkɔɔ wɔ Gyɛlusalɛm ɛke, na ɔwɔ kɛ ɛyɛ ye zɔhane noko wɔ Wulomu.”

Ɛzoanvolɛma Gyima ne 5:19

Na kenle ko ne nɔe ne, Awulae soanvolɛ rabukele efiade ne nlenkɛ ne mɔ na ɔvale bɛ ɔvindele na ɔzele bɛ kɛ,

Ɛzoanvolɛma Gyima ne 8:26

Awulae soanvolɛ dendɛle zele Felepe kɛ, “Kɔ nyiakɛ nehane, wɔ Gyɛlusalɛm nee Gaza adenle ne azo.” (Adenle ɛhye la ɛsɛlɛ zo; ɛnɛ bɛnva zolɛ.)

Wulo 1:1

Medame Pɔɔlo, mɔɔ mele Kelaese Gyisɛse akɛlɛ, na Nyamenle ɛvɛlɛ me kɛ membanyɛ ɛzoanvolɛ na yeze me kɛ membɔ ye Edwɛkpa ne nolo la a melɛkɛlɛ kɛlata ɛhye a.

Wulo 1:9

Nyamenle ne mɔɔ medua ɔ Ra ne anwo Edwɛkɛ Kpalɛ ne nolobɔlɛ zo mefa me ahonle muala mesonle ye la di me daselɛ kɛ mɔɔ melɛka la le nɔhalɛ. Nyamenle ze kɛ dahuu mekakye bɛ

Wulo 6:22

Na kɛkala, bɛye bɛ bɛvi ɛtane nu na bɛrayɛ Nyamenle ahanra, bɛ nvasoɛ a le bɛ ɛbɛla mɔɔ bɛte nwolɛ na bɛadu bɛ nwo bɔkɔɔ bɛamaa ye, na ɔlua zo bɛanyia ngoane mɔɔ ɛnlɛ awieleɛ la.

1 Kɔl 6:20

Ɔdɔle bɛ bolɛ ɛsesebɛ. Yemɔti, bɛva bɛ sonlabaka ne bɛde Nyamenle anyunlu.

Mɛla 32:9

Ɛdɛnkɛma ɛkpɔ ɛdeɛ a le ye menli ne, Gyekɔbo a le ye afoa nu agyadeɛ a.

2 Tem 1:3

Meyɛ Nyamenle ne mɔɔ mesonle ye nɔhalɛ nu, kɛmɔ me nlenya mɔ yɛle la mo kɛ mekakye wɔ wɔ me nzɛlɛlɛ nu alehyenlɛ nee aledwolɛ biala a.

2 Tem 2:24

Ɔnle kɛ Awulae sonvolɛ biala di butule. Ɔwɔ kɛ ɔyɛ atiakunlukɛnlɛma ɔmaa awie biala, na ɔyɛ kilehilevolɛ kpalɛ mɔɔ lɛ abotane a.

2 Tem 4:17

Awulae gyinlanle me nzi, na ɔmanle me anwosesebɛ. Zɔhane ati mengolale membɔle Edwɛkpa ne nolo memanle bɛdabɛ mɔɔ bɛnle Dwuuma la amuala dele bie; na Nyamenle yele me vile awenade ne anloa anu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:1

Medame Pɔɔlo, mɔɔ mele Nyamenle sonvolɛ nee Gyisɛse Kelaese ɛzoanvolɛ la yɛɛ melɛkɛlɛ kɛlata ɛhye a. Bɛyele me na bɛzoanle me kɛ mengɔmboa Nyamenle menli ne mɔɔ yekpa nu yeye bɛ la wɔ bɛ diedi nu, na mengilehile bɛ memaa bɛnwu nɔhalɛ ne mɔɔ wɔ yɛ nyamenlezonlenlɛ ne anu la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Kɛlata mɔɔ bɛhɛlɛle bɛhɔmanle Hibuluma la 1:14

Ɛnee Nyamenle soanvolɛma a le nwane mɔ? Bɛmɛ a le sunsum bie mɔ mɔɔ sonle Nyamenle na ɔsoɔzoa bɛ ɔmaa bɛkɔboa bɛdabɛ mɔɔ ɔwɔ kɛ bɛnyia ngoane la.

Yekile 22:16

“Medame Gyisɛse, yɛɛ mezoa me soanvolɛ kɛ ɔrabɔ ɛhye mɔ nolo ɔhile bɛ wɔ asɔne ne mɔ ati a. Mele Devidi anlɔnra; mame a mele nwonlomɔ ɛwɔlɔra ne mɔɔ ta kpole la a.”