Ɛzoanvolɛma Gyima ne 27:17 - BAEBOLO ANZƐƐ BULUKU NWUANZANWUANZA

¹⁷ Bɛkpogyale ye na bɛsosɔle ye nyɛma. Bɛzulole kɛ bɛkɛhɔnwe Lebea ese ne azo la ati, bɛdwulale avela ne mɔ na bɛgyakyile nu kɛ anwoma ne ɛkpa ye ɛhɔ ɛleka biala mɔɔ ɔkulo la.

Ɛzoanvolɛma Gyima ne 27:17 ပူးပေါင်းရင်းမြစ်များ

Ɛzoanvolɛma Gyima ne 27:16

Ɔkpale yɛ ɔhɔluale bɔra ekyi bie mɔɔ bɛfɛlɛ ye Kɔda la aze, na yɛbɔle mɔdenle yɛziele ɛlɛne ekyi ne mɔɔ wɔ ɛlɛnemgbole ne anu la boɛ.

Ɛzoanvolɛma Gyima ne 27:26

Noko akee ahumu ne bakpa yɛ ahɔnwe bɔra bie ɛnweanloa.”

Ɛzoanvolɛma Gyima ne 27:29

Bɛzulole kɛ yɛ ɛlɛne ne kɛhɔfofo bolɛ bie azo la ati, bɛdwulale sɛkɛ nna azule nu na yɛzɛlɛle alehyenlɛ.

Ɛzoanvolɛma Gyima ne 27:40

Yemɔti bɛpɛle sɛkɛ ne mɔ amuala anu na bɛzianyinle nyɛma ne mɔɔ lɛ ɛlɛne ne kotogyampa ne anu la. Bɛvolale avela ne mɔɔ wɔ ɛlɛne ne ati la bɛmanle anwoma ne vale ye hɔle aze.

Ɛzoanvolɛma Gyima ne 27:41

Na ɛlɛne ne hɔdɔle ɛsa nu; ɔ ti ne minle ɛnwea ne anu mɔɔ bɛtu ye a ɔnyɛ boɛ fee a, na nyevile azɛlɛkye ne bule zile ɔ bo ne bubule ye.