Ɛzoanvolɛma Gyima ne 27:1 - BAEBOLO ANZƐƐ BULUKU NWUANZANWUANZA

¹ Nzinlii mɔɔ bɛyɛle adwenle kɛ akee ɔwɔ kɛ yɛkɔ Yetale la, bɛvale Pɔɔlo nee pilizama bie mɔ mɔɔ boka nwolɛ la bɛwulale Dwuleɛse mɔɔ le sogya kpanyinli wɔ Wulomu Maanle Maanle belemgbunli ne sogyama ne anu la asa anu.

Ɛzoanvolɛma Gyima ne 27:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 50:20

Bɛmɛ ɛdeɛ, ɛnee bɛkpondɛ me nee munzule, na Nyamenle kpondɛle me nee saleɛ, amaa yeara ye zɔhane na mealie menli dɔɔnwo ngoane, kɛmɔ ɛnɛ bɛde la.

Edwɛndolɛ Buluku ne 33:11

Ɛdɛnkɛma ngyehyɛlɛ ne wɔ ɛkɛ ne dahuu, ɔbɔ kpɔkɛ a ɔka awolɛndoazo kɔsɔɔti.

Edwɛndolɛ Buluku ne 76:10

Sonla ɛyavalɛ wie Nyamenle ayɛlɛyelɛ ɛyavalɛ nee konle ne anzi, bɛdabɛ mɔɔ bɛkɛha la bali wɔ eni.

Mrɛlɛbulɛ Buluku ne 19:21

Sonla adwenle ngyehyɛlɛ zonle dɔɔnwo, noko mɔɔ Ɛdɛnkɛma kɛhyehyɛ la a bali munli a.

Gyɛlɛmaya Awolɛyelɛ 3:27

ɔle kpalɛ kɛ sonla kɛgyɛnva ye gyɛnvayile ne ye mgbavolɛ nu.

Daneɛle Buluku ne 4:35

Aleɛabo amra amuala ɛnzɔho ɛhwee ɔ nye zo; ɔyɛ debie biala mɔɔ ɔkulo la wɔ anwuma amra nee aze amra avinli. Awie ɛngola ɛndua ye yɛɛ awie ɛngola ɛmbiza ye kɛ, ‘Duzu a ɛlɛyɛ la?’

Edwɛkpa ne kɛmɔ Mateyu hɛlɛle la 27:54

Mɔɔ sogyama ne nee bɛ kpanyinli ne mɔɔ ɛnee ɛlɛsinza Gyisɛse la nwunle azɛlɛ ɛkpusulɛ ne nee ninyɛne mɔɔ sisile la, bɛzulole kpole na bɛzele kɛ, “Amgba, nrenya ne le Nyamenle Ara!”

Edwɛkpa ne kɛmɔ Luku hɛlɛle la 23:47

Sogya kpanyinli ne nwunle mɔɔ ɛzi la, na ɔyele Nyamenle ayɛlɛ ɔhanle kɛ, “Amgba, nrenya ne ati anu fufule!”

Edwɛkpa ne kɛmɔ Luku hɛlɛle la 7:2

Wulomu sogya kpanyinli bie mɔɔ wɔ ɛkɛ ne la lɛ ye sonvolɛ ko mɔɔ ɔkulo ye edwɛkɛ kpole kpalɛ a. Akɛlɛ ɛhye anwo ɛdo ye na ɔlɛdie adenle yeawu.

Ɛzoanvolɛma Gyima ne 10:1

Nrenya bie wɔ Sizalia, bɛfɛlɛ ye Kɔnileɛse. Ɔle Wulomu Ɛlɔne ekpunli ne mɔɔ bɛfɛlɛ ye “Yetalea” la safohyenle.

Ɛzoanvolɛma Gyima ne 10:22

Bɛbuale ye kɛ, “Safohyenle Kɔnileɛse a ɛzoa yɛ a. Ɔle sonlakpalɛ somaa, ɔsulo Nyamenle, yɛɛ Dwuuma amuala bu ye bie kpalɛ. Ɛkenle Nyamenle soanvolɛ bie zele ye kɛ ɔrava wɔ ɔhɔ ye sua nu, na ɔdie mɔɔ ɛlɛ ye ɛka wɔahile ye la.”

Ɛzoanvolɛma Gyima ne 16:10

Mɔɔ Pɔɔlo nwunle zɛhae debie la, yɛbɔle kpɔkɛ kɛ Nyamenle yɛɛ ɛvɛlɛ yɛ kɛ yɛhɔbɔ Edwɛkpa ne nolo yɛhile menli mɔɔ wɔ ɛkɛ ne la a, ɛhye ati yɛhuohuanle yɛ nwo na yɛhɔle Masidonea maanzinli nu.

Ɛzoanvolɛma Gyima ne 18:2

Ɔhɔdole Dwuunli bie mɔɔ bɛfɛlɛ ye Akoyela na bɛwole ye wɔ Pɔntɛse maanzinli nu la kɛ bɔ zo mɔɔ ɔ nee ɔ ye Pelesela bɛvi Yetale bɛra a, ɔluakɛ ɛnee Belemgbunli Kolɔdeɛse ɛha kɛ Dwuuma mɔɔ wɔ Wulomu la amuala vi maanle ne anu ɛdu. Pɔɔlo hɔle bɛ nwo,

Ɛzoanvolɛma Gyima ne 19:21

Ɛhye anzi, akee Pɔɔlo yɛle ye adwenle kɛ ɔkɔ Masidonea nee Akaya (Giliki maanle nu) na yeava lɔ yeahɔ Gyɛlusalɛm, na ɔhanle ɔzɔle zolɛ kɛ, “Saa mevi ɛkɛ a mebahɔ Wulomu noko.”

Ɛzoanvolɛma Gyima ne 21:32

Yemɔti sogyama kpanyinli ne vale ye sogya mgbanyinli ne bie mɔ nee sogyama hanle bɛ nwo waa hɔle ɛlɔne ne anu. Mɔɔ menli ne mɔ nwunle sogyama kpanyinli ne nee sogyama mɔɔ doa ye la, bɛgyakyile Pɔɔlo ɛbolɛ.

Ɛzoanvolɛma Gyima ne 22:26

Sogya kpanyinli ne dele ɛhye la, ɔhɔle sogyama kpanyinli ne ɛkɛ ne na ɔhɔbizale ye kɛ, “Duzu debie a ɛlɛyɛ la? Nea, sonla ne le Wulomunli.”

Ɛzoanvolɛma Gyima ne 23:11

Kenle ko ne nɔe ne, Awulae ragyinlanle Pɔɔlo anwo ɛkɛ ne na ɔzele ye kɛ, “Gyinla kpundii! Wɔli me nwo daselɛ bɔkɔɔ wɔ Gyɛlusalɛm ɛke, na ɔwɔ kɛ ɛyɛ ye zɔhane noko wɔ Wulomu.”

Ɛzoanvolɛma Gyima ne 23:17

Na Pɔɔlo vɛlɛle sogya kpanyinli ko na ɔzele ye kɛ, “Fa kpavolɛ ye kɔ sogyama kpanyinli ne ɛkɛ na ɔlɛ edwɛkɛ ɔka yeahile ye.”

Ɛzoanvolɛma Gyima ne 24:23

Akee ɔzele sogya kpanyinli ne mɔɔ Pɔɔlo wɔ ɔ sa nu la kɛ ɔnlea ye boɛ, na ɔmaa ɔnyia adenle ɔkpundi ɔ nwo, na ɔmaa ɔ gɔnwo mɔ adenle ɔmaa bɛva ninyɛne mɔɔ ɔhyia nwo la bɛrɛlɛ ye.

Ɛzoanvolɛma Gyima ne 25:12

Fɛsetɛse nee ye mgbanyima ne mɔ hanle bɛ ti kpulale nwolɛ, na Fɛsetɛse buale Pɔɔlo kɛ, “Saa wɔdo wɔ edwɛkɛ ne wɔmaa Maanle Maanle belemgbunli ne a ɛnee ɛkɛ ne ala a ɛkɛhɔ a.”

Ɛzoanvolɛma Gyima ne 25:25

Me afoa nu ɛdeɛ, menleɛnlea edwɛkɛ ne anu la menwu kɛ ɔtɛyɛle debie mɔɔ maa ɔfɛta ewule a. Na kɛmɔ ɔdaye mumua ne ɔse ɔfa ye edwɛkɛ ne yeahɔ Maanle Maanle belemgbunli ne anyunlu la, meyɛ kɛ memaa bɛava ye bɛahɔ.

Ɛzoanvolɛma Gyima ne 27:11

Na sogya kpanyinli ne adwenle hɔle ɛlɛne menle ne nee mɔɔ nea zo la ɛdeɛ ne mɔɔ bɛhanle la anu, na ɔgyakyile mɔɔ Pɔɔlo hanle la.

Ɛzoanvolɛma Gyima ne 27:43

Na kɛmɔ ɛnee sogya kpanyinli ne kulo kɛ ɔdie Pɔɔlo ngoane la ati, yeamkponle zolɛ. Ɔzele bɛ kɛ bɛdabɛ mɔɔ bɛze weɛ la ɛweɛ ɛhɔ file zo.

Ɛzoanvolɛma Gyima ne 27:6

Ɛkɛ yɛɛ sogya kpanyinli ne nyianle ɛlɛne bie mɔɔ vi Alɛzandelea ɛlɛkɔ Yetale la, na ɔvale yɛ ɔhɔvole nuhua.

Ɛzoanvolɛma Gyima ne 28:1

Mɔɔ yɛradwule aze la yɛdele kɛ bɔra ne mɔɔ yɛra zo la bɛfɛlɛ ye Mɔleta.

Ɛzoanvolɛma Gyima ne 28:16

Mɔɔ yɛdwule Wulomu la, bɛmanle Pɔɔlo adenle kɛ ɔdaye ɔ ngome ɔhɔdɛnla, na bɛyele sogyanli ko kɛ ɔ nee ye ɛhɔdɛnla na ɔzinza ye.

Kɛlata mɔɔ bɛhɛlɛle bɛhɔmanle Hibuluma la 13:24

Yɛbiza bɛ mgbanyima ne nee Nyamenle menli ne mɔ amuala ahye. Mediema mɔɔ vi Yetale ɛra ɛke la se bɛbiza bɛ ahye.