Ɛzoanvolɛma Gyima ne 26:6 - BAEBOLO ANZƐƐ BULUKU NWUANZANWUANZA

⁶ Kɛkala megyi ɛke kɛ bɛdi me edwɛkɛ, ɔluakɛ melɛ anyelazo wɔ Nyamenle ɛwɔkɛ ne mɔɔ ɔbɔle yɛ nlenya mɔ la anu.

Ɛzoanvolɛma Gyima ne 26:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:3

Mebayila bɛdabɛ mɔɔ bɛyila wɔ la, Na meamaa munzule ado mɔɔ kɛzuzu munzule kɛmaa wɔ la; Na ɔlua ɛ nwo zo nyilalɛ aha maanle maanle kɔsɔɔti mɔɔ wɔ ewiade la.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:18

na ɛ bo zo amra anwo zo yɛɛ maanle maanle mɔɔ wɔ ewiade la balua anyia nyilalɛ a, ɔboalekɛ wɔdie me ne.’ ”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:4

Mebamaa ɛ bo zo amra ayɛ dɔɔnwo kɛ anwomanyunlu nwɔlɔra. Mebava azɛlɛ ɛhye mɔ amuala meamaa ɛ bo zo amra, na ɛ bo zo amra anwo zo yɛɛ maanle maanle kɔsɔɔti mɔɔ wɔ ewiade la balua anyia nyilalɛ a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:15

Mebava ɛkpɔlɛ meado wɔ nee raalɛ ne, nee ɛ ra nee raalɛ ne ara avinli. Raalɛ ne ara bagelegele ɛ ti na ɛdawɔ wɔaha ɔ gyakɛ anzi.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:10

Belemgbunlililɛ ɛnrɛvi Dwuda sua nu, Yɛɛ mɛlalilɛma ɛnrɛkpa ye belemgbunli ebia bo, Kɔkpula kɛ ɔkɛdwu mɔɔ lɛ ye la ɛkɛ ne. Maanle maanle kɔsɔɔti badie ye.

Edwɛndolɛ Buluku ne 132:11

Ɛdɛnkɛma bɔle Devidi ɛwɔkɛ, na ɔnrɛhakyi ɔ nloa ɛlɛ. Ɔse, “Ɛ mra mrenya ne mɔ mɔɔ wɔwo bɛ la anu ko yɛɛ mebava meazie wɔ ebia ne azo a.

Edwɛndolɛ Buluku ne 132:17

Ɛke a mebamaa Devidi abo zo amra ne mɔ ko adwazo ayɛ belemgbunli kpole a, na mebazinza mɔɔ mekpa nu meye ye belemgbunli la.

Edwɛndolɛ Buluku ne 98:2

Ɛdɛnkɛma ɛmaa ye konimlilɛ ne ɛla ali wienyi; yemaa maanle maanle kɔsɔɔti ɛnwu ye konimlilɛ ne.

Ayezaya Buluku ne 4:2

Mekɛ ne anu Ɛdɛnkɛma mbaka ne mɔ ngane bayɛ mgbole ngɛnlɛma. Yizilayɛma mɔɔ baha la anye balie mbaka ne nee bɛ nzoleɛ ne mɔ anwo.

Ayezaya Buluku ne 7:14

Yemɔti Awulae ɔdaye ɔbamaa wɔ sɛkɛlɛneɛ. Bɛnlea, kakula bɛlɛra banrenzɛ yeawo ralɛ nrenya, na yeado ye Yimanoɛle.

Yizikeɛle Buluku ne 21:27

Munzule o, munzule! Mebamaa munzule ado suakpole ne na meayɛ ye suadu. Noko ɛhye ɛnrɛzi, kyesɛ ahenle mɔɔ ɔle ye ɛdeɛ la ba, na yemɔ yɛɛ mebava meamaa ye a.

Yizikeɛle Buluku ne 37:24

Me sonvolɛ Devidi bali bɛ belemgbunli anlea bɛ nwo zo, na bɛ muala bɛanyia mboaneneavolɛ kokye. Bɛbali me ngyehyɛlɛ ne mɔ anzi na bɛanlea bɛali me mɛla ne mɔ azo.

Hozia Buluku ne 3:5

Ɛhye anzi Yizilayɛma bazia ara Ɛdɛnkɛma bɛ Nyamenle ne, nee bɛ belemgbunli Devidi ɛkɛ. Bɛbava ɛzulolɛ bɛazia bɛara Ɛdɛnkɛma ɛkɛ wɔ ye kpalɛyɛlɛ ne ati.

Dwowɛle Buluku ne 2:32

Na ɔbara kɛ bɛdabɛ mɔɔ bɛkɛvɛlɛ Ɛdɛnkɛma la bɛbalie bɛ ngoane, ɔluakɛ wɔ Zayɔn Boka nee Gyɛlusalɛm, bie mɔ bavi ɛsalɛ, kɛmɔ Ɛdɛnkɛma ɛha la, na bɛdabɛ mɔɔ bɛbaha la anu yɛɛ bɛdabɛ mɔɔ Ɛdɛnkɛma bavɛlɛ bɛ la wɔ a.”

Obadaya Buluku ne 1:21

Katakyiema bahɔyia Zayɔn Boka, na bɛaho bɛava Yisɔ Boka. Na medame Ɛdɛnkɛma, mebali bɛ nwo zo belemgbunli.”

Maeka Buluku ne 5:2

Na Ɛdɛnkɛma hanle kɛ, “Na wɔmɔ, O Bɛtelɛhɛm Ɛfelata, ɛle sua ekyi kpalɛ wɔ Dwuda maanle ne anu, noko wɔ nuhua yɛɛ awie vi bara, aragyinla me gyakɛ anu, na yeazie Yizilayɛma amuala a. Ye abusua ɛlɔnwɔne ne abo vi tete.”

Maeka Buluku ne 7:20

Ɛbahile wɔ nɔhalɛlilɛ ne nee wɔ ɛhulolɛ kpundii ne mɔɔ ɛlɛ ye wɔ yɛ nlenya mɔ, Gyekɔbo nee Ebileham anwo la wɔ bɛ bo zo amra anwo zo, kɛmɔ wɔ ɛwɔkɛ ne mɔɔ ɛbɔle la de la.

Zɛkalaya Buluku ne 13:1

“Mekɛ ne anu bɛbabuke nzufeanvea bɛava bɛanrinzi Devidi abo zo amra nee Gyɛlusalɛmma amuala ɛtane nee evinli biala bɛagua.

Zɛkalaya Buluku ne 13:7

Tumivolɛ Ɛdɛnkɛma se, “Dwazo, konle dadeɛ, dwazo ku me mboaneneavolɛ ne, ku ahenle ne mɔɔ gyi me nwo ɛke la. Bɔ mboaneneavolɛ ne ku ye maa mboane ne mɔ ɛbɔ asande. Medame mebava me sa meazie ngyikyi ne mɔ anwo.

Zɛkalaya Buluku ne 6:12

na ka kile ye kɛ, ‘Tumivolɛ Ɛdɛnkɛma se: Bɛnlea, sonla ne mɔɔ ye duma a le Baka Ɛhane la ɛne. Ɔbakpazi wɔ ɛleka mɔɔ ɔde la na yeazi Ɛdɛnkɛma Ɛzonlenlɛ Sua ne.

Zɛkalaya Buluku ne 9:9

O Zayɔnoma, bɛmaa bɛ nye ɛlie! O Gyɛlusalɛmma, bɛdea nu kpole kpalɛ! Bɛnlea, bɛ belemgbunli ne ɛlɛba bɛ ɛkɛ; ɔlɛba ye konimlilɛ nu. Ɔle bɛlɛvo yɛɛ ɔde asoaso zo, asoaso ralɛ zo.

Malakae Buluku ne 3:1

Tumivolɛ Ɛdɛnkɛma se, “Nea, mebazoa me ɛbɔfoɔ meamaa yeahɔziezie adenle ne anu yeamaa me. Na arɛlevilɛ nu ala bɛbanwu Awulae ne mɔɔ bɛlɛkpondɛ ye la kɛ ɔlɛkɔ Ɛzonlenlɛ Sua ne anu. Ngyekyeleɛ ne anwo ɛbɔfoɔ ne mɔɔ bɛ nye la ye ade la ɛlɛba.”

Malakae Buluku ne 4:2

Na bɛmɛ mɔɔ bɛsulo me la, pɛlepɛle sɛnzɛne mɔɔ le ayile la badudu bɛ nwo zo. Na bɛbavinde wienyi nu na bɛawuluwulu kɛ nlankɛ mralɛ mɔɔ bɛye bɛ bɛvi tunli nu la.

Ɛzoanvolɛma Gyima ne 23:6

Mɔɔ Pɔɔlo nwunle kɛ menli mɔɔ ɛrayia la bie mɔ boka Sadusiima fane ne anwo na foa ko dɔɔnwo noko boka Falasiima fane ne anwo la, ɔdeanle nu ɔzele kɛ, “Mediema Yizilayɛma! Mele Falasiinli, yɛɛ Falasiinli a wole me a. Bɛ nee me ɛra ɛke kɛ bɛbali me edwɛkɛ, ɔboalekɛ melɛ anyelazo kɛ bɛbadwazo mɔwuamra bɛara ngoane nu bieko.”

Ɛzoanvolɛma Gyima ne 24:15

Me anyelazo mɔɔ melɛ wɔ Nyamenle anu la le kɛ mɔɔ bɛdabɛ bɛlɛ ye ala la, kɛ menli kɔsɔɔti, ɛtanevolɛma nee kpalɛyɛlɛma badwazo ara ngoane nu.

Ɛzoanvolɛma Gyima ne 24:21

Bɛannwu ɛhwee kɛ edwɛkɛ kpɔkɛ ko ne ala mɔɔ menganle wɔ mekɛ mɔɔ megyi bɛ nyunlu wɔ bagua ne anu la kɛ, ‘Bɛva me bɛra bɛ nyunlu ɛke, ɔluakɛ medie medi kɛ bɛbadwazo mɔwuamra bɛara ngoane nu bieko.’ ”

Ɛzoanvolɛma Gyima ne 26:8

Na duzu ati yɛɛ bɛmɛ Dwuuma bɛnlie bɛnli kɛ Nyamenle badwazo mɔwuamra ɛ?

Ɛzoanvolɛma Gyima ne 28:20

Ɛhye ati yɛɛ mevɛlɛ bɛ kɛ me nee bɛ badendɛ a. Ɔluakɛ, ɔlua sonla ne mɔɔ Yizilayɛma lɛ anyelazo wɔ ye nu la ati yɛɛ bɛgua me nwɔnzɔnwɔnzɔ a.”

Ɛzoanvolɛma Gyima ne 3:24

Eza Nyamenle kpɔmanvolɛma, Samoɛle nee bɛdabɛ mɔɔ bɛli ɔ nzi la amuala, biala hanle mekɛ ɛhye anwo edwɛkɛ.

Wulo 15:8

Ɔluakɛ meka meahile bɛ kɛ Kelaese yɛle ɔ nwo sonvolɛ wɔ Dwuuma ati, vale hilele kɛ Nyamenle di nɔhalɛ, kɛ ɔkɛmaa ye ɛwɔkɛ ne mɔɔ ɔbɔle yɛ nlenya mɔ la kɛyɛ zɔhane,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:4

Na mɔɔ mekɛ ne dwule la, Nyamenle zoanle ɔ Ra ne manle ɔrale ewiade. Raalɛ a nrenzɛle Ralɛ ɛhye a, na ɔwole ye ɔdole Dwuuma maamɛla ne anu,

Mɛla 18:15

Ɛdɛnkɛma bɛ Nyamenle ne bamaa ye kpɔmanvolɛ mɔɔ le kɛ medame la avinde bɛ avinli. Ɔbaye ye yeavi bɛdabɛ bɛ mediema ne mɔ avinli, na yemɔ yɛɛ ɔwɔ kɛ bɛtie ye a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:13

yɛva yɛhendɛ saleɛ Kenle ne mɔɔ yɛ nye la ye adenle wɔ melɛ mɔɔ yɛ Nyamenle bedevinli ne nee Ngoanedievolɛ Gyisɛse Kelaese bɛ anyunlunyia ne kɛra la.