Ɛzoanvolɛma Gyima ne 26:31 - BAEBOLO ANZƐƐ BULUKU NWUANZANWUANZA

³¹ Bɛvindele la, bɛhanle bɛhilele bɛ nwo kɛ, “Sonla ɛhye ɛtɛyɛle debie mɔɔ fɛta kɛ bɛku ye anzɛɛ bɛto ye efiade bɔbɔ a.”

Ɛzoanvolɛma Gyima ne 26:31 ပူးပေါင်းရင်းမြစ်များ

2 Sam 24:17

Mɔɔ Devidi nwunle Nyamenle soanvolɛ ne mɔɔ ɛlɛkuhu menli ne mɔ la, ɔzɛlɛle Ɛdɛnkɛma kɛ, “Mame, meze kɛ meyɛ ɛtane na mebɔ munzule, na mboane ɛhye mɔ, duzu a bɛyɛ a? Mesɛlɛ wɔ, maa wɔ ndeanlɛ ne ɛyɛ me ngome nee egya awuke nu amra ɛdeɛ.”

Gyɛlɛmaya Buluku ne 26:16

Mgbanyima ne nee menli ne mɔ amuala hanle hilele sɛlɛvolɛma nee Nyamenle kpɔmanvolɛma ne mɔ kɛ, “Ɔnle kɛ bɛku nrenya ɛhye, ɔboalekɛ yelua Ɛdɛnkɛma yɛ Nyamenle ne duma nu a yedendɛ yehile yɛ a.”

Edwɛkpa ne kɛmɔ Luku hɛlɛle la 23:4

Paelɛte zele sɛlɛvolɛ mgbanyinli ne nee menli dɔɔnwo ne kɛ, “Mennwu ɛtane biala mɔɔ nrenya ye ɛyɛ a.”

Ɛzoanvolɛma Gyima ne 23:29

Na menwunle kɛ ɔtɛyɛle debie mɔɔ fɛta ɛhunlɛ anzɛɛ efiade ɛdolɛ bɔbɔ a. Bɛ ɛzonledonlɛ ne fane bɛdabɛ bɛ mɛla nwo.

Ɛzoanvolɛma Gyima ne 23:9

Bɛdeanle kpalɛ, na mɛla kilehilevolɛma bie mɔ mɔɔ boka Falasiima fane ne anwo la dwazole hanle kɛ, “Yɛnnwu ɛtane biala wɔ sonla ne anwo! Ɔkɛyɛ zɔhane kɛ Nyamenle soanvolɛ bie anzɛɛ sunsum bie ɛdendɛ ɛhile ye amgba.”

Ɛzoanvolɛma Gyima ne 25:25

Me afoa nu ɛdeɛ, menleɛnlea edwɛkɛ ne anu la menwu kɛ ɔtɛyɛle debie mɔɔ maa ɔfɛta ewule a. Na kɛmɔ ɔdaye mumua ne ɔse ɔfa ye edwɛkɛ ne yeahɔ Maanle Maanle belemgbunli ne anyunlu la, meyɛ kɛ memaa bɛava ye bɛahɔ.

Ɛzoanvolɛma Gyima ne 28:18

Bɛnleɛnleanle me edwɛkɛ ne anu la ɛnee bɛnnwu debie biala mɔɔ meyɛ mɔɔ fɛta ɛhunlɛ a.

1 Pit 3:16

noko anrɛɛ bɛva bɛtɛɛyɛlɛ amaa saa awie mɔ keha bɛ nwo edwɛkɛ ɛtane ɛtane a, bɛ subane kpalɛ ne, kɛmɔ bɛle Kelaese ɛdoavolɛma na bɛdi boɛ la agua menli zɔhane mɔ anyunlu aze.