Ɛzoanvolɛma Gyima ne 26:29 - BAEBOLO ANZƐƐ BULUKU NWUANZANWUANZA

²⁹ Pɔɔlo buale ye kɛ, “Saa mekɛ ekyi nu o, saa mekɛ tendenle nu o, me nzɛlɛlɛ a le kɛ anrɛɛ Nyamenle amaa ɛdawɔ nee bɛdabɛ mɔɔ bɛlɛtie me ɛnɛ la amuala ayɛ ye sonvolɛma kɛ medame la, mɔɔ nwɔnzɔnwɔnzɔ ye ɛmboka nwolɛ a.”

Ɛzoanvolɛma Gyima ne 26:29 ပူးပေါင်းရင်းမြစ်များ

2 Sam 18:33

Nyane hanle belemgbunli ne kpole kpalɛ. Ɔhɔle ekpumgbunli ne mɔɔ wɔ anuhɔlɛ kpole ne ati zo la anu na ɔhɔzunle. Mɔɔ ɔkɔ kɔsɔɔti la ɛnee ɔlɛsu kɛ, “O me ra Abesalɛm, me ra, me ra Abesalɛm! Ɛnee ɛmmaa mame menwu, o me ra, me ra Abesalɛm.”

2 Arl 5:3

Kenle ko kakula bɛlɛra ne zele ɔ menle raalɛ ne kɛ, “Saa me menle kɛhɔ Nyamenle kpɔmanvolɛ ne mɔɔ wɔ Samɛlea la anwo lɔ a, anrɛɛ ɔbayɛ ye kokobɛ ne ayile.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:3

Bɛzele Mosisi nee Aalɔn kɛ, “Ɔle kpalɛ kɛ anrɛɛ Ɛdɛnkɛma hunle yɛ wɔ Yigyibiti azɛlɛ zo. Ɛkɛ ne, yɛdɛnlanle aze yɛlile nane nee aleɛ yɛ ko yile tɛkɛɛ. Bɛva yɛ bɛragua fienemgbole ye anu bɛmaa ɛhɔne ahu menli pemgbenleamgbe ɛhye.”

Gyɛlɛmaya Buluku ne 13:17

Na saa bɛnrɛdie me ne a, mebavea meazu wɔ bɛ adubɛnwo ne ati, mebaye awolɛ meahwi monle kpalɛ, ɔboalekɛ bɛhye Ɛdɛnkɛma menli ne nuokɛ.

Gyɛlɛmaya Buluku ne 38:20

Gyɛlɛmaya hanle kɛ, “Bɛnrɛye wɔ bɛnrɛmaa bɛ. Wɔmɔ tie edwɛkɛ mɔɔ Ɛdɛnkɛma ɛva ɛzoa me, mɔɔ melɛka meahile wɔ la na ɔbayɛ boɛ yeamaa wɔ, bɛnrɛhu wɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:29

Na Mosisi bizale ye kɛ, “Ɛtwe me ti nungule ɔ? Me kunlu a anrɛɛ Ɛdɛnkɛma ɛva ye Sunsum ne ɛwula ye menli ne nu yemaa bɛ kɔsɔɔti bɛyɛ Nyamenle kpɔmanvolɛma!”

Dw 5:34

Tɛ kɛ asɛɛ mekpondɛ sonla daselɛ la ati ɔ; meka ɛhye amaa bɛalie bɛ ngoane.

Ɛzoanvolɛma Gyima ne 12:6

Nɔe ne mɔɔ ɛnee aleɛ kye a Hɛlɔdo kɛye Pita kɛmaa menli ne la, ɛnee Pita la sogyama nwiɔ mɔɔ ɛlɛsinza ye la avinli, na bɛva nwɔnzɔnwɔnzɔ nwiɔ bɛgua ye, na bɛva bɛsosɔ sogyama nwiɔ ne, yɛɛ eza sogyama bie mɔ noko gyigyi anlenkɛ ne anloa ɛlɛsinza.

Ɛzoanvolɛma Gyima ne 21:33

Sogyama kpanyinli ne hɔzɔle Pɔɔlo, na ɔmanle bɛvale nwɔnzɔnwɔnzɔ nwiɔ bɛguale ye. Akee ɔbizale kɛ, “Na nwane a le ɛhye, yɛɛ duzu ɛtane a yeyɛ a?”

Ɛzoanvolɛma Gyima ne 25:14

Na nzinlii mɔɔ bɛlile kenle ekyi wɔ ɛkɛ ne la Fɛsetɛse hanle Pɔɔlo edwɛkɛ ne hilele belemgbunli ne kɛ, “Filekese gyakyile awie bie wɔ efiade ɛkɛ.

Wulo 10:1

Me mediema, me kunlu a anrɛɛ bɛlie me menli ne kɔsɔɔti ngoane. Na ɛhye ati mefa me ahonle muala mesɛlɛ Nyamenle wɔ nwolɛ dahuu.

1 Kɔl 4:8

Bɛ sa ɛdɔ bɛ kunlu! Bɛnyia bɛ nwo bɛwie! Bɛhoane yɛ nwo bɛyɛ arelemgbunli! Me kunlu bɔbɔ a anrɛɛ bɛle arelemgbunli amgba, amaa yɛ nee bɛ ali bɛ mbia ne mɔ.

1 Kɔl 7:7

Me kunlu a anrɛɛ bɛ muala bɛle kɛ mɔɔ mede la; noko Nyamenle ɛmaa awie biala ɔ ti anwo ahyɛlɛdeɛ, asolo biala ɛdeɛ.

2 Kɔl 11:1

Me kunlu a anrɛɛ saa mele kɔnwɔne bɔbɔ a, bɛkɛva me zɔ. Mebodo bɛ, bɛyɛ ye zɔhane.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:20

Edwɛkpa ne ati a mela efiade a, noko mele nwolɛ ɛbɔfoɔ. Bɛzɛlɛ kɛ menwɔva akɛnrasesebɛ menwɔha Edwɛkpa ne kɛmɔ ɔfɛta la.

Kɔlɔ 1:28

Yemɔti yɛbɔ Kelaese ɛhye anwo nolo yɛkile awie biala, yɛkilehile bɛ na yɛbɔ bɛ kɔkɔ nrɛlɛbɛ nu, amaa yɛava ko biala yɛara Nyamenle anyunlu kɛ sonla mɔɔ di munli, na ɔ nee Kelaese a lua a.