Ɛzoanvolɛma Gyima ne 26:20 - BAEBOLO ANZƐƐ BULUKU NWUANZANWUANZA

²⁰ Na menlumuale menganle ye wɔ Dɛmasekɛse nee Gyɛlusalɛm yɛɛ Dwudiya maanle ne mɔ amuala anu, nee maanle maanle mɔɔ ɛmboka Dwuuma anwo la anu, kɛ bɛnlu bɛ nwo na bɛzia bɛrɛla Nyamenle ɛkɛ, na bɛbɔ ɛbɛla mɔɔ kile kɛ bɛnlu bɛ nwo la.

Ɛzoanvolɛma Gyima ne 26:20 ပူးပေါင်းရင်းမြစ်များ

Edwɛndolɛ Buluku ne 22:27

Ewiade amra amuala bahakye Ɛdɛnkɛma na bɛazia bɛara ɔ nwo ɛkɛ; maanle maanle kɔsɔɔti badu agua ɔ nyunlu azonle ye.

Ayezaya Buluku ne 55:7

bɛmaa amumuyɛnli ne ɛgyakyi ɛtaneyɛlɛ, na mɔɔ ɛndwenle kpalɛ nwo la ɛgyakyi; bɛmaa ɔzia ɔrɛla Ɛdɛnkɛma ɛkɛ, amaa Ɛdɛnkɛma aze ye anwunvɔne, bɛmaa ɔzia ɔrɛla yɛ Nyamenle ne ɛkɛ, na Nyamenle bava ye ɛtane ahyɛ ye.

Gyɛlɛmaya Buluku ne 18:11

Yemɔti ka kile Dwudama nee Gyɛlusalɛmma kɛ medame Ɛdɛnkɛma, mese: Melɛdwenle nwolɛ mearazɛkye bɛ. Awie biala ɛhwe ɔ nwo ɛvi ye nyɛleɛ ɛtane nwo na ɔhakyi ye subane nee ye nyɛleɛ.

Gyɛlɛmaya Buluku ne 35:15

Mezoa me sonvolɛma, Nyamenle kpɔmanvolɛma bɛ nwo mekɛ dɔɔnwo kɛ bɛraze bɛ kɛ, ‘Bɛgyakyi nyɛleɛ ɛtane ɛtane ne mɔ; awie biala ɛhakyi ye subane. Bɛmmakɔdi nyamenle gyɛne gyɛne nzi bɛsonle bɛ, na bɛkɛdɛnla azɛlɛ ne mɔɔ menvale memanle bɛ nee bɛ ze mɔ la azo.’ Noko bɛandie me ne.

Gyɛlɛmaya Awolɛyelɛ 3:40

Bɛmaa yɛnlea yɛ ɛbɛlabɔlɛ nu boɛ, na yɛzia yɛrɛla Ɛdɛnkɛma ɛkɛ.

Hozia Buluku ne 12:6

Yemɔti, Gyekɔbo abo zo amra, bɛ Nyamenle ne moalɛ ti, bɛzia bɛrɛla na bɛzɔ ɛhulolɛ nee pɛlepɛlelilɛ nu kpundii na bɛhendɛ bɛ Nyamenle ne dahuu.

Hozia Buluku ne 14:2

Bɛzia bɛhɔ Ɛdɛnkɛma ɛkɛ na bɛva nzɛlɛlɛ ɛhye bɛdo ɔ nyunlu: “Fa yɛ ɛtane kɔsɔɔti kyɛ yɛ; die mɔɔ le kpalɛ la, na yɛbaye wɔ ayɛlɛ.

Edwɛkpa ne kɛmɔ Mateyu hɛlɛle la 3:2

“Bɛnlu bɛ nwo na Anwuma Belemgbunlililɛ ne ɛbikye!”

Edwɛkpa ne kɛmɔ Mateyu hɛlɛle la 3:8

Bɛbɔ ɛbɛla kpalɛ mɔɔ kile kɛ bɛnlu bɛ nwo la.

Edwɛkpa ne kɛmɔ Mateyu hɛlɛle la 4:17

Ɔvi mekɛ zɔhane Gyisɛse bɔle ɔ bo kɛ ɔbɔ nolo kɛ, “Bɛnlu bɛ nwo na Anwuma Belemgbunlililɛ ne ɛbikye!”

Edwɛkpa ne kɛmɔ Mateyu hɛlɛle la 9:13

Bɛhɔ bɛhɔkpondɛ Nyamenle Edwɛkɛ ɛhye abo: ‘Mekulo anwunvɔnezelɛ, na tɛ nane azubɔlɛ ɔ.’ Meamba menli mɔɔ ɛkpazi la ɛvɛlɛlɛ; membale bɛdabɛ mɔɔ awie ɛmbu bɛ bie la ɛvɛlɛlɛ!”

Edwɛkpa ne kɛmɔ Maake hɛlɛle la 6:12

Yemɔti bɛzile nu bɛhɔle na bɛbɔle nolo kɛ menli ɛnlu bɛ nwo.

Edwɛkpa ne kɛmɔ Luku hɛlɛle la 1:16

Na ɔbahwe Yizilayɛma dɔɔnwo yeamaa bɛazia bɛara Awulae bɛ Nyamenle ne ɛkɛ.

Edwɛkpa ne kɛmɔ Luku hɛlɛle la 13:3

Ɔnle zɔhane. Meka meahile bɛ, saa bɛdabɛ noko bɛanzia bɛanvi bɛ ɛtane ne mɔ anwo a, bɛ muala bɛbawu kɛ menli zɔhane mɔ ala la.

Edwɛkpa ne kɛmɔ Luku hɛlɛle la 13:5

Ɔnle zɔhane. Na meka meahile bɛ, saa bɛdabɛ noko bɛanzia bɛanvi bɛ ɛtane ne mɔ anwo a, bɛ muala bɛbawu kɛ menli zɔhane mɔ ala la.”

Edwɛkpa ne kɛmɔ Luku hɛlɛle la 15:10

Meka meahile bɛ kɛ, zɔhane ala yɛɛ Nyamenle soanvolɛma di fɛlɛko wɔ ɛtanenli ko mɔɔ kɛnlu ɔ nwo la anwo a.”

Edwɛkpa ne kɛmɔ Luku hɛlɛle la 15:7

Meka meahile bɛ kɛ zɔhane ala yɛɛ anyelielɛ kɛra anwuma lɔ wɔ ɛtanevolɛ ko mɔɔ kɛnlu ɔ nwo la anwo kɛdɛla menli abulahɔnla nee ngɔnla mɔɔ di boɛ na bɛngyia anlubɛnwo la a.

Ɛzoanvolɛma Gyima ne 11:18

Bɛdele ɛhye la, bɛgyakyile bɛ nvefenu ne na bɛyeyɛle Nyamenle bɛzele kɛ, “Nyamenle ɛmaa bɛdabɛ mɔɔ bɛnle Dwuuma la noko adenle kɛ bɛnlu bɛ nwo na bɛnyia ngoane mɔɔ ɛnlɛ awieleɛ.”

Ɛzoanvolɛma Gyima ne 15:19

Gyemise hɔle zolɛ zele kɛ, “Me adwenle a le kɛ, ɔnle kɛ yɛta bɛdabɛ mɔɔ bɛnle Dwuuma na bɛhakyi bɛlɛba Nyamenle ɛkɛ ne la anye zo.

Ɛzoanvolɛma Gyima ne 17:30

Nyamenle bule ɔ nye guale zo wɔ mekɛ mɔɔ ɛnee menli ɛnze la. Kɛkala, ɔlɛka yeahile menli kɔsɔɔti mɔɔ wɔ ɛleka biala la kɛ bɛnlu bɛ nwo wɔ bɛ ninyɛndane nwo.

Ɛzoanvolɛma Gyima ne 2:38

Pita zele bɛ kɛ, “Bɛnlu bɛ nwo na bɛgyakyi ɛtane ɛyɛlɛ, na bɛmaa bɛzɔne bɛ wɔ Gyisɛse Kelaese duma nu, amaa bɛava bɛ ɛtane bɛahyɛ bɛ na bɛanyia Nyamenle ahyɛlɛdeɛ ne, mɔɔ le Sunsum Nwuanzanwuanza ne.

Ɛzoanvolɛma Gyima ne 20:21

Mengakyele Dwuuma nee bɛdabɛ mɔɔ bɛnle Dwuuma la amuala kɛ bɛnlu bɛ nwo wɔ bɛ ɛtane ne mɔ mɔɔ bɛyɛ bɛtia Nyamenle la anwo na bɛlie yɛ Awulae Gyisɛse bɛli.

Ɛzoanvolɛma Gyima ne 26:17

Mebalie wɔ meavi Dwuuma nee bɛdabɛ mɔɔ bɛnle Dwuuma mɔɔ mebazoa wɔ bɛ avinli la asa anu.

Ɛzoanvolɛma Gyima ne 26:19

“Ɛhye ati, Belemgbunli Agelepa, meanyɛ anzosesebɛ wɔ anwuma ɛnyelɛzodeɛnwunlɛ ɛhye anwo.

Ɛzoanvolɛma Gyima ne 3:19

Zɔhane ati bɛnlu bɛ nwo na bɛzia bɛrɛla Nyamenle ɛkɛ, amaa yeava bɛ ɛtane ne mɔ amuala yeahyɛ bɛ,

Ɛzoanvolɛma Gyima ne 9:15

Awulae zele ye kɛ, “Wɔmɔ kɔ, na meye ye kɛ ɔrayɛ me sonvolɛ, ɔva me duma ɔhɔ bɛdabɛ mɔɔ bɛnle Dwuuma la anu nee arelemgbunli nee Yizilayɛma kɔsɔɔti anwo zo.

Ɛzoanvolɛma Gyima ne 9:35

Menli mɔɔ wɔ Leda nee Hyɛlɔn la nwunle nrenya ne na bɛhakyile bɛdoale Awulae.

Wulo 2:4

Anzɛɛ ɛmbu ye kpalɛyɛlɛ totohyia ne nee ye abotane ne bie ɔ? Ɛnze kɛ Nyamenle atiakunlukɛnlɛmayɛlɛ ne wɔ ɛkɛ ne, ɔlɛkile wɔ yeamaa wɔanlu ɛ nwo ɔ?

2 Kɔl 3:16

Na saa sonla twe bikye Awulae a, bɛkɛye ɛdanlɛ ne ɔ ti zo.

2 Kɔl 7:10

Ɔluakɛ nyanelilɛ mɔɔ Nyamenle ze nuhua la maa sonla nu ɔ nwo na ɔnyia ngoane, ɔmmaa ɔnvu ɔ nwo; ewiade ye anu nyanelilɛ maa ewule.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:17

Mekakye bɛ wɔ Awulae duma nu; bɛmmabɔ bɛ ɛbɛla kɛ awozonle ɛzonlenlɛma la bieko mɔɔ bɛndwenle adwenle kpalɛ a.

1 Tɛs 1:9

Menli zɔhane mɔ ka kɛ bɛzile bɛliele yɛ wɔ mekɛ mɔɔ yɛrale bɛ nwo lɔ la. Bɛka kɛ bɛzile bɛhwenle bɛ nwo bɛvile bɛ mmonle ngakyile ne mɔ anwo, bɛhɔle Nyamenle ɛkɛ na bɛzonlenle nɔhalɛ nee tease Nyamenle ne la.

Yekile 16:11

Bɛbɔle anwuma Nyamenle ne sasa wɔ bɛ nganlɛ ne mɔ nee bɛ abodelɛ ne ati, noko bɛannu bɛ nwo bɛangyakyi ninyɛndane ɛyɛlɛ.

Yekile 2:21

Memanle ye mekɛ kɛ ɔva ɔnlu ɔ nwo, noko ɔngulo kɛ ɔkɛgyakyi ye adwɔmane ɛbɛla ne.

Yekile 2:5

Ɛdawɔ nea na nwu wɔ aze mɔɔ wɔdɔ la. Nu ɛ nwo na twe ɛ nwo fi wɔ ɛtane ne mɔ mɔɔ wɔyɛ la anwo, na yɛ mɔɔ alumua ne ɛyɛle la. Saa wɔannu ɛ nwo, wɔangyakyi ɛtane ɛyɛlɛ a mebara mearaye wɔ kɛnlaneɛ baka ne meavi ɔ bo zo ne.

Yekile 3:3

Zɔhane ati, kakye mɔɔ bɛhilehile wɔ nee mɔɔ ɛdele la, di zolɛ, na nu ɛ nwo. Saa wɔanyɛ ɛ nye gyɛlɛmgbɛɛnye a, mebara ɛ nwo zo kɛ awule, na ɛnrɛnwu mekɛ ko ne mɔɔ mebava meara la.