Ɛzoanvolɛma Gyima ne 26:16 - BAEBOLO ANZƐƐ BULUKU NWUANZANWUANZA

¹⁶ Na dwazo gyinla ɛ gyakɛ anu. Meye me nwo mehile wɔ, amaa meayɛ wɔ me sonvolɛ na wɔali me nwo daselɛ wɔ mɔɔ wɔnwu ye ɛnɛ, nee mɔɔ nzinlii mebaye meahile wɔ la amuala anwo.

Ɛzoanvolɛma Gyima ne 26:16 ပူးပေါင်းရင်းမြစ်များ

Yizikeɛle Buluku ne 2:1

Ɔzele me kɛ, “Sonla ra, dwazo gyinla ɛ gyakɛ anu, na me nee wɔ tendɛ.”

Daneɛle Buluku ne 10:11

Na ɔzele me kɛ, “O Daneɛle mɔɔ Nyamenle kulo wɔ a, dwazo gyinla ɛ gyakɛ anu na tie mɔɔ melɛka meahile wɔ la, ɔboalekɛ bɛzoa me ɛ nwo ɛke.” Mɔɔ ɔ nloa wɔ zolɛ ɔlɛka edwɛkɛ ɛhye yeahile me la, mendwazole mengyinlanle; ɛnee me nwo tɛwozo me.

Edwɛkpa ne kɛmɔ Luku hɛlɛle la 1:2

Bɛhɛlɛle ninyɛne mɔɔ bɛdabɛ mɔɔ mɔlebɛbo ne bɛnwunle ye bɛ nye zo na bɛbɔle ye nolo la hanle hilele yɛ la.

Ɛzoanvolɛma Gyima ne 1:17

Ɔluakɛ ɛnee Dwudase boka yɛ nwo wɔ gyima ɛhye anu.”

Ɛzoanvolɛma Gyima ne 1:25

maa ɔrayɛ wɔ ɛzoanvolɛ, ɔli gyima ne mɔɔ Dwudase gyakyile ziele ahane hɔle ye ɛdeɛ nu la.”

Ɛzoanvolɛma Gyima ne 20:24

Noko me ngoane ɛdeɛ, mendwenle nwolɛ, amaa meahola meawie Awulae Gyisɛse gyima ne mɔɔ yeva yemaa me kɛ membɔ Edwɛkpa ne mɔɔ fane Nyamenle ɛlolɛ ne anwo la nolo.

Ɛzoanvolɛma Gyima ne 21:19

Pɔɔlo bizale ahye na ɔhanle gyima mɔɔ Nyamenle ɛlua ɔ nwo zo ɛli wɔ bɛdabɛ mɔɔ bɛnle Dwuuma la avinli la amuala ɔhilele bɛ.

Ɛzoanvolɛma Gyima ne 22:10

Na membizale kɛ, ‘Awulae, duzu a menyɛ a?’ Na Awulae zele me kɛ, ‘Dwazo na kɔ Dɛmasekɛse, na ɛkɛ ne yɛɛ bɛbaha debie mɔɔ Nyamenle ɛhyehyɛ kɛ ɔmaa wɔayɛ la bɛahile wɔ a.’

Ɛzoanvolɛma Gyima ne 23:11

Kenle ko ne nɔe ne, Awulae ragyinlanle Pɔɔlo anwo ɛkɛ ne na ɔzele ye kɛ, “Gyinla kpundii! Wɔli me nwo daselɛ bɔkɔɔ wɔ Gyɛlusalɛm ɛke, na ɔwɔ kɛ ɛyɛ ye zɔhane noko wɔ Wulomu.”

Ɛzoanvolɛma Gyima ne 26:15

Na membizale ye kɛ, ‘Awulae, na ɛdawɔ nwane ɔ?’ Na Awulae zele kɛ, ‘Mame a mele Gyisɛse mɔɔ ɛlɛyɛ me kpɔdekpɔde la.

Ɛzoanvolɛma Gyima ne 6:4

amaa yɛdayɛ noko yɛanyia mekɛ yɛayɛ nzɛlɛlɛ nee Edwɛkpa ne ɛhanlɛ gyima ne.”

Wulo 1:5

Ɔ nwo zo yɛɛ ɔlua mɔɔ Nyamenle ɛlo yɛ ɛmaa merayɛ ɛzoanvolɛ a, amaa menli kɔsɔɔti alie ye duma ne ali na bɛadie ye.

Wulo 15:16

kɛ mele Kelaese Gyisɛse akɛlɛ mɔɔ ɔwɔ kɛ yɛ gyima wɔ menli mɔɔ ɛnle Dwuuma la avinli. Mesonle kɛ sɛlɛvolɛ mɔɔ ɔwɔ kɛ mebɔ Edwɛkpa ne mɔɔ vi Nyamenle ɛkɛ ne la nolo, amaa bɛdabɛ mɔɔ bɛnle Dwuuma la ayɛ azubɔdeɛ mɔɔ Sunsum Nwuanzanwuanza ne a ɛde nwolɛ na ɔsɔ Nyamenle anye la.

2 Kɔl 4:1

Nyamenle ɛlolɛ nu ala yɛɛ yeva gyima ɛhye yewula yɛ sa nu a, zɔhane ati yɛ rɛle ɛmbɔ.

2 Kɔl 5:18

Nyamenle a ɛyɛ ɛhye amuala a, na yelua Kelaese anwo zo yeyɛ yɛ ɔ gɔnwo mɔ, yɛɛ yemaa yɛ gyima kɛ yɛdayɛ noko yɛhwe menli yɛrayɛ bɛ ɔ gɔnwo mɔ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:12

Meanlie meanvi awie lɔ, yɛɛ tɛ awie a hilehilele me a. Gyisɛse Kelaese ɔdaye mumua ne a yele hilele me a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:2

Mengɔle, ɔluakɛ ɛnee Nyamenle ɛye ɛhile me kɛ ɔwɔ kɛ mekɔ. Mengɔndwule la me nee mgbanyima ne mɔ yiale nu ahane na mengilehilele Edwɛkpa ne mɔɔ mebɔ ye nolo mekile bɛdabɛ mɔɔ bɛnle Dwuuma la anu mengilele bɛ, amaa gyima ɛhye mɔɔ melɛyɛ nee mɔɔ meyɛ ye dɛba la anyɛ gyɛne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:3

Nyamenle yele ye ngyehyɛlɛ ne mɔɔ vea la hilele me. (Mehɛlɛ ɛhye anwo edwɛkɛ sikalɛ,

Kɔlɔ 1:23

Zɔhane ati, ɔwɔ kɛ bɛkɔ zolɛ bɛsɔ bɛ diedi ne anu ɛsesebɛ, bɛgyinla bɛ ti na bɛgyinla kpundii. Saa bɛyɛ ye zɔhane a yɛɛ awie ɛnrɛhola ɛnrɛzɛkye bɛ anyelazo ne mɔɔ bɛnyianle ye wɔ mekɛ mɔɔ bɛdele Edwɛkpa ne la a. Edwɛkpa ɛhye, bɛbɔ ye nolo bɛhile abɔdeɛ muala mɔɔ wɔ aleɛabo la, yɛɛ medame, Pɔɔlo a bɛyɛ me nwolɛ sonvolɛ a.

Kɔlɔ 1:25

Ɛhye ati yɛɛ Nyamenle ɛyɛ me asɔne ne sonvolɛ, na yeva gyima ɛhye yemaa me kɛ menyɛ wɔ bɛ ti a. Gyima ne a le Nyamenle edwɛkɛ ne nolobɔlɛ.

Kɔlɔ 1:7

Ɛpafelase a hilehilele bɛ Nyamenle ɛlolɛ ɛhye anwo edwɛkɛ a. Ɔle yɛ diema sonvolɛ kpalɛ kpalɛ mɔɔ sonle Kelaese nɔhalɛ nu a; ɔgyi yɛ gyakɛ anu wɔ lɔ.

1 Tɛs 3:2

na yɛazoa adiema Temɔte mɔɔ nee yɛ yɛ Nyamenle gyima ye, yɛka Edwɛkpa ne mɔɔ fane Kelaese anwo la. Yɛzoanle ye kɛ ɔramaa bɛ anwosesebɛ na ɔboa bɛ wɔ bɛ diedi nu,

1 Tem 1:12

Meyɛ yɛ Awulae Kelaese Gyisɛse mɔɔ ɛmaa me anwosesebɛ wɔ me gyima ne anwo la mo. Meyɛ ye mo kɛ yebu me bie na yeva me wɔ ye gyima nu a.

1 Tem 4:6

Saa ɛfa ngilehilelɛ ɛhye mɔ ɛkilehile mediema ne mɔ a, ɛbayɛ Kelaese Gyisɛse sonvolɛ kpalɛ, na diedi nu ngilehilelɛ ne nee ngilehilelɛ kpalɛ ne mɔɔ dahuu ɛli ɔ nzi la aboa amaa wɔanyi sunsum nu.

2 Tem 4:5

Na wɔmɔ, sie ɛ ti koonwu, mia ɛ nye te nyane, kpɔsa bɔ Edwɛkpa ne nolo, na yɛ Nyamenle gyima ne kɛ ɛle sonvolɛ.