Ɛzoanvolɛma Gyima ne 26:14 - BAEBOLO ANZƐƐ BULUKU NWUANZANWUANZA

¹⁴ Yɛ muala yɛpɛle yɛfinle, na mendele ɛnelɛ bie kɛ ɔlɛtendɛ yeahile me wɔ Hibulu aneɛ nu kɛ, ‘Sɔɔlo, Sɔɔlo! Duzu ati a ɛlɛyɛ me kpɔdekpɔde ɛ? Ɛto ɛ gyakɛ ɛwɔ evileni bowule a, ɛboda ɛ nwo o!’

Ɛzoanvolɛma Gyima ne 26:14 ပူးပေါင်းရင်းမြစ်များ

Mrɛlɛbulɛ Buluku ne 13:15

Adwenle kpalɛ ɛvalɛ maa sonla sɔ ɛnyelɛ, na mɔɔ bɛfa bɛ adwenle bɛto ɔ nwo zo a ɔnyɛ boɛ la adenle kɔ munzule nu.

Zɛkalaya Buluku ne 12:2

“Mebayɛ Gyɛlusalɛm kɛ kɔpo mɔɔ nwanye ɛyi ye tɛkɛɛ la; maanle maanle mɔɔ zuozua ye la baranlo bie na bɛabo kɛ tandi. Saa bɛfa ɛlɔnema bɛbabɛnra bɛyia Gyɛlusalɛm a, ɛnee bɛbɛnra bɛyia Dwuda azuamgbole kɔsɔɔti noko.

Zɛkalaya Buluku ne 2:8

Nrɛlaleɛ ɛhye yɛɛ Tumivolɛ Ɛdɛnkɛma vale zoanle me wɔ maanle maanle ne mɔ mɔɔ rawuale bɛ la anu a, ɔluakɛ awie mɔɔ kɛva ɔ sa kɛha bɛ la ɛva ɔ nye kuduarizi ne ɛwɔ baka zo.

Ɛzoanvolɛma Gyima ne 21:40

Na sogyama kpanyinli ne manle ye adenle kɛ ɔdendɛ. Na Pɔɔlo gyinlanle kpolike ne azo, ɔmanle ɔ sa zo ɔbobole menli ne. Mɔɔ bɛ muala bɛyɛle koonwu kpalɛ la, Pɔɔlo dendɛle Hibulu aneɛ nu hilele bɛ zele kɛ,

Ɛzoanvolɛma Gyima ne 22:2

Mɔɔ bɛdele kɛ ɔlɛtendɛ yeahile bɛ wɔ Hibulu aneɛ nu la, bɛ muala akee bɛyɛle koonwu. Na Pɔɔlo hɔle zolɛ hanle kɛ,

Ɛzoanvolɛma Gyima ne 26:13

Na wɔ adevinli ne, kɛyɛ sɛnzɛngyinla, Nana, yɛɛ menwunle kɛ wienyi mɔɔ ta tɛla sɛnzɛne la, vi anwuma ɛrabɛnra ɛyia me nee menli mɔɔ me nee bɛ lua la a.

Ɛzoanvolɛma Gyima ne 26:15

Na membizale ye kɛ, ‘Awulae, na ɛdawɔ nwane ɔ?’ Na Awulae zele kɛ, ‘Mame a mele Gyisɛse mɔɔ ɛlɛyɛ me kpɔdekpɔde la.

Ɛzoanvolɛma Gyima ne 9:7

Menli mɔɔ nee Sɔɔlo lua la dɔle mumule, bɛandɛ bɛ nloa anu, ɔluakɛ bɛdele ɛnelɛ ne, na bɛannwu awie biala.

1 Kɔl 10:22

Yɛkulo kɛ yɛka Nyamenle ɛya ɔ? Yɛdwenle kɛ yɛ nwo yɛ se tɛla ye ɔ?