Ɛzoanvolɛma Gyima ne 26:13 - BAEBOLO ANZƐƐ BULUKU NWUANZANWUANZA

¹³ Na wɔ adevinli ne, kɛyɛ sɛnzɛngyinla, Nana, yɛɛ menwunle kɛ wienyi mɔɔ ta tɛla sɛnzɛne la, vi anwuma ɛrabɛnra ɛyia me nee menli mɔɔ me nee bɛ lua la a.

Ɛzoanvolɛma Gyima ne 26:13 ပူးပေါင်းရင်းမြစ်များ

Ayezaya Buluku ne 24:23

Akee siane ne balu kisii na sɛnzɛne ne ɛnrɛda bieko, ɔluakɛ Tumivolɛ Ɛdɛnkɛma bali belemgbunli wɔ Zayɔn Boka nee Gyɛlusalɛm na yeahile ye anyunlunyia ne wɔ ye mgbanyima ne mɔ anyunlu.

Ayezaya Buluku ne 30:26

Siane ne ɛdalɛ ne bayɛ kpole kɛ sɛnzɛne ne ɛdalɛ la, yɛɛ sɛnzɛne ne ɛdalɛ bayɛ mɔnwo nsuu kɛ kenle nsuu ɛdalɛ wɔ mekɛ mɔɔ Ɛdɛnkɛma kɛze kɛ ɔyɛ ye menli ne ayile na yeakyekye bɛ nganlɛ ne mɔ mɔɔ yebɔ bɛ la azo la.

Edwɛkpa ne kɛmɔ Mateyu hɛlɛle la 17:2

Na Gyisɛse hakyile wɔ bɛ nye zo; ɔ nyunlu dale kɛ sɛnzɛne na ye tɛladeɛ ne yɛle fufule nwohyee na ɔdale kɛ neanleɛ.

Ɛzoanvolɛma Gyima ne 22:6

“Mɔɔ melua adenle zo melɛkɔ na ɔka ekyii medwu Dɛmasekɛse la, kɛyɛ sɛnzɛngyinla mekɛ nu, arɛlevilɛ nu ala wienyi kpole bie vi anwuma dale bɛnrale yiale me.

Ɛzoanvolɛma Gyima ne 22:9

Menli mɔɔ nee me lua la nwunle wienyi ne, na bɛande ɛnelɛ ne mɔɔ dendɛle hilele me la.

Ɛzoanvolɛma Gyima ne 26:12

“Ɛhye ala anwo bie yɛɛ sɛlɛvolɛ mgbanyinli ne mɔ manle me tumi kɛlata manle mengɔle Dɛmasekɛse a.

Ɛzoanvolɛma Gyima ne 26:14

Yɛ muala yɛpɛle yɛfinle, na mendele ɛnelɛ bie kɛ ɔlɛtendɛ yeahile me wɔ Hibulu aneɛ nu kɛ, ‘Sɔɔlo, Sɔɔlo! Duzu ati a ɛlɛyɛ me kpɔdekpɔde ɛ? Ɛto ɛ gyakɛ ɛwɔ evileni bowule a, ɛboda ɛ nwo o!’

Ɛzoanvolɛma Gyima ne 9:3

Mɔɔ ɔlua adenle zo na ɔka ekyii ɔdwu Dɛmasekɛse la, wienyi kpole bie vi anwomanyunlu rabɔle yiale ye.

Yekile 1:16

Ɔlɛ nwɔlɔra nsuu ɔ sa fema ne anu, yɛɛ dadeɛ anye nwiɔ mɔɔ yɛ nla kɛ wowole la zia ɔ nloa anu. Ɔ nyunlu maanle ne ta kɛ ewia henlema sɛnzɛne.

Yekile 21:23

Suakpole ne azo amra ɛngyia sɛnzɛne anzɛɛ siane nwo, ɔluakɛ Nyamenle anyunlunyia ne a le zolɛ wienyi ne a, yɛɛ Boaneralɛ ne a le ye kɛnlaneɛ a.