Ɛzoanvolɛma Gyima ne 26:11 - BAEBOLO ANZƐƐ BULUKU NWUANZANWUANZA

¹¹ Mekɛ dɔɔnwo ne ala memanle bɛdeanle bɛ wɔ nyianu azua ne mɔ anu, na membɔle mɔdenle kɛ memaa bɛ ngome bɛaha ɛtane bɛatia bɛ ɛzonlenlɛ ne. Me nye bolole bɛ nwo kpalɛ manle ɔrale kɛ akee mekɔ azuamgbole zo wɔ maanle maanle zo yɛɛ mekɔkye bɛ meba a.

Ɛzoanvolɛma Gyima ne 26:11 ပူးပေါင်းရင်းမြစ်များ

Edwɛndolɛ Buluku ne 102:8

Me kpɔvolɛma twi me nyunlu dahuu, bɛdabɛ mɔɔ bɛsi me amgbu la fa me duma yɛ ndonwo wa amonle.

Nolo 9:3

Awieleɛ ko ne ala a wɔ ɛkɛ maa bɛ muala a, na ɛhye noko le munzule mɔɔ ka debie biala mɔɔ wɔ aleɛabo la. Sumunli kenle ala mɔɔ sonla de ngoane nu la, ɛtane nee ɛzɛlɛsɛm ɛyi bɛ adwenle tɛkɛɛ. Bɛyɛ ɛhye mɔ na bɛwu.

Edwɛkpa ne kɛmɔ Mateyu hɛlɛle la 10:17

Bɛnlea bɛ nwo boɛ wɔ menli sa nu, ɔluakɛ bɛbahye bɛ bɛ nee bɛ ahɔ kɔɔto; bɛbabila bɛ empele wɔ bɛ nyianu azua ne mɔ anu,

Edwɛkpa ne kɛmɔ Maake hɛlɛle la 13:9

“Na bɛmɛ, bɛnlea bɛ nwo boɛ kpalɛ. Bɛbahye bɛ bɛahɔ kɔɔto. Bɛbabo bɛ wɔ nyianu azua ne mɔ anu; ɔlua me ti, bɛbagyinla mgbanyima nee arelemgbunli nyunlu na bɛaha Edwɛkpa ne bɛahile bɛ.

Edwɛkpa ne kɛmɔ Maake hɛlɛle la 3:28

“Bɛhakye ɛhye! Ɛtane biala ɛnle ɛkɛ mɔɔ sonla kɛyɛ anzɛɛ munzule edwɛkɛ biala ɛnle ɛkɛ mɔɔ sonla kɛha, mɔɔ bɛnrɛva bɛnrɛhyɛ ye a.

Edwɛkpa ne kɛmɔ Luku hɛlɛle la 15:17

Nzinlii ye adwenle rale ɔ nwo na ɔzele kɛ, ‘Gyimayɛvoma mɔɔ wɔ egya gyima nu la di aleɛ maa ɔbo bɛ nwo zo, mame a mela ɛke mɔɔ ɛhɔne ɛlɛku me la!

Edwɛkpa ne kɛmɔ Luku hɛlɛle la 21:12

Bɛbahyehye bɛ, bɛayɛ bɛ kpɔdekpɔde, bɛbaye bɛ bɛamaa bɛali bɛ edwɛkɛ wɔ bɛ nyianu azua ne mɔ anu na bɛagua bɛ efiade; bɛbava bɛ bɛahɔgyinla arelemgbunli nee maanle mgbanyima nyunlu wɔ me ti kolaa na ɛhye mɔ asisi.

Edwɛkpa ne kɛmɔ Luku hɛlɛle la 6:11

Ɛhye anwo ɛya hunle menli ne kpole na bɛvale mɔɔ bɛbava bɛayɛ Gyisɛse la anwo adwenle.

Ɛzoanvolɛma Gyima ne 13:45

Mɔɔ Dwuuma ne nwunle menli dɔɔnwo ne la, anyebolo dɔle bɛ nwo; bɛdendɛle bɛtiale mɔɔ Pɔɔlo ɛlɛka la, na bɛbɔle bɛ aholoba.

Ɛzoanvolɛma Gyima ne 18:6

Nzinlii mɔɔ bɛtiale mɔɔ ɔlɛka la, bɛhehanle ɛtane dɔɔnwo bɛhilele ye. Ɛhye ati Pɔɔlo kpokpole ye tɛladeɛ ne anu munlutu guale na ɔzele bɛ kɛ, “Saa bɛminli a, nwolɛ ɛzonle ɛnzo me. Bɛdabɛ bɛ ɛminlinlɛ nwo ɛzonle zo bɛ! Ɔvi ɛnɛ mɔɔ kɔ la mebahɔ bɛdabɛ mɔɔ bɛnle Dwuuma la anu meahɔha Edwɛkpa ne.”

Ɛzoanvolɛma Gyima ne 22:19

Na menganle kɛ, ‘Awulae, bɛdabɛ bɛze ye wienyi kɛ medame a anrɛɛ ɛnee mekye menli mɔɔ die wɔ di la, mebo bɛ, metwenle bɛ aze wɔ nyianu azua ne mɔ anu a.

Ɛzoanvolɛma Gyima ne 22:5

Sɛlɛvolɛ Kpanyinli ne nee ayia mgbanyima ne mɔ amuala di daselɛ kɛ mɔɔ melɛka la le nɔhalɛ. Menliele ngɛlata wɔ bɛ lɔ kɛ melɛ mekamaa mediema Dwuuma mɔɔ wɔ Dɛmasekɛse la. Na menzile nu kɛ mekahye menli ɛhye mɔ meagua bɛ anga na meava bɛ meara Gyɛlusalɛm, amaa bɛadea bɛ, kɛmɔ ɔfɛta la.

Ɛzoanvolɛma Gyima ne 9:1

Mekɛ ne anu ɛnee Sɔɔlo lɛ ye kɔdiawu adwenle ne tɛgyegye Awulae ɛdoavolɛma ne. Ɔhɔle Sɛlɛvolɛ Kpanyinli ne ɛkɛ

Gyemise Kɛlata ne 2:7

Asoo tɛ sukoavolɛma a ka duma kpalɛ ne mɔɔ bɛfa bɛfɛlɛ bɛ la anwo edwɛkɛ ɛtane ɛtane la?

2 Pit 2:16

na bɛdeanle ye wɔ ɛtaneyɛlɛ nwo la agyakɛ. Asoaso bɔbɔ mɔɔ ɔde zolɛ la vale sonla ɛnelɛ dendɛle ye na ɔduale Nyamenle kpɔmanvolɛ ne ɔmanle ɔgyakyile ye ɛzɛlɛ ninyɛne ne.