Ɛzoanvolɛma Gyima ne 25:3 - BAEBOLO ANZƐƐ BULUKU NWUANZANWUANZA

³ ɔli ɔboa bɛ na ɔva Pɔɔlo ɔrɛla Gyɛlusalɛm, ɔluakɛ ɛnee bɛlɛ adwenle kɛ bɛtɛ ye wɔ adenle nu bɛahu ye.

Ɛzoanvolɛma Gyima ne 25:3 ပူးပေါင်းရင်းမြစ်များ

Mrɛlɛbulɛ Buluku ne 24:15

Mmakɔ nzia wɔ ɛleka mɔɔ tenlenenli de la, kɛmɔ amumuyɛnli yɛ la; mmatwe konle ɛto ye sua nu,

Gyɛlɛmaya Buluku ne 18:18

Akee menli ne hanle kɛ, “Bɛmaa yɛva Gyɛlɛmaya anwo adwenle, ɔluakɛ ɔwɔ kɛ sɛlɛvolɛ a kilehile mɛla ne anu a, na nrɛlɛbɛvolɛ tu folɛ, yɛɛ Nyamenle kpɔmanvolɛ ka Nyamenle nrɛlaleɛ ne. Bɛmaa yɛdo ye ɛzonle na yɛduodua yɛ nzo wɔ ye edwɛkɛhanlɛ nwo.”

Gyɛlɛmaya Buluku ne 38:4

Na mgbanyima ne mɔ hanle hilele belemgbunli ne kɛ, “Maa bɛhu nrenya ɛhye, ɔluakɛ ɔlɛka edwɛkɛ yeamaa ɛlɔnema mɔɔ ɛha suakpole ye azo nee menli ne amuala asa anu atuto. Nrenya ɛhye ɛnzuzu maanlema boɛ, ɔsuzu bɛ nee ɛtane.”

Dw 16:3

Bɛbayɛ ɛhye mɔ amuala, ɔluakɛ bɛnze Selɛ ne yɛɛ bɛnze me.

Ɛzoanvolɛma Gyima ne 9:2

na ɔhɔliele tumi ngɛlɛta kɛ ɔkɔ Dɛmasekɛse nyianu azua ne mɔ anu yeahɔhye bɛdabɛ mraalɛ nee mrenya mɔɔ bɛlua Awulae Adenle ne azo la, yeakyekye bɛ, ɔ nee bɛ ara Gyɛlusalɛm.

Ɛzoanvolɛma Gyima ne 9:24

na Sɔɔlo dele. Dwuuma ne dɛle ye wɔ sua ne azo nlenkɛ mgbole ne mɔ anloa nɔɔzo nee ewiazo kɛ bɛ sa kɛha ye bɛkɛhu ye.

Wulo 3:8

Duzu ati yɛɛ bɛnga kɛ, “Bɛmaa yɛli ɛtane amaa kpalɛ ara ɛ?” Nɔhalɛ, ɛzonle mɔɔ menli ne bie mɔ ɛva ɛdo yɛ nwo zo la ɛne. Na bɛdabɛ bɛ munzule doa bɛ!

2 Kɔl 11:26

Wɔ me adendulɛ dɔɔnwo ne mɔ anu, meyia esiane dɔɔnwo mɔɔ le kɛ azuyilɛ, ahɔdiawu, yɛɛ medame me gɔnwo mɔ Dwuuma, nee bɛdabɛ mɔɔ bɛnle Dwuuma la asa anu esiane; meyia azua mgbole zo esiane, esiane wɔ fienemgbole nu, yɛɛ meyia agɔnwolɛma adalɛ asa anu esiane.